潮軒打冷小菜粉麵 沙田

潮軒打冷小菜粉麵 評價 相片

首先~間嘢加左個"新"字喺招牌到的平時好多人的~次次行過~想食晚飯的話~有排等~前排喺宵夜時去食~又有位wo~~未食飯的我們一行4人~叫了唔少嘢~~1) 咸菜~~~$10打冷必食....佢可以叫10蚊...一粒粒...酸酸甜甜...都唔明點解叫咸菜...有人知的話請解說2) 蠔餅(小)$28即炸又快手~又夠脆~火喉夠~唔太油3) 掌翼(小)唔係唔好食~但附近叉燒大王的掌翼爽口好多4)方魚肉碎粥(窩)一定係窩抵過一碗啦~~而且4個人都夠分~~不過稍嫌d方魚少左d~又細粒左d~~味係ok的5)拼盤有紅腸，豬耳，大腸，腎，墨魚，芽菜~~平均水平唔錯~~汁好味係最緊要~~6)麻辣豬耳本人唔食辣~但同枱三位人兄食得好開心~~~真係好味先會叫多碟啦...如果唔係..拼盤內都有豬耳~洗乜單叫......佢唔係話好味到天上有地下無但全部都水準平均~冇失望之作份量亦夠~埋單一人50蚊左右~~很good的了~~

每星期在上church之前例牌吃個早餐，不是去附近的越南餐廳便是再隔鄰的腸粉燒賣檔，實在悶得發慌。

是日攪攪新意思，去這一間未吃過的打冷檔，吃一個ABC餐....除ABC餐外，還有潮式粉麵及麥片餐。

就算是不好吃，但起碼選擇多一點，不會那麼沉悶吧...餐肉煎蛋很行貨，不值一提，蛋煎得尤如小學生之習作，求其打隻蛋於pan上亂攪一通就算，誠意屬零雞蛋；麵是用一丁的，而且不用加錢，挽回少許分數，淥得亦不算太淰糯，已收貨；豬扒用香茅醃製，用了鬆肉粉處理的扒肉當然肉味及質感全無，而且香茅亦下得不重手，實在乏味得可以....但相比之下，還是比那越南菜館做得好一點....走多兩步路可以吃好一點的，何樂而不為呢 ?

琴日有小學gathering=v=夜晚諗唔到去邊度食又難搵位難得呢間又有好多位(其實我驚唔好食0)就將4張台痴埋黎坐我叫左茄汁雞扒飯($30)熱檸水其他人d餐由$25$28不等`我果個餐尾二先到=.=一見到 都幾失望= =因為係中式煮法...好彩都有返幾粒蕃茄粒...但係個汁唔係蕃茄囉係類似甜酸醬既物體雞扒係炸過既我仲以為係烤/煎=.=不過總括黎講,都ok啦起碼有個地方比十五個人容身食返餐不過一碟唔太好食既飯要30蚊 都幾貴...

基於一條友住又在家工作嘅關係, 河畔一頭食店可謂食盡. 有幾間不得不讚. 此間其一.無論早午晚都好抵.早午有16蚊碗兩餸車仔麵, 或者12蚊碗雲吞麵,水餃麵,牛雜麵等..午市有26蚊煲仔飯+油菜+飲品. 不過個人覺得碟頭飯d飯雖多, 餸卻比較少. 但炒粉麵又無咁嘅問題喎~晚市食過幾次都好好, 又平, 不過無女廁, 有d唔方便.P.S. 想講呢頭d食店都有一個特徵: 不設送外買!! 明白根本唔憂做係真, 提議哬星期六日下午茶時段送囉~同埋好得意, 全部都無紅湯白湯及鐵板餐, 點解呢???

Highly recommended....must go~!

潮軒打冷小菜粉麵餐單提供潮州菜等推介美食位於沙田區，餐廳座位數未知人均消費約$51-100，結賬可以用現金。

您對於沙田餐廳「潮軒打冷小菜粉麵」有何 comment？

潮軒打冷小菜粉麵餐廳詳細資料：

• 潮軒打冷小菜粉麵地址:
  沙田勵城花園3號地舖
  潮軒打冷小菜粉麵,  
• 潮軒打冷小菜粉麵電話:  
• 潮軒打冷小菜粉麵價錢: $51-100
• 分類: 潮州菜
• 座位: 未知
• 付款: 現金
• FB專頁: 潮軒打冷小菜粉麵 Facebook

更多潮軒打冷小菜粉麵相關資料:

• 潮軒打冷小菜粉麵分店
• Youtube
• Facebook
• Twitter
• Google