和氣食堂 沙田
最後更新:
和氣食堂推介
餐廳主打日式料理，包括壽司、丼飯、便當等，食材新鮮、豐富，深受食客歡迎。
沙田和氣食堂
| 餐廳分店 | 和氣食堂 |
|---|---|
| 地區 | 沙田 |
| 電話訂位 | 26371800 |
| 餐單 Menu | 日本菜, 壽司, 刺身, 烏冬 |
| 人氣指數 | 1598 |
| 價錢幾錢 | $101-200 |
和氣食堂訂位位於沙田區，詳細地址是沙田大涌橋路20-30號河畔花園地下35號舖，餐廳寬敞座位數目共有未知幾多個。和氣食堂幾錢？價錢優惠後人均消費大約$101-200埋單，早餐午餐晚餐和氣食堂餐單包括有日本菜, 壽司, 刺身, 烏冬等美食，付款方式有Visa,Master,AlipayHK,支付寶,現金,銀聯付款，Booking網上訂位可以電話致電 26371800 查詢訂座。
和氣食堂優惠
和氣食堂 評價 相片
早放工有樣嘢好就係唔使等位啦😎😎今晚黎河畔食日本野，之前已經bookmark左和氣食堂，上次黎都見到要等位所以轉左食其他，今日6:30來到可以直接入座，終於可以食到啦！建議大家早啲嚟，我哋食到一半七點未夠已經坐滿人。
Menu有超多選擇，刺身、刺身丼壽司、咖喱烏冬、飯、小食、串燒等等！選擇多到我都影唔晒😂首先要咗個香芒燻鴨胸黑醋沙律，比想像中大碟，份量好多，鴨胸好腍，芒果又唔酸，我好鍾意佢個黑醋汁，甜甜酸酸，食呢一個前菜好開胃！😋⭐️⭐️⭐️⭐️⭐️超級推薦嘅芝士厚燒玉子！上菜嗰陣熱辣辣仲出緊煙，面頭嘅芝士有炙燒過，見到一層層嘅蛋，咬入口好juicy，有蛋汁。
我同我朋友都覺得超好食呀🤤🤤明太子醬天婦羅炸蝦，有四隻🍤炸漿厚度適中，好鬆脆，入面隻蝦都新鮮嘅，好爽口。
天婦羅配明太子醬都係第一次食，平時通常係好普通點天婦羅汁，所以都覺得幾特別。
👍🏻👍🏻👍🏻👍🏻👍🏻芝士燒日本廣島蠔！呢個都係必食！佢隻蠔好肥美，芝士同沙律醬啱啱好，唔會搶咗隻蠔嘅味道。
仲有一個小食叫電擊雞翼，呢個我以為係熱嘅，點知原來係凍食，仲好有驚喜添！似係加咗燒汁炸過，又好似落咗少少醋，幾惹味！登登！當然要叫返個主食啦！大盛刺身丼！賣相超靚！，有帶子、海膽、三文魚、大蝦、油金魚、吞拿魚茸、三文魚籽、甜蛋。
好豐富呀！佢啲刺身好新鮮，而且都算係厚切，碗飯都好大碗夠兩個人分。
最鍾意就係食日本嘢，今日真係好滿足！叫咗咁多嘢食，每人都係二百幾，都算好抵食。
而且食得出佢啲食材好新鮮，值得我下次再嚟過😋😋
這幾個月來，因應疫情關係，總是躲在家中，一個月裡會外出的日子真是寥寥可數。
近日見疫情稍為緩和，於是相約友人在區內放風，找些好食的。
友人推介的這間小店是在區內一間酒店的旁邊，亦是我三十年前曾經住過的屋苑，不過那時這區就沒有現在那麼多食肆。
友人一放工可以即到，所以訂了六時，而我通常都不會遲到，去到的時候食店仍在「準備中」，原來他們是開六時的。
一開門我們就第一批入內，但我們坐下後不久，全店大約有四十個座位，很快就已經全店滿座了，所以記得要預先訂位。
雖然我們不是很餓，但這麼多客人一起點菜，還是早些落單為妙，原來落單是要透過手機程式做的。
我就讓友人來發辦，點了鐵板一口牛粒($88)、海膽三色丼($138)、雜錦刺身丼($86)、牛油果三文魚腐皮($32)及黑松露鵝肝帆立貝卷($68)。
鐵板一口牛粒的牛肉煎得很腍，沒有筋，汁煮得很入味，配料如洋蔥及雜菌吸收了醬汁的味道也是佐飯的好配搭。
海膽三色丼的海膽有半板，味道很鮮甜，帶子與甜蝦也清甜爽脆，而玉子則煎煮過，雖然看似會老了些，但就更加入味。
雜錦刺身丼有三文魚、油甘魚、吞拿魚、甜蝦、八爪魚、蟹籽及玉子，都是厚切，鮮甜口感好，這個玉子與之前的不同在於沒有煎過，較為嫩滑。
牛油果三文魚腐皮中的牛油果與三文魚很匹配，有人說牛油果加山葵醬的味道像三文魚，現在配上真的三文魚及蟹籽，味道更有層次。
最後來的黑松露鵝肝帆立貝卷，既有黑松露的幽香，又有帆立貝的鮮甜，再加上中間的有如春卷般脆口的，包著內裡一小片甘香的鵝肝，令這個壽司卷變得食味複雜而多元化。
呢度既食物選擇非常多，落單方式係用手機 scan QR code 好環保，而且界面超級清晰，帶有圖片，好方便。
第一次黎食係3月中左右食晚市，第二次黎食係今日走去食午市兩次夾埋一次過寫佢 d 沙律真係不得了，性價比高，d 蟹籽落手大方，芒果同埋 d 料好新鮮，整體好開胃好 fresh 刺身方面擺盤幾好，同埋都算厚切，肉質好呢個厚燒芝士玉子，真心不得了，半融既芝士，再加上濕潤既蛋香，兩者真係夾到傻，唔捨得食曬佢。
炸蝦壽司我覺得最出色，因為個蝦炸得好香脆，而肉質亦好爽口又唔乾！呢個雞翼係來自非一般既千迴火鳥，哈哈，佢脂肪比例唔高，皮薄，肉質很好！燒得又岩岩好！然後我又心思思再來食第二次，今日午市去食，同個 frd 叫左兩個 set 九十幾蚊呢個吞拿魚魚蓉便當，連飲品。
炸雞好香，juicy 唔 dry ~右下角4件壽司就正正常常咁啦。
豆腐連埋胡麻醬汁係清爽既！最出色係佢既吞拿魚魚蓉，真心正$118 呢堆壽司 & 烏冬 & 炸雞 & 飲品，CP 值真心高，佢原本係有赤蝦既，但因為賣曬，所以轉左三文魚魚腩，穴子壽司同埋花之戀真心正，魚生係新鮮，而且都幾厚身烏冬份量都算多，呢個餐其實對女仔黎講，係比較多的，勉強叫做食得曬。
烏冬清清地，正正常常啦。
整體 CP 值真心高，有機會一定會再來食！
近日去沙田探朋友 提起有間好受歡迎既日本食店無論外賣 堂食 都人山人海講到咁吸引 當然要一試啦為左避開人潮 當然要食個早飯啦見到個餐牌都開心 五顏六色咁每一張食飯照都細心編排過而且食物種類繁多 有齊刺身 卷物 壽司 手卷 串燒 丼飯 一品料理 拉麵 烏冬 天婦羅有選擇困難症嘅人真係會有排揀食物上得好快👍🏻唔駛呆等刺身係好新鮮既油甘魚鮮甜三文魚肥美甜蝦頭係鮮紅色 唔會有腥臭味赤貝爽口刺身夠新鮮真係好重要火焰海膽帆立貝卷海膽無臭味配上甜甜既燒汁 同帶子好夾卷物夠大件 好豐富既卷燒廣島蠔 蒜味蒜蓉燒得香脆 蠔夠新鮮 要刮一刮離殼 好有居酒屋風味 而且蠔大大隻 好抵食 千迴火鳥好有霸氣既名 燒雞翼雞翼皮薄肉厚 皮燒到香脆既味道就辣辣地同好香燒烤味好好既小食石鍋鰻魚炒飯除左味道 上碟亦都好花心思炒飯因為有鰻魚汁同鰻魚粒係飯入面所以味道無得輸就係充滿濃濃鰻魚味最後有燒芝士年糕作甜品表皮綿綿地 芝士應該係cream cheese入口即溶當我地食到咁上下 人都愈來愈多店唔算太大 如果唔想等位真係早食早著數
今日約左個朋友係河畔呢邊食晚飯，正當大家都唔知食乜好既時候，我就話不如食呢間 和氣食堂 啦，話曬我食過，穩陣黎得，新年流流，和和氣氣，好意頭呀嘛！咁就食佢啦！黎到門口其實都幾多客架，不過都好在重有少少位，可以直入！事不宜遲，即講下今晚我地食左d乜先！第一個黎既係呢個 電擊雞翼，一共有6隻，可作為一個小食 / 前菜，除左佢特別在佢係單骨雞翼，方便食之外，其實佢係 凍 既！重要係凍到有少少硬硬地，但又無雪味，而且味道都幾好，帶有蜜糖味，都幾開胃喎！呢個大家可能以為佢係一個沙律，但其實佢係呢度其中一個招牌菜，大阪豬扒丼！呢個賣相都幾吸引，眼前一亮架除左佢上面既菜絲夠曬多之外，下面的飯當然係用上珍珠米，加上一 d 日本醬汁，重點係連同脆炸既厚切豬扒件，有口感得黎，都好惹味架！值得一試食日本野，點都要食個壽司 / 卷物既，呢個係 三文魚海鮮沙律脆脆卷，個賣相又係吸引既，因為成個卷都大大件，上面既 Topping 又夠曬多同豐富，重之就係食落口感十足添啦！卷物入面包住三文魚及青瓜等配料，而上面 Topping 又好似 天婦羅 咁，脆口又好味，加埋蟹籽，無得頂飯一個唔夠既，刺身丼飯都正架，都係果句，有賣相架！而且唔係只得普通既魚生刺身，重有好新鮮既 海膽！飯好食，各款刺身新鮮真係唔洗講，特別更加要講既就係呢個了，你睇下隻 赤蝦！真心大隻，食落勁鮮甜，咬落有張力，啜埋個頭d汁，更無得頂，真心出色呢個就真係沙律啦，佢係 火焰左口魚邊牛油果沙律，呢個真係我最愛既沙律之一，因為比較無咁普通之餘，食材健康，重要夠曬好味左口魚邊經火炙後，會䆁出大量魚油，又香又好味，牛油果夠曬健康，食落又有質感，加埋其他配料，重有加埋最突出既味道，黑松露醬，真心好食架最後一個食物就有呢個 田樂麵豉燒日本米茄子，佢最特別既地方，應該都係其他餐廳搵唔到既，就係茄子除左係日本直送既之外，上面重鋪左厚厚既麵豉醬！都幾重口味架，不過真係夠曬特別！成枱都係野食，夠曬兩個人食架啦！最後就用呢個飲品圖做結尾啦，呢杯係柚子蜜，都唔錯，幾好飲架
和氣食堂餐單提供日本菜, 壽司, 刺身, 烏冬等推介美食位於沙田區，餐廳座位數未知人均消費約$101-200，結賬可以用Visa,Master,AlipayHK,支付寶,現金,銀聯，Booking訂位可以電話致電 26371800 查詢。
您對於沙田餐廳「和氣食堂」有何 comment？
和氣食堂餐廳詳細資料：
- 和氣食堂地址: 沙田大涌橋路20-30號河畔花園地下35號舖 Waki Shokudo, Shop35, G/ F, Garden Rivera,20-30 Tai Chung Kiu Road, Sha Tin
- 和氣食堂電話: 26371800
- 和氣食堂價錢: $101-200
- 分類: 日本菜, 壽司, 刺身, 烏冬
- 座位: 未知
- 付款: Visa,Master,AlipayHK,支付寶,現金,銀聯
- FB專頁: 和氣食堂 Facebook
更多和氣食堂相關資料:
香港餐廳2026推介8月