東翡翠超級漁港 柴灣

東翡翠超級漁港 評價 相片

即晚訂定位都仲有！八個人叫八個餸 橙汁肉排： 外表不討好，件件睇落同食落都几硬又大塊得滯，個汁好thick有d藥水味！魚香茄子：微辣同勁多料！芥末西芹牛柳粒：完全無芥末味！海皇雜菜煲：無湯咁滯，海鮮得魷魚同乾貝！老少鹹兒：點知係小炒王玩野！都唔岩老人家食既

今日唔知食嘜好,有同事就提議不如飲茶都好啊,好似好耐冇去茶樓飲茶大伙就一起去最近的酒樓去正在剔點心紙期間,有部長走來推介本人一向都極討厭那些"hard sell"的不過,這位部長推介時沒有那種"強推"的感覺咁就聽下啦.......芋香雞柳炒麵 $48蠔皇什菌炒麵 $58雞湯炖翅 $48(位)等等(唔記得其他,因為冇叫)只有4個人,又想食點心,所以只叫了以上三款本人一向都喜歡食芋頭,而且坊間唔多覺有很多芋頭煮既食物所以好期待..........上菜速度唔算快,不過以即叫即做來說又不算耐那碟芋香炒麵,本人就覺得非常好食,味道超好友人就覺得那個什菌炒麵好d,因為唔多油而且什菌有益那雞湯翅蠻足料,翅都看得到一大片,而且居然只係48......的確好抵買單都每人唔使70蚊(其實如果唔係每人有叫翅食,重會便宜d)

這晚來到這裡,感覺好像有點不同......原來是檯布換了款式啊!而且好似乾淨好多呢!坐下第一件事,當然叫侍應來,先留下幾個椰皇燕窩稍晚時吃,每次都食不到,幸好今晚早了點來,看到還有,當然要先留一下啦!4個人食晚飯,當然叫了個晚飯套餐再加1蚊雞啦~~哇哈哈~~說起來......飯菜的味道有所改變,唔知係唔係換了廚師呢?!好食左d啊~~~而且最重要係唔會趕人走呢~~~我們4個人吃吃聊聊,都坐到9點半才結帳,每人都不用50元,超抵~~哈哈真係吃得開心又舒服!!

今朝陪阿媽飲早茶~叫左d特價點心~不過都好麻麻~所以冇影相~特價燒賣拼干蒸牛肉 d皮霉晒...似翻蒸...皮蛋瘦肉粥+炒面 d粥唔夠綿~但係都收貨~炒面太濕~正價牛肉球 不過不失都算彈牙~鳳爪 柴灣幾間酒樓黎講~我覺得依家間最好食~不過放底既蘿白就....留番比你食~北菇棉花雞 北菇好味~不過今次個賣相唔係幾得~雞就係大路貨~魚肚係主角!!!春蛋燒賣 呢個係個人情意結~有得點就一定點~一客三粒~味道普通~鮑粒銀蘿餃 素鮑魚加白蘿白~味精太重~酥炸魷魚鬚 熱辣辣新鮮炸起~點o急沐食~yummy!!! 埋單$112~下午茶會平d同多野食d~P.S.唔好食呢度d腸粉...個皮係溝粉整既一d米香都冇~

最鍾意星期六黎呢度飲下午茶, 因為好抵食, 兩點鐘開始, 小點$7.8, 中點$9.8, 大點$11.8, 特點$14.8, 茶錢$4位; 但係星期日下午茶時段要兩點半開始...點心即叫即蒸, 熱辣辣... 蒜茸蒸排骨 (中): 排骨肥左少少, 不過夠淋, 唔錯... 沙爹金錢肚 (大): 沙爹味幾好味, 但係金錢肚略"un"... 腊味糯米飯 (大): 好香, 都算多腊味... 黑椒鴨掌 (小): 有三隻鴨掌, 幾舊芋頭, 夠黑椒味, 可惜芋頭係生水ge, 唔好食, 如果唔係就好抵食喇... 鮑魚銀針粉 (中): 好滿好多銀針粉, 不過D假鮑片就好少, 同埋都唔係幾好食, 個湯又唔係好夠味, 唯有靠菜甫點綴一下... 香椒素春卷 (中): 同平時食開ge芋頭春卷唔同, 有D齋, 塊皮脆脆地only... 沙律海鮮卷 (大): 唔算多料, 每條得一隻蝦咁大把, 同埋兩粒生果, 其他都係沙律醬, 因為即炸ge關係, 送黎時熱ge, 反而同沙律唔多合襯, 我反而覺得凍左可能會好食D... anyway, 因為無乜料, 所以我覺得唔太抵食... 安蝦咸水角 (小): 好厚粉, 不過真係好熱辣辣, "新鮮"炸出黎, 但係我見唔到有蝦... 香煎蘿蔔糕 + 芋頭糕 (中): 可以任意配搭, 幾好, 芋頭糕煎得好香口, 不過無乜芋頭味, 蘿蔔糕又好似無乜蘿蔔味, 不過算啦, 因為有甜醬點, 點左就OK... 香煎蝦米腸 (中): 普通貨色...總括來說, 咁e價錢, 已經係好好, 起碼好食過好多茶樓...

東翡翠超級漁港餐單提供粵菜, 廣東, 火鍋, 酒樓等推介美食位於柴灣區，餐廳座位數未知人均消費約$50以下，結賬可以用現金。

您對於柴灣餐廳「東翡翠超級漁港」有何 comment？

東翡翠超級漁港餐廳詳細資料：

• 東翡翠超級漁港地址:
  柴灣泰民街16號康翠臺商場L5樓A1號舖及L6樓
  Jade Seafood Restaurant, Shop A1 L5/ F& L6/ F, Greenwood Terrace Commerical Block,16 Tai Man Street, Chai Wan
• 東翡翠超級漁港電話:  
• 東翡翠超級漁港價錢: $50以下
• 分類: 粵菜, 廣東, 火鍋, 酒樓
• 座位: 未知
• 付款: 現金
• FB專頁: 東翡翠超級漁港 Facebook

更多東翡翠超級漁港相關資料:

• 東翡翠超級漁港分店
• Youtube
• Facebook
• Twitter
• Google