鳥妃 沙田

鳥妃 評價 相片

同朋友去搞旅行O既野, 之後黎鳥妃食飯. 炸蠔 好juicy, 一客唔夠食, 加追一客海鮮凱撒沙律 有魚生, 友人未食前面有難色(佢平時唔食生野), 但食完後又覺得唔錯, 仲話下次去食刺身添!芝麻豆腐汁都好好味!炸豆腐豆腐似街市o個種, 麻麻地, 可幸木魚汁都唔錯.埋單只係$168, 抵食!

我和媽咪之前分別去過一次鳥妃，大家都覺得很不俗，所以今日再去食lunch，食物和服務都沒有問題噃!今日點了個壽司餐(包沙律、豆腐、烏冬、壽司和餐飲，70元)和海鮮pizza(50元)，前者最正有海膽壽司，不過不失，烏冬彈口，後者味道都幾好，服務員亦相當殷勤，會再去!

19/2，第一次嚟試，一入到去覺得個環境都幾好，而且3個人坐張六個人o既卡位，好舒服！但都叫嘢都出事喇！我地叫o個樣嘢個外，佢又叫我地講no.，到講完no.喇，佢又落錯單加漏單(壽司就變定食)，漏咗單sorry都無講，就攞個meau比我地話：你地再睇過啦，我入錯咗！之前仲話等D嘢食要等半個鐘(你咁做嘢，唔使等先奇啦)，到最後都要第二個人嚟同佢執手尾，同我地重新落過單！叫咗3款壽司、雜錦石鍋飯、大蝦串、豬頸肉串、沙律！壽司不過不失，個飯幾好、個汁幾開胃，沙律汁亦都幾好！

多年姊妹相聚十分開心不過呢餐飯就...等左成個鐘和民(原因竟然係某人「唔想轉新野」...!...)先至轉戰呢間新開不久的料理坐低左一陣先睇得到個名叫鳥妃更加唔多聯想到原來係食雞專門店喎四個人叫左刺身三式(圖上)紫蘇葉魷魚天婦羅(圖下)雜錦串燒五式海鮮釜飯刺身上檯好靚三文魚無咩味油甘魚好鮮甜拖羅無食天婦羅就真係把鬼咯數埋得八件魷魚仔每件有一片紫蘇葉夾住塊葉炸到好脆不過整體黎講就真係唔得喇串燒係雞肉雞腎雞肝雞皮同肉丸呢個係最好食喎雞皮同雞肝好香可惜朋友唔多欣賞啦釜飯即係類似石頭飯不過海鮮還海鮮飯還飯夠四個人食囉睇黎真係雞之專門店喎唔係雞既就唔得裝修都ok啦半露天位好靚可惜又要留返做吸煙區仲有唔明點解一定要d侍應跪係度落order都唔知想點呢d「服務」有型而無神做好d態度好過啦咁難得見到好朋友實在太耐無見喇!如果野食好就更好啦不過朋友就係朋友好多野係唔會變既希望大家跟住見多d試多d好野食啦

18/10 晚七點幾到,唔駛等位,原來晚市係無set or 定食叫0既,咁就散叫啦!同bf叫左炸廣島生蠔($38),石頭鍋雜錦飯($65)同特選雞肉釜飯($55);炸生蠔(伴酸醬汁)先到,麵包糠表面炸得夠乾身唔油膩,出乎意料之外咁新鮮,蠔身就好嫩滑,不過得三隻就貴左d!跟住係石頭鍋飯,因已事先問左咩係雜錦,所以無驚喜,好足料下,有牛肉/蘿蔔絲/甘筍絲/芽菜/菠菜/冬菇絲/少量紅薑絲/一隻生雞蛋,唔知有無數漏呢?一入口口感豐富,d飯焦仲脆卜卜添,而個香濃帶微辣0既醬就另上,可依個人口味加減,份量之多足夠一位男士食飽,唔錯!最後係雞肉釜飯,如無先食其他野就ok,因味道偏清淡,不過我反而幾鍾意,因唔駛味味都咁濃味,雞肉都算滑,但就無咩雞味,個盛器0既保溫效果都好好,但係呢個份量就明顯比石頭鍋飯少,女士都可以,但男士如果好餓就未必夠飽喇!p.s. 個石鍋飯係我地自己攪暈黎食0既,但後來見隔離枱就有waitress幫佢地攪喎,唔知係咪要特別要求呢?

鳥妃餐單提供日本菜等推介美食位於沙田區，餐廳座位數未知人均消費約$101-200，結賬可以用Visa,Master,現金,AE。

您對於沙田餐廳「鳥妃」有何 comment？

鳥妃餐廳詳細資料：

• 鳥妃地址:
  沙田沙田正街18號新城市廣場一期7樓708號舖
  鳥妃, Shop708,7/ F, New Town Plaza Phase1,18 Sha Tin Centre Street, Sha Tin
• 鳥妃電話:  
• 鳥妃價錢: $101-200
• 分類: 日本菜
• 座位: 未知
• 付款: Visa,Master,現金,AE
• FB專頁: 鳥妃 Facebook

更多鳥妃相關資料:

• 鳥妃分店
• Youtube
• Facebook
• Twitter
• Google