一心麵食 油塘

一心麵食 評價 相片

新年提早收爐, 放假出街辨年貨, 四處都係人人人, 大家都忙著過年, 所以午餐都係隨便食碗麵算吧.車仔麵選擇性較多, 就算揀2餸都唔會比人黑面. 不過黎到又覺得樣樣餸都想食, 所以要左豬手+豬紅+魚皮餃蕃茄湯米線.魚皮餃有好多粒, 個皮幾薄, 餡料足豐滿, 就算係咪自家包, 我都覺得呢個餃好味. 豬紅好滑, 咬落爽爽地, QQ地, 有口感.主菜仲有豬手, 大大舊呢啱晒口味, 個肉煮得好腍, 但又唔係一食就散, 味道夠唔會太咸.D米線好爽口, 唔會太腍過左火, 整體D餸都幾多, 唔會唔夠飽.

年尾到, 每日工作忙, 日常生活更忙, 所以每餐都係以簡單快捷為主.車仔麵既好處就係可以自由揀咩餸, 揀幾多款, 多少隨意.呢間一心既車仔麵餸較新穎, 有肥牛豬手魚腐豬仔, 蕃茄湯配河粉, 將我鍾意食既野全部集合晒.肥牛既脂肪同肉分怖都幾平均, 唔會剩得肥. 豬手炆得夠腍, 好入味, 而且個皮好有彈性.魚腐夠彈牙, 腸仔就係正常野, 份量足.要蕃茄湯因為有多兩舊薯仔, 又係炆到入晒味, 蕃茄清甜.

午餐得好少時間, 快手響美食廣場搵野食, 未食過呢間車仔麵, 而且見幾多人食, 試試先.豬手雲吞魚旦蕃茄麵, 仲有菜. 豬手稔身而且入味, 個皮夠彈食落黏口, 食完膠骨原好豐富.雲吞皮薄多餡, 餡料唔會太多肥豬肉.魚旦既咖哩味濃味中但又唔會死辣, 好香又入味, 放左落湯少少辣更開胃.湯底係蕃茄湯底, 呢個湯底響車仔麵鋪較少有,蕃茄清甜唔酸, 食到一舊一舊既蕃茄, 唔會滾到溶晒, 而且蕃茄湯底食落無咁易濟, 就咁飲下D湯都好味.仲有個麵底好爽口, 唔會太腍.下次同同事黎要叫埋D小食試下.

雖然而且米線鋪開到成行成市, 但我都係鍾情由細食到大既車仔麵.Foodcourt呢間新開車仔麵, 行過幾次都幾多人買, 今日終於有時間試下.至尊四餸麵盛為40蚊, 跟三餸麵祗差4蚊, 咁梗係要四餸麵食多樣.魚蛋冬菇牛腩豬皮配豬骨湯底加腩汁先講下個牛腩, 雖然唔係食牛什粉麵既鋪頭,但炆得都有牛什鋪既味道, 牛腩夠腍又入味, 唔會太多肥膏, 無咩渣.豬皮夠爽口都好入味, 魚蛋好彈牙, 好香咖哩味, 唔算好辣.冬菇亦都炆得好腍身, 入晒味. 而個湯底係豬骨湯, 加左腩汁, 清得黎帶D味, 唔會太油.個麵底亦夠爽口, 無粯水味.

有驚喜，平時開工都系附近食下野，咁岩今日食飯時間可食內點，就行到大本型呢邊諗住行下食下野hea 下，打工仔食飯黎黎去去都系去food court 搵下有咩好野食啦，我也不例外。

甘岩見到間車仔麵檔有不少人排隊，羊群效應心諗應該都不錯。

我叫左個肥牛魚蛋蘿蔔 三餸麵，36蚊，都算抵食了，D餸足料賣相大大碗，一點也不失禮，肥牛不算太肥，食落剛熟所以不太靭，有淡淡牛香味，咖喱魚蛋爽口彈牙，夠入味不會梅揼揼的、蘿蔔沒有咋，好林好入味

一心麵食餐單提供港式, 車仔麵, 粉麵, 米線等推介美食位於油塘區，餐廳座位數未知人均消費約$50以下，結賬可以用現金。

您對於油塘餐廳「一心麵食」有何 comment？

一心麵食餐廳詳細資料：

• 一心麵食地址:
  油塘高超道38號大本型3樓308-312號大食代1及7A號舖
  Yixin Express, Stall1&7 A, Food Republic, Shop308-312,3/ F, Domain,38 Ko Chiu Road, Yau Tong
• 一心麵食電話:  
• 一心麵食價錢: $50以下
• 分類: 港式, 車仔麵, 粉麵, 米線
• 座位: 未知
• 付款: 現金
• FB專頁: 一心麵食 Facebook

更多一心麵食相關資料:

• 一心麵食分店
• Youtube
• Facebook
• Twitter
• Google