友天地燒味小廚 沙田

友天地燒味小廚 評價 相片

原本係想嚟食小菜晚飯, 但個餐牌竟然仲係新年的特別套餐, 只係多咗個"翅", 但貴好多, 我地覺得唔抵食, 於是睇睇其他, 就改食扒餐~ 西洋菜煲燒豬骨湯最鍾意佢食西餐都有得配中湯, 佢呢度D中湯好夠味, 可能係用燒豬骨, 比用普通豬骨濃味好多, 正~ 煎文也魚柳配烤時菜+薯條 (蘑菇汁)唔知咩叫文也魚柳, 我覺得佢只係一般的鯰魚柳, 不過D肉冇咁散, 而且都煎得幾香, 但個蘑菇汁唔覺有蘑菇味, 唯有靠食埋D蘑菇片先有蘑菇味~佢個烤時菜, 唔係煎咁油膩, 夠哂乾身~不過最正都係薯條, 大大條, 又熱辣辣~ 哥倫布豬柳配烤時菜+意粉 (蘑菇汁)又係唔知咩叫哥倫布豬柳, 可能係講塊豬柳個產地掛? 塊豬柳面有層唔知蛋漿定粉漿, 老公唔太接受, 佢刮走哂先食, 話寧願乾煎好過, 我都有同感~ 意粉林咗D, 但好過一般茶餐廳果D肥仔意粉~ 熱檸水+熱菜蜜一般品質, 冇特別~  士多啤梨啫喱杯仲以為佢係成杯啫喱, 原來係將D啫喱切粒粒, 放响杯入面, 再淋D忌廉的物體, 但我都係鍾意加花奶多D~

呢間係美心集團旗下既餐廳，所以裝修都幾新穎同夠光猛，環境都幾OK。

叫左個學生餐，粟米班腩飯，34蚊包埋野飲都算係咁。

點知，兜飯好鬼細碟，食左等於無食咁，雖然個粟米汁係唔錯同埋夠多，但個汁又唔夠熱，又D凍凍地，至於塊班腩外層就淋pat pat，一咬開成塊班腩就散哂，真係好失望。

仲要我係lunch hour等左十分鐘先有位坐，但係就食左呢碟飯，好唔抵！

跳舞前有一小時的晚餐時間，如果出新城市又太遠，第一城又來不及，唯有上廣源食晚餐lah🙈見今日有帶夠錢就揀左友天地呢間高級少少嘅茶餐廳食飯啦。

我就嗌左個芝士白汁焗海鮮飯。

要等比較耐少少嘅。

一嚟到就見佢嘅份量都幾大，芝士亦幾足料嘅。

海鮮嚟講就都係蟹柳嗰d啦，無咩特別。

不過同廣源其他餐廳比佢都算略高一籌！小編就因為好肚餓食得曬成個飯，但友人就食唔曬啦。

餐飲熱檸茶都算不過不失啦。

友天地係廣源黎講都算係坐得舒服既餐廳，地方夠乾淨，啲呀姐都好客氣好禮貌，我同一班朋友去到，呀姐都好有心咁幫我地拍檯，俾我地一齊坐。

黎親都鐘意食乾炒牛河，因為夠快，又大碟又開胃，本身唔肚餓都會食得哂！河粉唔會太油，牛肉份量都幾多下。

鐘意辣既朋友記得問呀姐拎辣醬，配埋黎食係一流！雖然牛河冇得跟餐有野飲，加$11蚊先有杯凍檸茶真係幾貴下，但其實夾埋$50幾蚊同嗌個餐都差唔多架咋，餐都係一杯野飲加個飯咁。

今日又太早出門,在客人附近食個早餐,這裡除了麥記.就只有一間,找好位選餐,基本上看到餐牌,知中招,貴夾唔低,點了個魚柳餐,跟兩片煙肉,連蛋都沒有,魚柳又薄又有魚腥味,煙肉沒煎香,跟的朱仔包又唔脆.唯一可取就係杯冰檸檬茶夠大杯,但冇茶味

友天地燒味小廚餐單提供港式, 燒臘, 快餐店等推介美食位於沙田區，餐廳座位數未知人均消費約$50以下，結賬可以用現金。

您對於沙田餐廳「友天地燒味小廚」有何 comment？

友天地燒味小廚餐廳詳細資料：

• 友天地燒味小廚地址:
  沙田廣源邨廣源商場第3座12號舖
  Buddies Cafe, Shop12, Block3, Kwong Yuen Centre, Kwong Yuen Estate, Sha Tin
• 友天地燒味小廚電話:  
• 友天地燒味小廚價錢: $50以下
• 分類: 港式, 燒臘, 快餐店
• 座位: 未知
• 付款: 現金
• FB專頁: 友天地燒味小廚 Facebook

更多友天地燒味小廚相關資料:

• 友天地燒味小廚分店
• Youtube
• Facebook
• Twitter
• Google