Hungry Korean 沙田

Hungry Korean 評價 相片

好耐無食辣野，就念住食韓國野啦（雖然韓國食物都唔係好辣），但要係沙田搵韓國餐廳都幾難。

其實呢間以前係旺角食過一次但味道普通，份量少。

抱住沙田呢間可能會好d既心態，就入去試多次。

原本想食豬肉石鍋飯，但見到之前食評得三四塊少得可憐既肉，所以 揀左泡菜湯飯，味道偏酸，唔太辣，d飯好硬，好彩係湯飯可以浸返林。

我覺得還可以，但如果可以俾人加牛肉豬肉就更好，呢個湯飯佢賺唔少啦，俾d肉人食下啦。

今日晏咗起身結果換得衫出門口已經到咗下午茶時間😅 好肚餓所以決定近近地係沙田新城市食啲嘢先！沙田新城市好多餐廳揀但係就周圍都係人😑行下行下就黎到連城廣場個邊，呢邊既餐廳相比起新城市嗰邊價錢平啲💰 仲要下午茶時段$3x$4x 一個飯幾抵👍🏻呢度係自助形式，喺櫃檯買完之後，坐低等一陣再自己去拎飯。

如果老人家有需要，鋪頭職員都會好好咁幫佢地拎去佢既坐位❗️味道都幾好，辣醬分開上，仲可以自己因應自己嘅喜好而加😋 鐵板上所以好夠熱，雞肉都好嫩滑，不過醬汁略嫌多咗少少，有啲濃味🤔$80 兩個下午茶都幾抵食到好飽！如果想要飲品都係加$8😁

今日在沙田火車站出口附近個間 Hungry Korean 食下午茶餐，我大約五時二十分點菜，有石頭窩飯、鐵板甜雞飯，我叫飯時忘記要餐飲需加8元！但我在五時三十五分要了杯熱朱古力卻要另加15元正！算啦！鬼叫自己遲叫及改有看清楚餐牌吧！豬肉石頭窩飯啲飯又凍，豬肉不辣，好像它有自知知名，在飯旁邊放了一支辣椒醬，石頭窩不太熱，我把飯、雞蛋、豬肉攪拌並等了5分鐘才吃！但窩中的飯只是暖少少鐵板甜雞飯，空有其名，椰菜太多，雞太甜，汁唔好味，好難食！這些是我們食剩的車西，附近更有些食客叫了東西食了一、二口，喝完杯涷飲便走人！服務更差，要求拿多隻杯，竟然要我自己去水吧問！

一向覺得韓式料理味道較濃，所以揀了個不辣又沒有泡菜的韓式牛肉來試。

五十六元正，跟白飯一個，飲品另計。

先講碟韓式鐵板牛肉，感覺似雜菜炒牛肉，同西式鐵板好唔同。

賣相認真麻麻，勝在味道比想像中好，份量足夠，有大白菜同甘筍同洋蔥一齊炒，適合我這些要出街食又想食返多啲菜的人。

據聞是韓國人來港開舖，店內都用不銹鋼碗筷，個碗好輕，筷子略為扁身，起初拿上手扒飯都有點不慣，要學韓國人咁夾起啲飯來食。

需要一提，那碗另上的白飯，非常淋身，都唔係咁易夾得起。

對韓國飯食無咩研究，究竟係間分店個伙計落多咗水煮飯？定係韓國人本身煮飯係咁淋？由於是快餐店，無論是成個餐抑或是一杯水，都係由出餐位自己捧埋位的，沿途請小心突然由卡位跑出來的細路仔/女。

杯水亦是不銹鋼杯，有加檸檬。

次次去親沙田新城市中心食飯都要等好耐位, 依一日發現原來近沙田火車站上一層有幾間餐廳, 唯獨見依間冇人排隊又有空位即時入座, 但換唻好伏既一餐! 老公叫左鐵板韓式牛肉飯, 食落冇咩味, 普通住家飯咁, 牛肉唔係好既質地, 非常普通！ 最令我失望係韓國炸醬面,個醬完全冇味, 重點係d肉一大陣雪味, 一陣陣臭味咁,難已入口！配既青瓜絲又係唔新鮮苦苦地！雖然知道好浪費食物, 但食左幾啖已經唔想再食！知道依間餐廳原來仲有好幾間分店, 只可以話唔會再有下一次！

Hungry Korean餐單提供韓國菜, 快餐店等推介美食位於沙田區，餐廳座位數未知人均消費約$51-100，結賬可以用現金。

您對於沙田餐廳「Hungry Korean」有何 comment？

Hungry Korean餐廳詳細資料：

• Hungry Korean地址:
  沙田沙田車站圍1號Citylink1樓105號舖
  Hungry Korean, Shop105,1/ F, Citylink,1 Sha Tin Station Circuit, Sha Tin
• Hungry Korean電話:  
• Hungry Korean價錢: $51-100
• 分類: 韓國菜, 快餐店
• 座位: 未知
• 付款: 現金
• FB專頁: Hungry Korean Facebook

更多Hungry Korean相關資料:

• Hungry Korean分店
• Youtube
• Facebook
• Twitter
• Google