竹園小館大排檔 柴灣

竹園小館大排檔 評價 相片

細個係柴灣長大嘅A姐，佢話呢度充滿住無限童年回憶，佢今日話好想去行下，仲話要帶我食啲地道嘢。

原來地道野，就係位於柴灣市政大廈嘅呢度嘅竹園小館大排檔！能夠有一個帶你去大排檔嘅女人，確實係唔話得。

以熟食市場嚟講，呢度都算乾淨企理，街坊們就係唔係台一張枱食飯，都會飲酒，吹吓水，好有人情味！浦東小籠包小籠包大大隻，一籠嘅份量都幾多！肉鮮嫩而仲充滿豐富嘅湯汁，只係略嫌皮較厚。

台南韭菜鴨血煲上枱熱辣辣，好吸引呀！而鴨血超滑，仲索晒微微嘅辣汁，好惹味！椒鹽海狗魚本身想食鮮魷，但店員推介海狗魚，怕骨嘅A姐擔心會唔會好似九肚魚咁多骨，好彩呢個魚炸得香口，又啖啖肉，外脆內鮮，配啤酒一流！好好味呀！豉椒帶子肉碎生菜包豉椒帶子肉碎炒得好有鑊氣，就咁食會有少少鹹，但加入新鮮爽口生菜，成件事即刻match晒！（記住Like同Share畀朋友）By A姐M佬 玩樂日記

黎到大排檔，就一定要飲番一杯啤酒🍻啦，重點就梗係呢度用戰鬥碗嚟裝啤酒，用碗飲酒真係幾特別嘅。

深海冰鎮八瓜魚配上麻油日式豉油芥末，入口爽甜，作為前菜，送酒一流😋酥炸大腸炸大腸有*趙*口，食落去回味無窮。

小籠包估唔到大排檔會有小籠包啊，一籠有6粒， 唔想食飯就叫佢黎食下先😜菠蘿黑醋骨個汁酸酸甜甜，有輕炸過，故有脆口感覺，豬肉肥瘦適中，咬開有肉汁飛出，很juicy😋豉油王銀芽炒麵有豉油香味，炒得唔油唔咸，味道剛剛好😘而且份量都大碟😙

今日近近地黎試下市政街市個大排檔，佢午餐選擇都幾多，而且大大份幾經濟。

✨ 先上個例湯，有紅蘿蔔，節瓜，豬肉，幾甜幾夠味，唔算好味精。

✨吉列豬扒拉麵：個豬扒估唔到幾好食，個炸皮好鬆脆，豬扒唔會乾爭爭，點埋沙律醬幾好味。

拉麵軟硬適中而且好入味，加上湯底混埋乾蔥，所以個麵食落特別香。

✨黃金沙飯：超大碟兩個人都食唔晒，有肉鬆，火腿，蝦，叉燒粒，蛋同埋咸蛋黃。

味道幾豐富，飯炒得夠乾爽，呢個真係抵食夾大大件～～

今次放工去到柴灣市政大廈2樓揾食，見到人多幫襯，所以去試吓^_^，都係個句疫情期間，都係打包返屋企食，可以慢慢嘆食得安心又放心😋🌟豉椒鵝腸,鵝腸爽脆，豉椒炒好嘢味🌟椒鹽豆腐，豆腐好嫩滑🌟家鄉浸豬🐷手生菜🥬底，有酒香味，好特別呀👍🏻

近排為抗疫，多咗外賣自取返屋企食，發掘咗好多未食過的餐廳。

今晚去咗屋企附近嘅柴灣市政大廈，入面嘅竹園 小館大排檔買外賣。

六點晚市啱啱開始，已經有幾多客人嚟到，幾旺場。

叫咗兩個小菜返屋企加餸，有竹園小炒王，同台灣鴨血煲。

小炒王夠曬鑊氣，入面有好多配料，有蝦乾，腰果，蝦仁，炒得好惹味，有小小辣。

腰果香口，韭菜索曬配料嘅味道，好美味。

台灣鴨血煲都好正，鴨血好滑，入曬味，好香口惹味。

呢度價錢唔貴，乾淨企理，街坊恩物👍👍🍴

竹園小館大排檔餐單提供粵菜, 廣東, 大牌檔等推介美食位於柴灣區，餐廳座位數未知人均消費約$101-200，結賬可以用現金，Booking訂位可以電話致電 34860331 查詢。

您對於柴灣餐廳「竹園小館大排檔」有何 comment？

竹園小館大排檔餐廳詳細資料：

• 竹園小館大排檔地址:
  柴灣柴灣道338號柴灣市政大廈2樓1-6號舖
  竹園小館大排檔, Shop1-6,2/ F, Chai Wan Municipal Services Building,338 Chai Wan Road, Chai Wan
• 竹園小館大排檔電話: 34860331
• 竹園小館大排檔價錢: $101-200
• 分類: 粵菜, 廣東, 大牌檔
• 座位: 未知
• 付款: 現金
• FB專頁: 竹園小館大排檔 Facebook

更多竹園小館大排檔相關資料:

• 竹園小館大排檔分店
• Youtube
• Facebook
• Twitter
• Google