杏花樓甜品 柴灣

杏花樓甜品 評價 相片

尋晚叫咗個set 菠蘿雞柳蝦醬炒飯跟甜品, 點知個飯勁難食, 菠蘿好酸, 蝦醬好咸, 同樓面反映後, 佢哋肯換過另一款飯比我.因換咗飯再唔係set就當然無甜品跟啦.埋單時, 個黑口黑面既收銀, 收我套餐價錢, 我話返比佢聽無食套餐轉咗散叫, 佢就好負氣咁問我有無食甜品, 我話無, 佢就用好出奇既語氣話"無食"??? 然後仲自己走去我原先坐嗰張枱問個執緊枱既樓面, 證實我無呃佢之後先至"掟"返D錢比我, 仲要多謝或者唔好意思都無句.唔信我做咩要問我先得架?

上星期五我妹妹到杏花樓吃晚飯，其中叫了一客蓮子雙皮奶，上枱時唔見上面有蓮子，便叫了侍應甲來，待應甲竟說：「蓮子是在碗底的。

」我妹妹不是第一次食呢個甜品，以前明明是將蓮子放在上面的，於是她特登睇下底下有沒有蓮子，點知真係冇！於是叫了侍應乙來，說底下也沒有蓮子。

侍應乙一聽到，向我妹妹說明蓮子不是在碗底，而是應該在上面的，並隨即送上蓮子，但並沒有道歉！呢間杏花樓的服務態度一向都唔好，成日唔見侍應，又計錯錢外，今次竟然咁都得，蓮子雙皮奶竟然冇蓮子，錯咗連道歉都冇一句！如果唔係我個妹食過，知道d蓮子係上面，食到底都唔知點追。

今時今日咁o既服務態度，認真唔要得！

周未食飯時候，連天大雨，同太座都決定不周圍走，就在樓下商場找吃的算了。

不想吃快餐，兩間茶記及台式餐廳又幾多人，見這裡有禁煙區的卡位，就來了幫襯。

幾耐無來，呢度都裝修過，坐在卡位環境都唔錯。

叫了五香牛肉米線及秘製豬頸肉米線，原不寄厚望，但吃落又不差。

五香牛肉是牛展的部份，炆得夠味道又腍，還隱約有陳皮的味道，當然薄薄的，論品質比不上大婆或毓民的，但都算交足功課了；豬頸肉是炸過的，幾香口又不太乾，有香葉的味道，醮香茅青檸汁，幾醒胃，亦不錯。

米線太腍，一般水準。

反而跟餐的一杯人參咖啡幾香，連這裡也用了即磨，算是不錯。

埋單六十七蚊，不貴。

食物比以前有進步，下次再要在商場內找吃的，首選是這裡。

5月16日，13:00暨然17號不做單身客生意，便到隔壁杏花樓。

一進店馬上聽到了：先生幾位？當回答一位，便立刻帶我到，一張像臨時加座的小桌。

要了白菌芝士海鮮焗意粉和齋啡。

焗白菌芝士海鮮意粉：賣相不俗，芝士微焦，傳來香氣。

片片蘑菇混合了，炸過的斑塊、稍韌的魷魚、大而無味的雪蝦、兩小粒帶子、兩大隻鮮味的青口，配上稍淋的意粉，最特別的是吃到尾時，變成了湯意，應是急凍海鮮出水。

齋啡：不過不失。

用甜品做主打的食店，西餐不應苛求。

星期六，心血來潮，想來藍灣半島看風景並吃個seaview lunch。

來到時，見好多食店都有人排隊，惟獨杏花樓冇乜(可能係地點問題)，所以便決定在杏花樓用膳。

翻開餐牌，發覺呢間杏花樓有好多o野食，連西式焗飯、日式拉麵、咖喱都有，諗o左好耐，最終叫了一客焗牛(月利)意粉和一碟蘿蔔糕。

意粉唔錯，但個茄汁唔夠香濃，而且過少，都撈不晒整盆意粉，牛(月利)教我有點驚喜，因為炆得好腍好入味，而且還有少少牛羶味添，真的不錯啊！至於蘿蔔糕卻教我失望，糕身好削，夾都夾唔起，而且煎得好膿o下，料就依然好足，不過味較淡，跟我食慣的很不同。

埋單時收$51，我看看張單，焗飯$36、蘿蔔糕$15，但我明明睇見焗飯係$34，跟著那位侍應說一向都是$36，唔記得改翻餐牌而已，咁餐牌o既價錢要來裝飾！？所以爭持到底，最後還是收$34。

雖然只是$2小數目，但我覺得這樣實在有點那過。

杏花樓甜品餐單提供港式, 甜品, 糖水等推介美食位於柴灣區，餐廳座位數未知人均消費約$50以下，結賬可以用現金。

您對於柴灣餐廳「杏花樓甜品」有何 comment？

杏花樓甜品餐廳詳細資料：

• 杏花樓甜品地址:
  柴灣小西灣藍灣廣場G16舖
  Hang Fa Lau Dessert, Shop G16, Island Resort Mall, Siu Sai Wan, Chai Wan
• 杏花樓甜品電話:  
• 杏花樓甜品價錢: $50以下
• 分類: 港式, 甜品, 糖水
• 座位: 未知
• 付款: 現金
• FB專頁: 杏花樓甜品 Facebook

更多杏花樓甜品相關資料:

• 杏花樓甜品分店
• Youtube
• Facebook
• Twitter
• Google