茶敘 沙田

茶敘 評價 相片

好鐘意黎茶敘食野,好有家庭式經營ge感覺,好有親切感,老闆好nice價錢又實惠,個常餐就超抵,$35有半塊牛油烘多士,一杯野飲同埋一碗麵加自選兩款餸飯都唔貴,四十零蚊就有一飯一餸加飲品,今次又黎左食個常餐,揀左米線,不過啲米線份量唔係次次一樣,今次食就明顯份量多過上次,至於杯野飲，杯奶茶以前會起皮同埋淡啲,今次黎就茶味奶味都濃左,而且無起皮,唔知係咪轉左師傳,奶茶濃到夜晚瞓唔着覺,但係係好飲左。

　野食味道唔算突出,但塊多士就又香又脆好好味,如果食物份量同埋質素穩定啲就更好!

今晚想去食甜品...揀黎揀去都係返河畔屋企附近...夠晒方便....見到呢間新開...試下新野餐牌有無攪錯...啲野食甜品勁經濟實惠囉...以為mark 錯價30蚊以下一碗麵加野飲...做爛市講真...去三兄弟個間...一碗面都29啦！其實無諗過味道如何...平平地...即管一試我一心想食品甜宵夜...當然主食甜品啦...叫左我最愛梳乎厘一啲都唔求其...唔係好甜岩晒我口味...樣子都唔差...32蚊仲想點呢？正！其實仲叫左雜果船，紫米露，花枝丸，西多士...埋單144 蚊...抵啦⋯⋯由於當日無咩人，同甜品師傅傾左幾句，原來呢間佢之前無左個間既師傅唔怪得味道咁似曾相適啦！水準保留到...我仲想試一人火鍋...等我呀！

我係喺呢間餐廳試業嘅時候去食嘅！見樓下開咗間新餐廳一定要去試吓啦，點知就係惡夢嘅開始！其實見佢門面都冇乜嘢，諗住冇乜特別啦應該都只係一間好普通嘅茶餐廳，咁就同我老公入去試吓啦！一入到去諗住落單嘅時候，有個年紀比較大少少嘅阿姐揸住部平板電腦打算幫我地落單，我哋叫每一樣餸佢都搵唔到嗰樣餸係果部平板電腦嘅邊個位，講個例子，例如我話要酸辣薯粉，佢同我講佢搵唔到個薯粉喺邊個位咁點解要晒咁多時間用果部平板電腦呢，我落呢張單足足落咗8分鐘，成間餐廳計埋我都係得兩台客，另外果兩個侍應(老細?)自己坐喺度傾計，呢個阿姐落唔到單又唔試吓問其他同事，浪費我時間！仲要叫我跟返次序落單，我到底做錯d咩真係未食飯就吐血我自己就叫咗個炸雞翼酸辣薯粉，先講個薯粉，佢兜湯係完全冇味嘅，然之後配一啲未熟乾嘅腐皮，未食過個味咁嘅酸辣粉，之後到隻雞翼，一叉落去有一團血水流出嚟，完全未熟，好啦我同佢講啲雞翼未熟，佢用返同一隻雞翼拎去炸返俾我食不過其實隻雞翼已經係全餐最正常㗎啦到呢個涼拌雞絲撈烏冬，成兜野無味嘅，所謂嘅胡麻醬係水嚟嘅，我老公話佢未食過撈烏冬係得紅蘿蔔味我唔明呀，你開餐廳之前自己冇食過你自己啲嘢嘅咩？？？咁嘅質素點解你會覺得開餐廳會成功？？？未試過對一間餐廳嘅評價咁差，但係佢真係我記憶中食過最難食最難食嘅餐廳

就快搬離呢區，見有新餐廳就幫襯吓，點知中伏。

。

。

餐廳唔算大，得左右兩排座位，一眼睇晒。

餐牌寫明晚餐包餐湯及飲品，我叫咗個餐但無上湯，比我遲落單的也沒有，如果係咁就應該寫餐湯或飲品啦！主食茄汁吉列豬扒意粉，豬扒味道可以，新鮮炸上，但個茄汁就失望咗啲，呢個係舊式快餐店嘅茄汁，唔係鮮茄，係我諗多咗。

至於餐飲奶茶，做得茶餐廳一杯好飲奶茶是基本吧！我算是唔嘴刁的，但實在飲不下，勉強飲咗 3 口就放棄了。

附近都好多餐廳選擇，價錢都差不多，如果唔突出自己都幾難站穩住腳喔！

茶敘餐單提供港式, 茶餐廳, 冰室等推介美食位於沙田區，餐廳座位數未知人均消費約$50以下，結賬可以用現金，Booking訂位可以電話致電 35902141 查詢。

您對於沙田餐廳「茶敘」有何 comment？

茶敘餐廳詳細資料：

• 茶敘地址:
  沙田大涌橋路20號河畔花園C座地下8號舖
  Tea Time Cafe, Shop8, G/ F, Block C, Riverside Garden,20 Tai Chung Bridge Road, Sha Tin
• 茶敘電話: 35902141
• 茶敘價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 茶敘 Facebook

更多茶敘相關資料:

• 茶敘分店
• Youtube
• Facebook
• Twitter
• Google