金牌粥麵 樂富

金牌粥麵 評價 相片

由於實在想不到吃甚麼,最後還是去金牌吧!今晚也是叫牛腩河.湯淡而無味,更加無牛腩的香味.河粉還是幼加偏鞋口.牛腩無乜肉味,牛筋炆得幾淋.最抵讚粉入面有幾條生菜.最後也加了6元要了菜芯.菜芯烚得剛剛好,唔會好淋或者好硬,份量算多了,蠔油幾好味,不知是甚麼牌子了出到門口見到有塊牌寫著最後服務一天是2月19日,明天便是裝修前最後一夜了.雖說2009年中會出開,最怕那時只有大滿貫或其它集團的餐廳.金牌唔會再開了

肉片粥很不錯食過很多次都保持水準我的女朋友就覺得焗飲不錯服務方面問題不大只是比較多人落單可能要等一下

"唔太好但又衰唔晒"，係我對呢間餐廳的評價。

兩年前仲響舊亞記大樓返工時，經常中午幫襯呢度 (因為夠平)，已經知道呢度的飯質素尚可，粥就好差；但果時一直都係食佢d盅飯為主，比較少食佢地d麵。

返左而家份工後，變左夜鬼，中午冇乜機會再黎食，反而夜晚多左；夜晚去得呢度，都一般係胃口一般時先黎，唔想食飯，所以唯有主攻麵。

呢度的車仔麵都算係抵食的，21蚊，有三餸，份量都幾多。

是晚要了豬皮 + 紅腸 + 蘿蔔 河粉。

可能因為都是cheap餸，所以份量多得有點嚇人。

豬皮：這裏的豬皮雖然煮得夠腍，但我略嫌不夠爽；而且，處理得不太好，吃下去還有些微「豬味」，像是街市聞到的那種，雖然只是些少，但也有點倒胃口。

不過，一想到豬皮有燕窩的功效 是的，上次和一位中醫師談起，其實燕窩是蛋白質和膠質豐富而已，但人類一般不需要這麼多的蛋白質；而有養顏功效的膠質，可以從豬皮中吸收！！而且可吸收得更多呢！自從知道這個事實，我開始愛上吃豬皮.... (女人，都係貪靚的)蘿蔔：腍是夠腍了，但沒有蘿蔔的清甜味，反而有苦澀味道；是用的蘿蔔不新鮮之故紅腸：一般貨色，不太出色，但也不太差。

河粉和湯底：反而有些驚喜，河粉都幾爽滑，湯底都係味精湯，但個味較得幾好，都ok好飲。

辣醬：唔香，都唔多辣，一般貨色。

服務：呢度的服務，好街坊，d侍應阿姐們係做街坊生意的，見佢地同d街坊會傾下計咁；你要d好敫勤的服務態度？sorry, 呢度一定冇，但佢會俾d人性化d既野俾你，例如：今天與我共膳的同事，將生抽倒落飯度時，個阿姐行過，就好似阿媽教女咁話：唔係落呢d架；十秒後，將一支甜豉油放在我們的桌上。

如果是一些很「敫勤服務」得機械化的餐廳，侍應們可能會禮貌點，但既然在顧客沒有主動request的情況下，相信也不會主動告知落錯豉油吧。

兩者相比，我寧願選前者，起碼比較有人性。

整體來說，此店"唔太好但又衰唔晒"；如果你作為街坊或附近返工之人，想求其解決一餐，咁呢度都算係可以一去的地方。

服務：差到極點，雖然冇加一服務費，但入咗去後樓面係冇人招呼同帶位，比茶餐廳還差。

侍應好像個個借了聾耳陳隻耳，一係十問九唔應，一係叫執枱十世都冇人黎。

食物：叫了艇仔粥，粥超杰但冇粥味，像用生粉開一樣；D料又冇咪，成碗粥係粥用料味道係分開，比大X樂果D粥還差，花生又"林" 的。

齋腸：如果不問侍應生，是不會給你麻醬和甜醬的，真的很齋。

齋腸味道一般，比較黏。

揾早餐食揾到嚟樂富。

一心想食碗粥，呢度似乎係唯一選擇...入到去，舉目都係公公婆婆，個個手上都揸住個盅頭飯。

唔講以為入咗去間茶樓...話明粥麵舖就梗係叫粥la。

下火加炸両，清清哋...皮蛋硬的的，溏心貨色? No way...瘦肉絲極鹹。

粥底算做係比較好，偏杰，啱我...炸両係食過最差嘅。

油條可能係擺咗幾日幾夜嘅，淰到嘔，皮又冇米香；豉油完全冇經調校，求其俾D生抽你就算，有冇攪錯?唉...明知樂富真正冇啖好食(食棧? 都係垃圾)，所謂"明知山有虎，偏向虎山行"，撞哂板，活該...

金牌粥麵餐單提供粵菜, 廣東, 粉麵, 米線, 粥品等推介美食位於樂富區，餐廳座位數50人均消費約$51-100，結賬可以用現金。

您對於樂富餐廳「金牌粥麵」有何 comment？

金牌粥麵餐廳詳細資料：

• 金牌粥麵地址:
  樂富聯合道100號樂富中心地下F6號舖
  Gold Medal Congee & Noodle, Shop F6, G/ F, Lok Fu Shopping Centre,100 Junction Road, Lok Fu
• 金牌粥麵電話:  
• 金牌粥麵價錢: $51-100
• 分類: 粵菜, 廣東, 粉麵, 米線, 粥品
• 座位: 50
• 付款: 現金
• FB專頁: 金牌粥麵 Facebook

更多金牌粥麵相關資料:

• 金牌粥麵分店
• Youtube
• Facebook
• Twitter
• Google