唯一麵家 沙田

唯一麵家 評價 相片

唯一麵家一向比我既感覺係大大碗會食到你飽一飽今次叫左香芧豬扒麵+凍豆漿鐘意食上海麵所以鐘意佢既麵條而且呢間既份量適中(本人覺得)麵都係普通上海麵冇特別好講要講講既反而係佢既豬扒香芧豬扒用蛙蛙菜底下但面頭...我覺得應該用少少香芧表示下但完全冇...而豬扒有幾塊亦冇完全切開晒可以改進一下

想食下午茶, 行過街市, 見呢間好似乾淨少少, 而且價錢只係$20, 好似好扺食, 所以就試咗一試..............入去坐低, 有個亞姐遞咗杯茶比我地, 咁我地好專心咁研究食乜啦!!! 果日我又唔係好肚餓, 所以想叫d小食, 見佢有d上海嘢食, 有煎餃, 但我又唔食韭菜, 所以問清楚先, 亞姐幫隔離枱落完單, 經過時我地問煎餃係咩餡, 佢答"韭菜", 跟住就走咗去.....................算, 我諗多幾諗, 估計佢所有都係用韭菜去整, 都係叫番碗粉食算喇~~我地最終叫咗2個粉麵茶餐........... (1) 回鍋肉+出前一丁+奄烈+腸仔+煎餃+凍奶茶 (2) 沙爹牛肉+粉絲+炒蛋+餐肉+多士+熱豆漿見到佢個價錢係廿蚊, 都預佢唔會好多餸同好大碗, 味道亦未必好食, 果然.................回鍋肉得2片沙爹牛肉得2片, 不過唔係平時茶記食開果d牛肉片, 而係牛扒.................不過冇沙爹味同肉味出前一丁&粉絲都煮得太林奄列竟然同炒蛋係一樣!! 咁做乜要寫2樣呢??? 餐肉同腸仔都係果d, 炸/煎得特別乾身煎餃真係差不多成舊都係韭菜, 唔係好見有肉lor~~多士凍咗...........凍奶茶一般, 唔夠冰, 搞到唔夠凍熱豆漿, 好熱, 都有好香豆味, 又唔會太甜, 叫做全餐最好,,,,,,,,,總括嚟講係冇嘢好食, 只不過係叫做平, 如果只為填飽個肚係OK, 想食好D就一定唔會再幫襯,,,,,,,,,,,,,,,,

歡樂食店廚房裝修一面冇開，唯有去第度食，聽從介紹，去了街市裡的唯一，三個人，點了四味菜，開頭重驚唔夠食，點知成盒飯盒打包返去獅子頭，四十幾蚊，好似一粒加大的山竹牛肉，伴菜亦夠多，酸酸咪咪啖啖肉，送飯一流．回鍋肉，四十幾蚊，出乎意料的好味道，少少辣得嚟好鬼死香．豆腐班腩，三十二蚊，我選的，最差呢味，估唔到最穩陣菜式反而整得唔好食，舊魚同啲汁好唔掂．無錫排骨，三十幾蚊，點之前唔知係咩，以為係炸，原來係煲到腍哂嗰隻，汁料味似獅子頭，即係送飯一流．家常小菜整得唔錯，重跟四大碗飯（真係好大碗，白飯菜飯任選），包嘢飲，我咃選了三杯飲品加一碗酸辣湯，個酸辣湯足料到暈，我唔鍾意所以冇飲到，但一睇～～就知佢抵啦！！最衰間舖好似冇冷氣咁，熱到死，街市個冷氣重涼過佢．．．．．．

自從樓上的茶餐廳和酒家開返以後, 我們都冇來食上海麵了.今日得兩人食, 飲茶又唔係, 又不想食燒味或茶餐, 所以來了唯一食麵.一行入來街市, 嘩, 咁少人既?以前坐到成巷仔都係, 今時今日店內都有3張檯冇人坐, 我倆再不用膊頭貼膊頭食麵了.冇乜所謂, 我叫了上海雲吞麵+凍豆漿; 朋友則叫了他的例牌 酸辣湯麵.他都係凍豆漿呢.凍豆漿先上, 喂, 我杯凍豆漿內有冰既?!?! 都係聽都未聽過, 真正的冰凍豆漿呀...上海雲吞麵都ok 既, 4粒大大粒的上海雲吞, 內都好多肉, 皮的厚度差不多了.朋友的酸辣湯麵, 我覺得好像d酸辣湯太咸了, 他卻說ok.每人都食了30蚊, 以這價格, 在樓上食茶餐廳和酒樓都係差不多;在酒樓食麵都仲唔洗呢個錢添.又好坐d, 又有電視睇....看來, 愉翠園內的淘汰賽已開始了!

唯一麵家餐單提供滬菜, 上海, 拉麵等推介美食位於沙田區，餐廳座位數70人均消費約$50以下，結賬可以用現金。

您對於沙田餐廳「唯一麵家」有何 comment？

唯一麵家餐廳詳細資料：

• 唯一麵家地址:
  沙田愉翠苑冷氣街市33-35號舖
  Wei Yi Noodles, Shop33-35, Yu Chui Market, Sha Tin
• 唯一麵家電話:  
• 唯一麵家價錢: $50以下
• 分類: 滬菜, 上海, 拉麵
• 座位: 70
• 付款: 現金
• FB專頁: 唯一麵家 Facebook

更多唯一麵家相關資料:

• 唯一麵家分店
• Youtube
• Facebook
• Twitter
• Google