元気寿司 沙田

元気寿司 評價 相片

放左工一個人自私食壽司都開心。

番工對得太多人，講得太多野，放左工一個人靜靜地去食下野都唔錯，放空下，me time下，輕鬆又自在。

去其他餐廳一個人食又似都會有少少壓力，一個人去食壽司都係唔錯既選擇。

平日放左工去，目測都幾多個既一個人去食。

食壽司最鐘意就係甜蛋。

最近先知原來都幾肥下，但係唔理啦。

第二最愛係三文魚湯，因為本身鐘意食熱野，湯更加係不可少架。

個三文魚湯都幾足料，好似20幾蚊，但都真係好多都魚肉。

但係我唔鐘意佢一定要用手機點餐囉。

搞都頭都大哂～

在沙田的元氣食午餐，午餐時間，等左15分鐘左右，因為有bb車，幸運地入到全店唯一一張有兩張可移動椅子既4人座位。

🤗店內要用手機落單，如熟練用智能手機者，好快搞定，不過落遇上唔熟練手機人士，可能都要搵侍應幫忙。

小火車送餐，落單快，出食物都快，不過小火車位置略高，幸好家人手長，拿食物不算辛苦～😅大部分壽司味道都保持水準，唯今次試既極太麵麵，味道頗咸，撈底下的汁時要注意。

⚠另外，有新出三色海鮮卷，賣相麻麻，因壽司上的海鮮擺放略亂。

油廿魚、吞拿魚壽司好正、鮮味～～～🍣至於卷物亦保持水準。

3人埋單，$270，不過不失。

元氣間間分店都唔同味，今次試嘅home square分店應該係我食過最難食。

叫咗個午餐自選餐，有湯烏冬配炸墨魚軟骨，壽司有三文魚、長鰭吞拿魚配炸蒜、蒲燒鰻魚、北寄貝、蟹柳卷，怕唔夠飽再加多個辣味三文魚手卷。

湯烏冬非常之鹹，要瘋狂飲茶先至可以食得落！而且烏冬煮得比較硬身，好似同其他分店有啲唔同。

炸墨魚軟骨都係偏鹹，炸得唔夠鬆脆，入邊只係啱啱好暖，有少少失望。

壽司就不過不失啦，都唔會特別好味。

反而個辣味三文魚手卷就真係爭啲，明明出面食嘅辣味三文魚好好味，但係呢一間就完全冇嗰種鮮甜味，只係食到辣味。

朋友都覺得呢間分店難食，下次都唔會再幫襯。

新屋裝修差不多完成，同太座去宜家買嘢，行到肚仔餓，貪就腳就喺隔離食元氣，諗吓從來未食過，多數幫襯板長或者峰壽司，心諗咁多分店應該唔差，食物上枱速度快，味道唔差，呢個價錢算係咁，較特別係玉米蟹柳福袋，酸酸甜甜幾醒胃，太座要安哥多碟，其他食物就冇乜特別但合格嘅，另外呢度wasabi好似特別勁，同太座都標哂眼淚，不過揸車返屋企途中，我地就覺得口乾喉嚨乾，太座係咁咳，估計味精唔少啦，所以下次真係未必再去幫襯，唔知有冇其他食客都覺得呢個問題呢?

今日兩公婆 放低咗個仔畀阿姨湊 去咗宜家買嘢， 就順便入咗元氣 食晚飯 我哋安排坐 Bar 枱位， 原來呢間係有火車送餐 早知帶埋阿仔嚟啦 元氣啲嘢食不嬲都唔算差 呢間都唔例外 特別值得推介嘅有 其貌不揚嘅太極麵， 雖然細細碗 但係個醬汁做得好好味 仲有個蝦配 蟹膏嘅軍艦 真係回味無窮 另外值得一讚嘅就係服務員嘅服務態度 充滿笑容 令到人哋好開心呀

元気寿司餐單提供日本菜, 壽司, 刺身等推介美食位於沙田區，餐廳座位數未知人均消費約$101-200，結賬可以用Visa,Master,現金,八達通，Booking訂位可以電話致電 26080283 查詢。

您對於沙田餐廳「元気寿司」有何 comment？

元気寿司餐廳詳細資料：

• 元気寿司地址:
  沙田鄉事會路138號HomeSquare5樓502號舖
  Genki Sushi, Shop502,5/ F, Home Square,138 Sha Tin Rural Committee Road, Sha Tin
• 元気寿司電話: 26080283
• 元気寿司價錢: $101-200
• 分類: 日本菜, 壽司, 刺身
• 座位: 未知
• 付款: Visa,Master,現金,八達通
• FB專頁: 元気寿司 Facebook

更多元気寿司相關資料:

• 元気寿司分店
• Youtube
• Facebook
• Twitter
• Google