金長利茶餐廳 沙田

金長利茶餐廳 評價 相片

返工附近總有間係同事十分之推薦嘅飯堂，我個度同學日日都嗌這間🤣🤣🤣會早到送貨，而且價錢又吾算好貴，一個餐45蚊，包野飲，最抵係加2蚊叫可樂😎乾炒牛河，三絲炒麵，蕃茄豬扒意粉， 豉椒排骨炒河都係我地常叫嘅！特別推介蕃茄豬扒意粉，超入味好好食！！啲汁酸酸甜甜好醒胃😍而且意粉係炒過，有wok氣，豬扒吾會係一大塊un個種，好鬆軟好好味，有時仲會連住小小肥肉比你🤣雖然肥啲但係好正！！超大盒🤣一個人食會肥到想瞓覺，我地多數5個人叫4盒share，已經好夠！每人先40蚊！抵！！！

就近威爾斯醫院有幾間茶餐廳。

依家真係唔想留係醫院canteen 食。

都係外賣最安全。

一開盒，熱辣辣，一陣白煙伴隨住令你流口水的鑊氣。

真係唔誇張，一開盒已流口水。

最讚干炒牛河，河粉彈牙，牛肉軟滑。

讚好師傅炒功。

豆腐班腩好抵食仲有菜心加底。

健康必選。

奶茶都好飲合到好處👍🏼是一般香港茶餐廳應有的味道。

真係好鐘意食茶餐廳,今次又黎揀左間未食過ge茶餐廳食野啦,下午茶時間黎到,但舖頭早開早收,有啲餐都賣曬啦想食清清地,最後揀左個雙蛋菜心米線,份量正常,唔大唔細咁,隻蛋煎得幾香,有幾條菜揀都幾開心,成日出街食飯都無菜食跟餐杯奶茶幾順口,OK ge上餐速度快,待應都幾nice個價錢平到真係唔知邊到搵,而其他普通飯餐都係四十零蚊唔過四十五見到隔離枱食個飯份量都唔少,幾抵食黎醫肚真係一流,又快又平又夠量,下次一定會再黎食過!

聽餐廳服務員話，新老闆已經由四叔接手，以前的老闆脾氣暴躁，人品更不想多說。

現在新老闆，我覺得四叔為人低調，人品好，最主要態度好，脾氣好👍😆，值得大家來試下，thank you. Have a nice day.

本人並不是一個上等人，所以時時都會去光顧茶餐廳這一類型的平民食肆。

在沙田，有一間名叫《金長利》茶餐廳我會經常光顧的。

原因，就是餐廳前有一個咪錶停車場，方便我泊車；另一個原因是這餐廳位於威爾斯醫院附近，探完病或睇完醫生就來充飢。

點解我會知道此店? 就是因為有位朋友曾在威院工作，經佢介紹而得知《金長利茶餐廳》囉。

食物其實只是普通，不過平靚正的工友份量午餐，是令到此茶餐廳客似雲來的原因。

而且食客吃不吃套餐都好，這兒的湯是自助的，任飲。

不夠飯時，大鍋湯旁邊也有大鍋飯，自已添。

例湯雖然好水下，但有味道，有足夠的青紅蘿蔔，對比較少有機會飲湯的人士，屬不錯。

這一次是探完病後一家人來食午餐，所以好多人一起食。

老媽子要了一碗魚片河，有點點潮州式的湯底，但全走青。

味道雖好，但這並不是粗身，厚身的那一種河粉，所以我對粉有點保留，但魚片切得厚身，入口又爽。

魚片救了這一碗河粉。

食物賣相就一定不美的了，原因好簡單，這一間《 金長利》，實際上是一間不折不扣的工友飯堂。

除醫院員工店，此店最多的，甚至更多的，都是開車來的司機大叔。

對食完就食從事勞動工作的他們，抵食夾大件就最好，所以，有湯任飲，白飯任食這一個玩意。

枝竹班球飯，魚肉炸得香，不過枝竹就有點粗，就咁伴炸魚塊也許不好，但若是做羅漢齋煲，係唔錯的。

這一個飯，好味道源至，汁。

時菜牛腩飯，牛腩夠腍，夠味就是不錯的地方。

肉同飯的比例剛剛好，夠飽又不會過飽。

而且，牛腩香口，就是一切。

羅漢齋炒麵，麵底十分之香脆，充滿了菇，充滿了菜，仲有大大片的木耳。

之前說的粗糙枝竹，在此顯得特別的好味道。

其實來過咁多次，若不介意花點時間等，不叫快餐牌上的食物，會有更高的質素。

奶茶是好好的一杯，夠濃就一定的了，夠奶也是一定的了，只是，茶或比起一般茶餐廳來得濃。

也許，對於醫務人員，司機大佬，是必要提神的一杯。

味道不差，價錢大眾化。

最重要的，就是很方便我這一種開車來的食客。

金長利茶餐廳餐單提供港式, 茶餐廳, 冰室等推介美食位於沙田區，餐廳座位數未知人均消費約$50以下，結賬可以用現金，Booking訂位可以電話致電 31427662 查詢。

您對於沙田餐廳「金長利茶餐廳」有何 comment？

金長利茶餐廳餐廳詳細資料：

• 金長利茶餐廳地址:
  沙田圓洲角路15-17號翠麗花園地下5-7號舖
  金長利茶餐廳, Shop5-7, G/ F, Green Leaves Garden,15-17 Yuen Chau Kok Road, Sha Tin
• 金長利茶餐廳電話: 31427662
• 金長利茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 金長利茶餐廳 Facebook

更多金長利茶餐廳相關資料:

• 金長利茶餐廳分店
• Youtube
• Facebook
• Twitter
• Google