合興粉麵餐廳 沙田

合興粉麵餐廳 評價 相片

今日係呢間茶餐廳嗌左一碗牛腩麵 ，同埋撈麵👍👍👍。

都係一啲茶餐廳嘅水準👍👍👍👍啲牛腩汁炆得唔錯，我最鍾意食牛肺。

牛筋腩撈麵都非常之唔錯，啲面非常之爽口彈牙！整體來講好好食，有茶餐廳水準！

香港地每晚食飯 6 70蚊走唔甩。

呢間鋪既價錢不唔貴， 食物質素絕對係茶記界既中上級。

而家既茶餐廳一係就又貴又難食，而且不少係藍絲, 今次食呢間偏偏地既茶餐廳，唔單止好食而且服務態度好好，侍應智問番你好唔好食，唔係街坊都變左街坊既感覺食左幾次既咕嚕都好好食，但份量細左D，白飯大大碟，但咕嚕蝦球真係好食👍🏿。

另外仲有崩沙牛腩，入味，加埋辣椒油真係冇得彈。

湯水無味精，足料，基本上都清晒，有肉有豆！！好評！

下午茶時段見有d肚餓就落去想食少少野 原來喺巴士站隔離新開左間茶餐廳 望落環境幾乾淨 都有幾枱坐左人 想試下新野就走左入去 入到去個staff即刻安排我坐卡位 仲主動介紹招牌菜崩沙腩 所以我就嗌左個招牌崩沙腩河粉加熱檸檬水 唔係等左好耐碗河粉就黎左 份量都好足 崩沙腩好num真係好食抵讚 無推介錯 食完見原來甜品有紅豆沙 中意食紅豆沙既我梗係要嗌啦 紅豆沙大大碗都好足料 而且浸陳皮味都幾濃 個人幾中意食陳皮 所以呢碗紅豆沙岩曬我 會再幫襯

昨晚同屋企人一行三人到穗禾苑探完朋友，見有點肚餓落去樓下睇吓有咩好食醫下肚先雖知穗禾苑一向無咩好食，但今次嚟到見到有間似乎係新開的合興茶餐廳望入去都見到唔少人幫襯（78成Full），決定一試！店內裝修簡潔，環境算企理，餐廳兩邊有兩排卡位，中間有數張長檯兩邊牆角掛有兩部大電視播緊NowTV新聞和ViuTV店員哥哥仲特登幫我地搵咗個卡位第一次嚟幫襯，當然問吓佢有咩好推介啦 佢除左推介招牌的牛腩粉麵外，仲推介左晚餐的菠蘿咕嚕雞球聽落都唔錯，我地決定試吓佢推薦的咕嚕雞球（原本仲有道涼瓜炆班腩，聽落好正，可惜賣晒）另外嗌多個牛三寶（牛腩、牛肚、牛筋）伊麵同埋XO醬蝦球豆腐。

（1）牛三寶伊麵招牌牛腩口感不錯，牛筋、牛肚爽口，伊麵的質感亦唔錯個湯底亦夠熱夠入味 （2）菠蘿咕嚕雞球我地期待的菠蘿咕嚕雞球嚟啦！新鮮滾熱辣上碟！可以做到雞球香脆，配上酸甜醬汁和菠蘿青紅椒，非常開胃（3）XO醬蝦球豆腐晚餐的XO醬蝦球豆腐食落整體口感還不錯，稍嫌XO醬味唔算出。

蝦球和豆腐都是OK的，亦幾好送飯（4）紅豆沙（凍）食完正餐，跟餐加了$10嗌碗紅豆沙紅豆沙內含粒粒紅豆，非常足料。

雖然凍食，但一樣食到好香的陳皮味下次如果有熱食就更好啦！整體來說印象非常不錯，價錢合理飲品的質素都唔錯，我地分別嗌左凍奶茶和凍朱古力，亦無令我地失望就算我地食到就嚟收鋪，店員都無俾面色我地睇仲好有禮貌問下last order有無要加單聽其他街坊講試過招牌炒飯和咖喱牛腩都唔錯。

下次有機會再去一定要試試！

今天要去威院照超聲波，所以要空肚，超完後就立即趕快乘車，目的只有一個，就係去試新店，屋苑新開了一間粉麵店，所以打算去試下它。

可能平日下午茶時間，都不是很多客，地方不大，坐位有點逼，雖然有很多座位，但店員就安排我坐在一個有食客的卡位要我搭枱，不過算吧！快快的食完便算。

這裡主打各式粉麵，價錢比起屋苑的餐餐略貴。

因為他們沒有飲品跟，如果要叫飲品，要額外再加錢，計起上來食個下午茶都要四十完左右。

我看看餐牌，只叫了一碗牛根麵，沒有叫飲品。

牛筋麵上枱，他們都很細心將蔥和粉分開，驚食客不喜歡落蔥，這點可以讚一下，牛筋都燘得很腍，份量都算多，湯和粉的味道都算合格，份量適中，算不錯了。

埋單一碗牛筋河三十二元，其實感覺不算貴，但如果要加熱飲要加六元，加起來就感覺貴很多了。

如果他們可以做到$35一個餐連飲品就梗好。

合興粉麵餐廳餐單提供港式, 粉麵, 米線等推介美食位於沙田區，餐廳座位數未知人均消費約$50以下，結賬可以用現金，Booking訂位可以電話致電 26821190 查詢。

您對於沙田餐廳「合興粉麵餐廳」有何 comment？

合興粉麵餐廳餐廳詳細資料：

• 合興粉麵餐廳地址:
  沙田穗禾路13號穗禾苑商場地下G08號舖
  合興粉麵餐廳, Shop G08, G/ F, Sui Wo Court Shopping Centre,13 Sui Wo Road, Sha Tin
• 合興粉麵餐廳電話: 26821190
• 合興粉麵餐廳價錢: $50以下
• 分類: 港式, 粉麵, 米線
• 座位: 未知
• 付款: 現金
• FB專頁: 合興粉麵餐廳 Facebook

更多合興粉麵餐廳相關資料:

• 合興粉麵餐廳分店
• Youtube
• Facebook
• Twitter
• Google