麗豪廳 沙田

麗豪廳 評價 相片

今晚親戚朋友在這裏擺酒， 我們整枱親戚也吃得一肚氣， 食物賣相差之餘味道也差分量少完全吃不飽… 如果以酒店來說他一定是數一數二的差…由於上菜了但還沒有開燈所以這張乳豬上黑蚊蚊……尊貴金豬大紅袍 乳豬來說這都算細，皮很薄，還脆的但是沒有肉…翡翠銀湖仙玉帶衰啲講這碟簡直是侮辱… 各樣東西也好像是白烚過就上碟，仍然是水汪汪的… 一點令人想吃的顏色也沒有… 連一朵伴碟的假花也懶得放… 帶子吃落不可口，翠玉瓜真的只是白烚過…蘭花玉環瑤柱甫節瓜不是空心的， 瑤柱脯只有大半粒放在內， 西蘭花沒有味也沒有汁，又是白烚過就算…中間還有個炸蟹鉗忘了拍照…金腿蟹肉燴燕液" 燕窩"和金腿蟹肉羹是分開上的， 與其說是燕窩，我們個個都覺得只是魚肚… 蟹肉羹 也沒有什麼味道，只有少少金華火腿的鹹味，依稀會有一兩口蟹肉蠔皇翡翠原隻鮑魚托底的生菜不多 鮑魚味道是ok的清蒸沙巴老虎斑魚來說都算細條， 蒸得有點老宮廷一品雞到時嗰句雞十分細隻，而且調味料也沒有，豉油和淮鹽都沒有，也不見得雞本身很夠味道…黑豚蔥花炒香苗簡單來說無色無味無臭金菇銀芽燴伊麵， 吃了飯沒有吃麵銀耳紅棗燉雙連，只有甜園林鮮果大拼盤， 沒有一種水果是甜的， 個人覺得可能是未夠熟總括這次飲宴的感覺就是很差， 每一碟我們全台也清曬，但是也不夠飽， 甚至我吃了兩個冰皮月餅打底才去也沒有飽的感覺……順帶一提，不要喝茶，茶有一點怪味

朋友相約去呢間吃Buffet，未吃過d咁難吃的Buffet。

價錢又超級貴！！！！！！！！！！！！！！！！！！！千其唔好去！！！！！！！！！！！！！！！！！小龍蝦咬唔爛，咖喱無味，冬蔭功湯係勾水既😓完全無味我睇到都唔想吃，見唔到蠔，d青蠔都唔好吃，咬唔到，我試一口就掉了😔飲品都係好差，飯都唔得，涼拌粉皮都係可以硬的，d雞肉係咬唔到既，燒烤係出邊好遠。

無人提示，打六五折都仲要就五百好唔值得！服務係無的，人非常差，收碟好快，甜品有雪糕😪

今晚係 2010 年酒吧電腦飛鏢聯賽宴，如果唔係都無諗過會黎依間酒店食飯呀。

會黎依度附近唱 K 就多，真係入酒店食飯都係第一次。

第一次行入依間酒店，大堂感覺好殘好舊，地方細而且有啲局束，救命啊 ~ 好聽啲叫做古式古香囉 ~ 去到宴會廳樓，見底都算高，裝修平凡無咩特別，都坐得舒服，接受啦 ~睇吓個 menu 都唔差架，計埋炒麵飯、甜品都有十款美食架，免費餐算好好架喇，仲全場嘉士佰 chill 贊助任飲，又有 promotor 姐姐係場中穿插招乎，生色不少啦，多謝。

金湯海皇羹，實質係南瓜豆府蝦仁帶子羹。

好搞笑喎，侍應上菜唔跟次序既，好似邊樣煮好先就出邊樣先，食左幾十年，真係第一次，好有趣又驚喜喎，每次都唔知下一味食咩先，嘩哈哈。

講返個羹，味道真係唔錯，唔會太甜，好好味，濃杰適中，清得黎又不失海鮮味，南瓜又夠健康添。

燒味併盤，嚇鬼咩 ﹗鬼佬同啲大陸佬唔識食就話得啫。

咸咸咸咸咸 ﹗叉燒咸，再加又鞋又靭。

油雞咸，仲要霉肉同腍劈劈。

海蜇燻蹄比啲鼓油浸住，一樣咸，肉口感硬實，海蜇唔爽。

燒鵝都係比豉油浸住，本身已醃過所以咸咸地，再浸埋豉油仲咸，bad bad bad。

翡翠彩鳳蝦仁，睇落翡翠即係西蘭花啦，蝦仁即係蝦仔啦，咁彩鳳係咪指啲雞柳呢？無咩鑊氣喎，又唔夠熱。

雞柳偏咸，蝦略有鮮味，可接受，最正係西蘭花，新鮮爽口，但係凍架呢。

鮑汁靈芝菇，最初無睇 menu 真係完完全全呃到我，仲以為咁正會有鮑片食添，一咬落口，即時噓聲四起，鮑魚菇乍，事後睇返 menu，靈芝菇黎架乍，食鮑魚？食懵您啦，哈哈。

外觀一百分，似足鮮鮑片，好。

鮑汁味道濃淡適中，唔錯，口感爽滑，加埋清淡既小唐菜，配搭得宜，滿意。

清蒸大海斑，全晚最好食既一碟，同埋係最熱騰騰既一道菜。

嘩 ﹗一放上格乍，成枱餓鬼已搶住食，唔洗三分鐘已經條斑得返中間條骨，速度驚人，連相都影唔到呀，總之得返啲骨都影返張啦。

是關香噴噴，色香味美，味道鮮甜，夠新鮮，魚頭、魚尾、魚肚、魚脣同面珠登都無一幸免，好味道。

當紅脆皮雞，油凍腍淡，講完。

油淋淋、凍冰冰又唔熱、雞皮唔夠脆，雞肉腍劈劈不滑不嫰、無雞味，淡而無味，不試也吧。

金菇炆伊麵，啲金菇呢？又腍又淡又油，都唔知食緊咩，口感同味道好似麵粉條囉，救命，劣。

鮑粒荷葉飯，啲鮑粒呢？去左邊呀？全枱一致認為超難食，試兩啖大家都放棄左喇。

濕得緊要，顏色係好夠呀，但係無味既，真奇怪，都唔知有無炒過既，一啲香味都無。

先講食物，其實款式已經不多，生蠔、螺、刺生可謂通通都沒有，只有一些熟食如雞翼、豬頸肉、薯仔等等．而且仲係唔太好食，夾既時候已經係凍晒～湯只得一個磨姑湯，很淡，淡得像水，橙汁也有，不過原來部機冇晒就係冇晒，冇得refill～食咁多次自助餐，最難食既可謂尼一次！～去之前請三思再三思！

2月14日係我一生中食過最難食的佢d seafood 係唔新鮮,一係好salty 如長腳蟹. Salt 到同百住1.x 無分別,蝦無味,慘過自己係樓下買個d果d desret 得過樣,無味! 沒飯食!最慘係個到d裝修好差, d款好少, service 好差, 最慘係我食左之後,腸胃炎.一定唔好食,食左你會後悔

麗豪廳餐單提供粵菜, 廣東, 酒店餐廳等推介美食位於沙田區，餐廳座位數未知人均消費約$51-100，結賬可以用現金。

您對於沙田餐廳「麗豪廳」有何 comment？

麗豪廳餐廳詳細資料：

• 麗豪廳地址:
  沙田大涌橋路34-36號麗豪酒店1樓
  麗豪廳, 1/ F, Regal Riverside Hotel,34-36 Tai Chung Kiu Road, Sha Tin
• 麗豪廳電話:  
• 麗豪廳價錢: $51-100
• 分類: 粵菜, 廣東, 酒店餐廳
• 座位: 未知
• 付款: 現金
• FB專頁: 麗豪廳 Facebook

更多麗豪廳相關資料:

• 麗豪廳分店
• Youtube
• Facebook
• Twitter
• Google