一丼 油塘

一丼 評價 相片

食材新鮮，造型精緻，特別推薦：海膽，芒果卷，海膽好鮮甜，我直接食，全部即叫即整，好新鮮，好味道，值得一試。

地址位於鯉魚門市場入口出，全新裝修，入面全部都係食肆，好多選擇，有辣有唔辣，任君選擇。

一丼一入門口左手邊已經見到，老闆人好靚仔，好nice, 好有禮貌，好專業，估計應該有20年功力先做到這色香味俱全。

本來自己對壽司已經沒有太大的衝動想食，不過食過呢間一丼就即係對壽司有返食慾，由於公司係附近，有時過去公司就會隨便去一丼買外賣返屋企食，有時特蹬揸車過去買外賣返屋企食

早幾日經過街市，見到有檔新開嘅日本嘢，見到都幾企理，價錢又幾平，就試吓啦～原本諗住咁平都應該係普通質素啫，點知竟然有驚喜喎⋯⋯食咗隻芝麻雞翼，雞翼炸得夠香口，一啖咬落去竟然爆汁，真係估佢唔到😆因為好鍾意食香口野,又叫咗個芝士年糕,個芝士年糕炸得夠香脆，啲芝士醬湧出嚟，Mix埋啲年糕一齊食，煙韌得來又有濃香芝士味，啱晒我啲芝士怪😌，而且唔會會好似一般出面食咁油淋淋，正!因為食咗正餐所以就冇試到壽司，純粹口痕想食下啲香口野，不過見到佢啲刺身擺喺度個樣都幾靚仔，下次一定要試吓😚😚

經朋友介紹嘅舖頭，真係好唔錯㗎。

呢個芝士豬扒卷真係冇得頂！好多新奇嘅搭配刷新咗我對壽司嘅認識，牛油果鰻魚卷，芒果卷和芝士鰻魚天婦羅卷都係新穎又好味嘅搭配。

值得一提嘅係小店好乾淨衛生，食物都令人放心，員工都好熱情同埋有禮貌，係好唔錯嘅服务體驗。

美中不足嘅係冇得堂食，剩係得外賣。

我本人係好鍾意食日本料理嘅，以後都會經常幫襯小店！加油

近排除咗係屋企煮煮到唔知煮咩好，要諗今晚煮咩餸諗到發癲之外，就係要不斷嗌外賣，衣家又唔比多過兩個人堂食，幾乎附近有嘅外賣嘢都全部嗌過曬。

當然呢頭又真係冇咩好食架拉。

咁啱見到呢間好似新開嘅小店，賣日本嘢食，又見到有啲人等緊外賣，又到食飯時間，天時地利人和，唔試下都對唔住自己。

嗌左之後，反到屋企就覺得，果然係有食神先會搵到呢間一丼。

屋企四個人食飯，兩大兩細，如果食壽司，都通常會去嗰幾間，冇計，小朋友鐘意。

見到呢間嘢，有齊屋企小朋友最鍾意嘅炸軟殼蟹手卷同燒汁牛肉丼，再嗌左個老細推薦嘅芒果卷，加埋其它野食，四個人食完飽到上心口，但係個價仲要平過出面多多聲！呢個係真係意外驚喜。

食日本野感覺點都健康過其它米線炒麵之類，所以我哋平時都算食得多日本野，唔夠膽話好識食，但係起碼分得到新唔新鮮，好唔好食。

我會好認真講一句，呢間絕對會係我以後叫外賣嘅首選！佢啲炸物，反到屋企食都仲好脆，個燒汁牛肉兩個小朋友自己KO左，個芒果卷不愧係老細推薦，啲芒果好鮮甜，啲壽司都好新鮮！最緊要間舖面好亁淨，個個員工都好企理，我諗對每個屋企來講，呢啲嘢都好緊要。

總之，呢間小店我絕對推薦！！！

經過街市見到新開，好中意食壽司所以就試下，估唔到佢又幾好食😋鋪頭裝修好有心機整得幾靚，比人感覺幾乾淨。

嗌左個芒果卷，第一次見有水果加係壽司上面，呢個組合幾特別，味道真係出乎意外既好食。

之後嗌左個炸蝦卷，芝士鰻魚天婦羅卷，一個炙燒三文魚飯，一個牛肉烏冬，同我媽咪兩個人食，已經食到超級飽。

個芝士鰻魚天婦羅卷又係第一次見呢個組合，食落去脆脆地，熱辣辣好好味😋價錢合理，會再繼續幫襯，良心小店！👍🏻👍🏻

一丼餐單提供日本菜, 壽司, 刺身等推介美食位於油塘區，餐廳座位數未知人均消費約$50以下，結賬可以用現金，Booking訂位可以電話致電 97582207 查詢。

您對於油塘餐廳「一丼」有何 comment？

一丼餐廳詳細資料：

• 一丼地址:
  油塘鯉魚門道80號鯉魚門廣場地下市場3號舖
  1 Dong, Shop3, G/ F, Market, Lei Yue Mun Plaza,80 Lei Yue Mun Road, Yau Tong
• 一丼電話: 97582207
• 一丼價錢: $50以下
• 分類: 日本菜, 壽司, 刺身
• 座位: 未知
• 付款: 現金
• FB專頁: 一丼 Facebook

更多一丼相關資料:

• 一丼分店
• Youtube
• Facebook
• Twitter
• Google