微辣大排檔 沙田

微辣大排檔 評價 相片

微辣夜晚有一日，係沙田工作的朋友P俾左幅相我，佢話推薦呢個係沙田區嘅咖哩牛腩，問下佢邊間，佢話係李家菜，我就好奇怪，唔係係澳門咩？原來前排進註沙田嘅微辣大排檔，帶來好多澳門美食，其中當然有李家菜，大利來記，皇冠小館，仲有香港嘅名物，嚐囍，利強記，加上有幾個打卡爆燈嘅微辣自家創菜式，相信唔過黎都無話題。

何伯爆屎渠，聽名唔知係乜嘢，但上枱打卡勁多人like，隔離枱有剛剛出嘅嘅高壓鍋香茅海鮮什錦，浮誇到不得了，入面有勁多海鮮，鮑魚，蠔，大蝦等等，仲有靚到不得了有得坐低食嘅利強記的北角雞蛋仔，值得好好地黎一次。

當晚最好感覺當然係大利來記豬扒包，簡直就好似喺澳門搬過嚟一樣，如果你仲未過大海，一定會好掛住呢度菜。

前菜有好大排檔嘅出品，冰鎮新鮮八爪魚同椒鹽豬潤，前者夠凍夠爽，椒鹽豬潤就送啤酒一流，當然要叫支送下。

微辣自家創嘅菜式都係非常有創意，何伯爆屎渠，米酒雞，霍哥頂得住等等，聽名真係唔知。

何伯爆屎渠係炸大腸，一剪有勁多汁標出黎，又好食又好影又好玩，我前面個小朋友可以食左大半碟，你就知有幾脆。

來自嚐囍嘅大澳蝦乾肉餅煲仔飯，同平日喺西環食嘅水準一模一樣，輕易就有一大板嘅飯焦，蝦乾肉餅加持仲有甜豉油，點會唔好。

米酒雞係做法好有心嘅菜式，上枱放哂火咁，隻雞入面有好多雲耳，加上米酒味勁強的雞肉，好入味。

微辣自家創嘅鹹檸檬蟶子王 ，上次同樣有個差唔多嘅組合，應該係喺大班樓，當然蟶子夠靚，又好食。

李家菜嘅咖喱牛筋牛腩就係我朋友之前嘅推介，當晚終於試咗，由於佢用個火爐關係，水準真係好高，尤其是個牛筋，好入味，呢個值得送個飯。

微辣自家創嘅霍哥頂得住，剛好解吓呢個咖喱嘅辣度。

見隔離枱個車仔麵似乎都幾好，不過無位，我哋最後無食。

皇冠小館不用再係澳門食，Yelo咖喱炒蟹同水蟹粥都感受到大海滋味，特別係水蟹粥，因為個粥真係好精彩，個蟹啲羔多到爆，咖喱炒蟹係非一般炒蟹，點解叫Yelo，唔係愛佢嘅粉絲可能要食過先知，原來係加左葡汁，應該係大部分人未食過嘅口味。

尾聲的利強記雞蛋仔，好似大份過平時，做得好軟熟，呢個的確好驚喜。

相信同一班朋友過來食一定最開心。

🌟餐廳：微辣大排檔📍地址：沙田沙田正街18號新城市廣場三期2樓A216號舖💰價位：$50 $100⏰營業時間：星期一至日09:00 21:00📱電話：31082187相信大家對微辣呢個人氣YouTube 頻道一定唔會陌生~今日就約左一大班朋友，去左佢地以YouTube 頻道人氣節目 《微辣大排檔》為概念，位於沙田既「微辣大排檔」，一嚐港澳各種主打美食！餐廳佔地面積4500呎，店內既裝修均以冰室及大排檔為主題，劃分成為四大特色區域：分別以麻雀檯及Poker檯為主題既澳門娛樂城區域；有港式地道風格模式打造既舊式大排檔；更設有以港澳渡輪及港鐵車廂為主題既包廂雅座～牆上仲貼左好多張搞鬼而懷舊既街招廣告，令客人彷如置身於港澳不同地方用膳，氣氛一流！！🌟冰鎮新鮮八爪魚 (大排檔） 八爪魚用上香港地道橙紅色八爪魚，充滿街頭風味，以冰鎮方式令八爪魚入口更爽彈鮮味，搭配日式芥辣及醬油一齊食，更加過癮！🌟椒鹽豬潤（大排檔） 豬潤用粉漿酥炸後再以用大排檔避風塘方式炒制，同時加入炸蒜辣椒，食落超香口惹味～🌟微辣車仔麵  (茶餐廳） 車仔麵夠哂地道，配料有齊豬紅、豆卜及冬菇，好有地道風味～客人仲可以加入自製微辣辣醬，辣醬以台灣辣椒王及魔鬼椒配製而成，嚐辣愛好者可以挑戰唔同既辣度！一定好刺激過癮～🌟鹹檸檬蟶子王 (微辣自家創) 特別選用九龍醬園既鹹檸檬，先將鹹檸檬皮切成條狀並加入粉絲及主菜蟶子蒸制而成。

以鹹檸檬肉加配蒜蓉等醬料混合成特別調製之醬油，與清新咸酸與蟶子尤其匹配！更能突顯出蟶子既鮮味，大推～🌟何伯爆屎渠(微辣自家創) 好別緻既造型～用上原條炸豬大腸，灌入甜酸汁，當剪斷大腸個時就會形成爆汁效果，有得玩又有得食！🌟米酒雞 (微辣自家創) 儀式感十足既菜式~以乞兒雞醃製方法再配合古法窯雞主理，雞身仲釀入金針及雲耳，以荷葉包裹後，於外層再包上錫紙焗煮，再於雞面舖上薑絲及蔥絲，經燒焗過後再淋上白米酒點火，夠哂吸睛，成個菜式香噴噴熱辣辣，層次感豐富，雞件仲好嫩滑JUICY添～🌟咖喱牛筋牛腩(李家菜) 由澳門米芝蓮食店「李家菜」提供主要咖喱(咖喱膽) 配方，以油開調咖喱膽，再將蒸熟透之薯仔打成蓉狀取其澱粉質糊狀狀態，達至水份與咖喱汁分明既效果！絕對係心機菜式～食材用上巴西牛勒條、牛坑腩及牛筋烹煮，入口充滿濃濃牛味MIX咖哩味，拌飯一流～🌟Yelo咖喱炒蟹(皇冠小館) 來自另一間澳門米芝蓮食店「皇冠小館」既名物~咖喱集合幾十種香料如八角、桂皮、香葉及甘草，加上黃薑、沙薑、薑蔥、京蔥及洋蔥一齊熬成汁，最後加入皇冠小館主打既蝦子湯及菲律賓肉蟹一拼烹煮，令咖喱散發海鮮香味～特別一讚肉蟹啖啖肉夠juicy，好出色！🌟水蟹粥(皇冠小館) 另一「皇冠小館」既主打菜式~微辣大排檔用上較有香港特色既奄仔蟹，肉感較為結實，蟹肉分明，蟹膏精華同軟綿既粥底融為一體，入口每一啖充滿蟹膏既甘香～至於調味料及烹調配方就由皇冠小館提供，配以珍珠米及泰國香米混合熬成既粥底，入口綿滑，鮮味十足！🌟大澳蝦乾肉餅煲仔飯 (嚐囍)來自香港米芝蓮食店 「嚐囍煲仔小菜」既大澳蝦乾肉餅煲仔飯～餐廳取得專利以火山石慢烘而成既煲仔飯，每煲都可以煮出飯焦，而且用火山石慢煮確保米粒黏成焦層，飯焦食落香脆可口、飯味香濃～配料方面加入由嚐囍提供地道既大澳蝦乾，品質鮮味，香濃突出而且咸香味十足，層次豐富！肉餅加入馬蹄，入口更見爽口清新，減去豬肉既油膩感，大愛，忍唔住食咗兩大碗！！🌟豬扒包 (大利來記) 豬扒包取材自另一澳門名物「大利來記」~豬扒用上大利來記既秘方，肉質鮮嫩多汁，搭配外脆內軟既豬仔包，好夾~🌟北角雞蛋仔 (利強記)餐廳特別訂造製作雞蛋仔既機模，用上北角「利強記」所提供既配方及技巧，製作出傳統外脆內軟既雞蛋仔～加上雞蛋仔比市面上其他出品更為圓大，賣相好吸晴，食落蛋味仲好出眾添！🌟霍哥頂得住(微辣自家創)最後叫返杯微辣主打既霍哥頂得住，飲品名夠哂盞鬼～以青檸汁配上沙冰打配而成，微微酸夠哂清新，係清新解渴既好選擇～———————————————————😋味道：4.5/5🏢環境：4/5💁🏻‍♀️服務：4.5/5💵價錢：4/5🤟🏻性價比：4/5———————————————————👅整體小總結店內特意起用微辣頻道人物角色名字作為菜式名，如〈霍哥JJ煲〉、〈黑Joe腸〉、〈霍哥頂得住青檸樹〉、〈葡式Yelo咖喱炒蟹〉等等，可見店主心思，以好食又好玩既概念令客人感受到唔同觀感既用膳體驗～食物方面，雲集港、澳米芝蓮等級美食品牌，包括《李家菜》、《皇冠小館》、《嚐囍煲仔小菜》、《大利來記豬扒包》以及《北角雞蛋仔》，提供由冰室小食以至小菜佳餚既經典港澳美食，絕對係男女老幼及三五知己用餐享樂既聚腳點！

約埋老朋友嚟試新野，沙田火車站出行10分鐘去三期，其實都有點距離，不過睇YouTube微辣多，都想嚟支持下，同埋聽講有好多特色菜式，咁啱大家都約到就今晚約埋出嚟食晚飯。

平日晚上都幾爆滿，但環境真係好大，我哋冇預約就直接walk in，點咗啲店員推介嘅菜式。

⭐️冰鎮新鮮八爪魚～大排檔好似去咗打冷鋪食一樣，作為前菜食好開胃，八瓜魚勁彈牙😚⭐️何伯爆屎渠即場將整條炸豬大腸剪開，入面灌咗甜酸汁，即時爆汁好歡喜，炸大腸咬落香口、煙煙韌韌，配埋醬汁食非常惹味🥰 ⭐️椒鹽豬潤連唔係好食內臟都差唔住試咗，落咗好多香料去整，豬膶原汁原味，重炸到好香脆！⭐️米酒雞乞兒雞的醃製方法配合埋古法窯雞，雞內釀有金針及雲耳，以荷葉包裹後，雞面舖上薑絲同蔥絲，燒焗過後再淋上白米酒，燃燒過後呈現出更不一樣的層次味道🥰⭐️大澳蝦乾肉餅煲仔飯 煲仔飯底有飯焦㗎！特登取得專利用火山石慢烘而，由嚐囍提供用大澳蝦乾，再搭配肉餅食落軟熟滋味，馬蹄入口更加清甜解膩✨⭐️鹹檸檬蟶子王 蟶子鮮甜，配埋鹹檸檬同粉絲一齊蒸，咬落清新爽滑🫶🏻⭐️咖喱牛筋牛腩選用巴西牛勒條、牛坑腩同牛筋一定烹，再用李家菜提供主要咖喱(咖喱膽) 配方，真係炆得好入味啊，好味到連薯仔都吸收晒啲汁！⭐️霍哥頂得住青檸樹呢個就係抵讚，就算同友人唔係點飲甜野都飲哂成杯，食住小菜飲返杯清涼解渴特飲，酸酸甜甜真係零舍夾🤭⭐️Yelo咖喱炒蟹皇冠小館的蝦子湯及菲律賓肉蟹，再用咗唔同香料調配出香辣滋味，鐘意食海鮮真係停唔到口⭐️水蟹粥估唔到隻水蟹咁鮮甜，原來用咗香港特色嘅奄仔蟹，珍珠米同泰國香米熬嘅粥底亦係根據皇冠小館配方製成，煮出香滑軟綿口感🤤🤤🤤⭐️北角雞蛋仔比市面雞蛋仔更圓大，咬落好似食緊外脆內軟嘅蛋糕仔咁，真係好味到停唔到口😂

因為太太茹素，要找一間可以一齊食野，尤其在沙田新城市廣場，真的不是一件容易的事。

然而，某日太太在逛一田，我就好奇地逐間餐廳去看一看，然後，發現《微辣大排檔》有唔少素食選擇。

於是，某日一家四口出到黎，就立即決定入來開心午餐。

沒想到的事，這兒除了是主打香港及澳門茶餐廳小食之外，更是一間有主題的餐廳。

一入場，就是一個戲院主題的餐室，其中的一角，就是天星小輪主題的餐室。

另外沒有入鏡的，就是牛下大排檔同地鐵車箱主題。

而當日，我們一家就被安排坐在天星小輪主題的那一角。

不得不說，這是一間要用手機 scan QR Code 去點餐的餐廳。

咁我就把我地手機，傳給阿仔、傳給太太，自己點自己的餐。

仔仔要了一份自選車仔麵，他要的車仔麵餸是，白菜發記豬肉餃、墨魚丸。

深紅色的餃子，看起來有點特別。

原來是店方為了一眼就分別出不同餡料的餃子而專登加上不同的菜汁去整餃子皮。

我們沒有特別研究為何是深紅色了，只知道阿仔說好味就行。

墨魚丸大大粒，入口有彈力。

雖然是清湯底，但有辣醬的加持，有蔥花的香味，令到每一條油麵都能掛上微微辣的麵湯，不錯。

其實，阿仔叫的是三餸車仔麵。

碗內得兩種餸的原因就是因為第三個餸是炸魚皮。

而這炸魚皮夠厚身，也夠香脆，點一點湯，更加之香口惹味。

我點的，就是澳門 style 的大利來記豬扒一丁常餐。

一片大豬扒，雞精麵湯底，麵底，也許是茶仔慣常用的大光麵吧。

總之，麵身好滑，大大片的連骨豬扒十分之香口，肉質腍腍地，用筷子夾起，用牙齒一咬，就可以豪邁地撕開了，很是滿足。

兩隻太陽蛋同奶油脆麵包也是可口得非常。

在一系列的素食餐單中，太太選中了這一個免治植物豬肉烤青辣椒芝士漢堡。

端來時，我們要再三問清楚，這真的是素肉嗎? 因為同一款漢堡，也有一個是真肉的版本。

店員再三確定，給展示了這素扒同真肉有少許分別的 detail 位時，太太才安心食用。

我也幫忙試了一口，味道的確近乎豬肉漢堡的香味，但口感就分得出，這不是肉。

整個漢堡都香口，薯條也是極香脆的，高分數之作。

給阿女食，給我同仔仔加餸，就決定多點兩個特色的點心。

原味小籠包，剛好每個小朋友一隻。

小籠包上插了兩支小小的醬油，明顯地是先要把醬油打入小籠包的內心再吃。

別以為會很咸，醬油同內心的肉湯混合之後，更加香甜可口啊。

黑松露帶子餃，也是一籠兩隻。

如沒有黑松露，單是帶子絕對是不能帶出點心應有的香濃味道的。

有黑松露加持，立即成為兩個小朋友的開心點心。

食茶餐廳，點少得港式飲品呀。

單是熱檸茶已經看得出這兒的茶底夠出色。

深紅的顏色，及完美的反光，已經令人知道，這是夠濃夠香的一杯茶。

我同仔仔分別點了熱及凍奶茶。

茶底香已經不需要多講，奶香味十足就是令我同仔仔飲得更開心的原因。

這兒的奶茶，我可以給一個很高的分數。

主題夠得意，未食已經令到大人同小朋友都開心，更見到有些食客，開心到周圍拍照。

再者，食物有港、澳著名食店的加持，而且做出來的品質，亦沒有令那些著名食店蒙羞，也是一樣令我覺得頂呱呱的原因。

這一餐，感覺良好。

由澳門著名嘅YouTube Channel 微辣喺香港開嘅餐廳,一如微辣的創意精神,餐廳無論由裝修,枱櫈,餐牌,食物的presentation等都玩味十足,入到來餐廳處處都係打卡位,funny又盞鬼,周圍都有好多好搞笑嘅句子,就連啲碗碗碟碟上面都有啲好搞笑嘅說話,平時cool爆嘅老竇見到都笑咗出嚟呀！話晒微辣都係come from澳門,所以這家港式大排檔中亦會加入地道的澳門文化元素,好似麻雀枱餐枱,精緻的麻雀牆,賭場娛樂城區,賽馬大電視等,真係好搞鬼呀！🔸️前菜🔮拍蒜涼拌青瓜   水準表現蒜香辣味剛剛好,青瓜亦爽脆！ 🔮麻辣牛肚    🔮麻辣雞腎    上菜時已嗅到濃郁的椒麻香味,入口先麻後辣,略帶微甜,味道十足,牛肚絲和雞腎醃得非常入味,很有嚼勁,要讚一吓那個辣汁,香料和辣度非常足,有種愈辣愈想食的滋味呀！ 🔮泡椒無骨鳳爪     無骨鳳爪啖啖肉爽口彈牙,以泡椒酸菜落醃製,酸香醒胃 🔮少年江流 （老火湯）  其實即係冬瓜豬骨金華火腿,煲成的老火湯,湯料十足,豬骨煲得非常入味,又可以lun骨,份量也足夠四至六人用,只是湯味偏咸了一點 🔮霍哥蔥爆牛仔骨煲      霍哥搞笑好多fans都知,所以Menu上面都有一個霍哥JJ 煲系列,搞鬼一番!蔥爆牛仔骨都算是大排檔的其中一個經典菜式,連gas爐一齊上,一路暖住個沙窩,唔怕個餸會變凍;牛仔骨和濃郁的黑椒汁香味撲鼻,食落肉質軟腍,連骨頭位也非常入味,黑椒醬汁裡還大量的洋葱,薑蒜,紅椒段等,十分惹味,送飯真係一流呀！🔮米酒雞     簡單嘅餸如何出奇制勝真的要靠presentation,這款咪走雞真係用一個雞煲嚟裝住,真係好搞笑個紅色🐔雞煲蓋真係好鬼得意囉!笑死人喇🤣！侍應哥哥很貼心首先會讓我們同個巨型雞頭煲蓋影相先！然後就會用米酒淋係個煲邊焗幾秒再打開蓋,跟住就會點火令到酒香可以滲入雞入面,輕輕打開個荷葉濃烈的聞荷葉香乾蔥蒜香雞肉香等，差聞到都覺得好惹味；呢道菜嘅精髓係在於用手食,所以是侍應先會奉上手套濕紙巾等等大家可以用手撕開來品嚐原始風味，原隻雞烤完再焗，表皮甘香，雞肉撕開非常嫩滑又Juicy,就算連雞骨也非常之入味,這道菜真的好睇又好食呀! 🔮金沙椒鹽魷魚      去大排檔食嘢叫椒鹽系列都可以話係必點餸菜的其中之一啦吧！金沙椒鹽炸至表面金黃酥脆，火喉剛剛好，魷魚彈牙，咬落還有微微的鮮魷汁，鹹蛋黃+椒鹽+再加魷魚香,真的很有大排檔風味呀!🔮紅燒沙田友乳鴿       這個presentation都已經贏咗,完全冇諗過乳鴿係可以用一個磅來做器皿的，真係搞鬼又好笑，非常之打卡囉，個個都拎個手機出嚟影影影，未食之前都已經令大家開心一番，乳鴿炸得非常酥香，皮脆肉嫩很juicy，好味🔮古法避風塘豉椒炒蜆     這個菜可能就有一點兒失望，因為份量比我們想像中的少，而且那一個豉椒汁真的頗咸，可讚的是那些蜆都很新鮮吐沙吐得好乾淨 🔮豉汁果皮蒸鯧魚      蒸魚火喉剛剛好，魚肉新鮮嫩滑，豉汁配上陣陣的果皮香，將魚肉蘸一蘸豉汁，更能提高鯧魚的鮮味 🔮懷舊蟹膏蝦多士    這個烤多士絕對係必食推介，新鮮的蝦膠釀多士，入口香脆，最正嘅地方就係個甲羅蟹膏，非常鮮甜而且蟹膏的份量絕對足夠塗滿四片多士，我同肥妹食到Lam Lam 脷呀，不愧為微辣十大美食的Top one呀 🔮Yelo咖哩牛脷煲    $139原煲咖喱上，聞落有香濃咖喱香味，但係食落沒有想像中那麼濃的咖喱味，且咸了一點，不過牛脷厚切得來份量亦相當之多，肉質亦很軟腍，不過不失啦

微辣大排檔餐單提供港式, 車仔麵, 大牌檔等推介美食位於沙田區，餐廳座位數未知人均消費約$51-100，結賬可以用Visa,Master,AlipayHK,支付寶,現金,銀聯,BoC,Pay,OpenRice,Pay,雲閃付，Booking訂位可以電話致電 31082187 查詢。

您對於沙田餐廳「微辣大排檔」有何 comment？

微辣大排檔餐廳詳細資料：

• 微辣大排檔地址:
  沙田沙田正街18號新城市廣場三期2樓A216號舖
  Manner Dai Pai Dong, Shop A216,2/ F, New Town Plaza Phase I I I,18 Sha Tin Centre Street, Sha Tin
• 微辣大排檔電話: 31082187
• 微辣大排檔價錢: $51-100
• 分類: 港式, 車仔麵, 大牌檔
• 座位: 未知
• 付款: Visa,Master,AlipayHK,支付寶,現金,銀聯,BoC,Pay,OpenRice,Pay,雲閃付
• FB專頁: 微辣大排檔 Facebook

更多微辣大排檔相關資料:

• 微辣大排檔分店
• Youtube
• Facebook
• Twitter
• Google