紫荊大酒樓 柴灣
最後更新:
紫荊大酒樓推介
依間酒樓時係柴灣嚟講都算消費較平嘅一間,D嘢食時好時唔好，但D服務態度就差到嚇死人，每逢過時過節D店員梗叫食客幫佢地買券，如果一聽見你唔幫佢的話即黑面兼令轉身即走，平時D服務態度已經唔係好咖啦！企係碌菜、攞粥、煎糕果度D阿姐仲惡呀，周不時都會閙客人，唉！今時今日D服務態度仲咁差，等執吧啦！
柴灣紫荊大酒樓
| 餐廳分店 | 紫荊大酒樓 |
|---|---|
| 地區 | 柴灣 |
| 電話訂位 | 沒有電話提供 |
| 餐單 Menu | 粵菜, 廣東, 點心, 酒樓 |
| 人氣指數 | 902 |
| 價錢幾錢 | $51-100 |
紫荊大酒樓訂位位於柴灣區，詳細地址是柴灣康民街118號康翠台商業中心6樓，餐廳寬敞座位數目共有未知幾多個。紫荊大酒樓幾錢？價錢優惠後人均消費大約$51-100埋單，早餐午餐晚餐紫荊大酒樓餐單包括有粵菜, 廣東, 點心, 酒樓等美食，付款方式有現金付款。
紫荊大酒樓優惠
紫荊大酒樓 評價 相片
依間酒樓時係柴灣嚟講都算消費較平嘅一間,D嘢食時好時唔好，但D服務態度就差到嚇死人，每逢過時過節D店員梗叫食客幫佢地買券，如果一聽見你唔幫佢的話即黑面兼令轉身即走，平時D服務態度已經唔係好咖啦！企係碌菜、攞粥、煎糕果度D阿姐仲惡呀，周不時都會閙客人，唉！今時今日D服務態度仲咁差，等執吧啦！
今日冬至一早就book左位，7:00正我地準時到達就叫左一set晚餐。
跟住就等，等好耐都未有第一碟乳豬黎。
由於我地係偏廳，出去見大廳都好多人等緊，咁好啦，比d耐性，今日旺日廚房做唔切，等下冇相干。
點知一等就一個鐘先黎個乳豬。
好啦，乳豬食完又等。
之後幾樣野都係等成九個字至一個鐘。
已經同阿姐催左好多次，佢都只係識講整緊。
你估條魚而家先去捉返黎咩！？定係燸米飯而家先去田度收割返黎煮？！結果我地係度坐足4個鐘，由7點坐到10點半，都只係黎左5樣野。
d細路都頂唔順訓晒覺，大人一個鐘食果小小根本就唔覺得有食過野！我地同隔離桌都係一樣。
出去大廳眼見得返一半客，為何我地d野都仲未上黎？於是同阿姐嘈，又捉個部長話。
一話完十分鐘，條魚先識游過黎，d燸米飯同伊麵好似唔洗再由小麥整麵條啦，終於可以上到table。
從未試過食餐飯要坐足4個鐘，一個鐘食一件蟹鉗，一個鐘食一條菜。
成2千蚊一個set，卻食到好似飢民係度等救濟咁。
直情好似非法禁錮，走又唔走得，食又冇得食。
d阿姐只係識講唔好意思，話催左，但係個部長又話d阿姐唔出聲，我就真係唔理得佢扯貓尾，總之你做得食市o既，收得我錢o既，冇理由要我好似乞食咁！嘈左一輪，既冇送包/糖水/生果安慰我地，亦冇給予折扣優惠。
最快手就係收錢果一刻。
大佬呀！你估間野煮的係山珍海味、鮑心翅肚呀？！野食貨色只係一般，服務態度又差，持住果區係得果兩間酒樓呀！？下次真係唔會係度食。
唔係就我剛出世的表妹近近地，我都唔會係度食。
如果評分有負分的話，我想俾100分！
八點半後每位$38, 但係加埋湯底, 茶芥同飲品, 平均每人$6X, 都OK...基本ge食物都有, 靚野梗係要另計啦, 所以我地無叫, 不過以咁ge價錢, 款式都算唔係太少~ 食到好飽, 但味道就一般...
在柴灣區的酒樓, 都試過很多, 發現這間是最便宜, 上星期是老媽生日, 一行９人於是去這間偏遠的試一試, 發現價錢便宜, 比起樓下沒冷氣的大排檔便宜叫了9樣菜才8佰多呢.有蠔餅有蒸帶子8隻有龍蝦伊麵有大海班燒鵝半隻雀巢加帶子加西芹魚滑浸現菜燒雞一隻八寶時菜（有木耳．海淅炒好 放西蘭花上）味道ok因為生日，我們帶了蛋糕，那個員工都主動幫忙拿去冰箱， 等吃完飯就幫忙拿碟，點腊蠋． 服務不錯．
同屋企人嚟食晚飯，啲小菜好平，廿幾蚊到，8:30後有啲小菜再平啲，十幾蚊有交易。
五個人食咗清蒸石斑($22.8！)、椒鹽九肚魚、豉椒鵝腸、咕嚕肉、沙爹金菇雙丸煲和豉油吊片炒麵。
質素當然唔好有乜期望，不過總算過得去，唔係太差，石斑、九肚魚同咕嚕肉都對辦，係嫌碟頭細啲。
小菜平，都預咗喺茶芥方面收番啲，埋單$208，算OK啦。
紫荊大酒樓餐單提供粵菜, 廣東, 點心, 酒樓等推介美食位於柴灣區，餐廳座位數未知人均消費約$51-100，結賬可以用現金。
您對於柴灣餐廳「紫荊大酒樓」有何 comment？
紫荊大酒樓餐廳詳細資料：
- 紫荊大酒樓地址: 柴灣康民街118號康翠台商業中心6樓 紫荊大酒樓, Comm Complex L6, Greenwood Terrace,118 Hongman St, Chai Wan
- 紫荊大酒樓電話:
- 紫荊大酒樓價錢: $51-100
- 分類: 粵菜, 廣東, 點心, 酒樓
- 座位: 未知
- 付款: 現金
- FB專頁: 紫荊大酒樓 Facebook
更多紫荊大酒樓相關資料:
香港餐廳2026推介9月