Ma Cuisine 柴灣

Ma Cuisine 評價 相片

今日十一點幾就落住傾盤大雨! 又有個客從老遠來到, 諗起之前去過Ma Cuisine食過set lunch, 咁就打去問下睇下仲有冇得訂位啦~點知, 佢地轉咗做lunch buffect, 嘩, $100 任食salad bar, 真係好抵, 一於同個客一齊去試下啦!雖然呢間野在一間工業大廈內, 一點也不起眼, 但當我入到去的時候, 很有幾年前去法國的感覺, 好舒服!開門的, 是一個很有親切面容的外藉女仕, 大概我猜是法國人啦?二話不說, 睇下有咩好食先? 咦? 樣樣都好新鮮, 樣樣都好想試! 選了我的第一碟沙律, 配芝麻汁, 嘩, 好味到呢....雖然有d頂頂地胃, 但諗住buffet 無理由食一轉, 食多一碟先, 哈哈, 跟住就頂到上心口了!由於太飽, 我見佢地仲有好幾款甜品, 不過是另計的, 下次留返個肚先試!還有餐廳內有很多不同的酒售賣, 價錢好平! 係出面餐廳食一杯價錢咁上下! 仲有兩個theme dinner 的介紹... 好似幾好咁30/5 係 Burgundy Dinner 而 31/5 係 Raclette.... 等我都睇下班friend 得唔得閒一齊來吃先!問過負責人, 佢地話有兩間舖, 一間係上環, 一間係Elements, 下次落開去都可以逛下!仲有, 佢地都有得包場gar, 開party 又多一個好選擇! 仲有projector, 開大會都ok! 唔駛頭痛揾地方!柴灣呢頭真係無啖好食, 唔係茶記就係快餐店, 食到好厭, 以後又多一個選擇了, 柴灣友, 有福了!

柴灣既餐廳選擇真係好有限，唔係粉麵飯就係要幫襯連鎖快餐店，多油兼唔健康！日日要諗食乜真係好頭痛。

難得知道附近間法國私房餐廳決定中午營業推出法式自助沙律吧任食午餐，即刻約同事去試下。

餐廳環境舒服無拘謹既感覺。

從食材的選擇睇得出法國老闆既誠意。

沙律吧裡除左新鮮的標準食材，老闆重加左好多非一般既食材元素包括Emmental芝士粒、蕃茄乾、雅竹枝、法式扁豆、紅菜頭等等超過20款任食。

重有6款私房秘製既沙律醬汁包括香醋汁、蜜糖芥末、凱撒汁、乳酪醬、痳醬等等。

不得不提老闆推介既芝麻醬，真係好好味！必試！除左沙律食材，老闆還貼心地加上不同既肉類冷盆包括煙三文魚、烤雞、燒牛肉同招牌既Quiche法式芝士火腿蛋餅同鹹點心。

樣樣拎少少我隻碟經已滿晒！一個又飽肚又健康既午餐！唔.......yummy!!!最後如果想放縱自己，重可以加錢order咖啡同甜品。

日日新鮮出爐！我地點左蕉糖蜂巢糕同鮮果黃金批。

兩樣都好好味。

蕉糖蜂巢糕係波爾多既特產，甜而不膩，正！至於鮮果黃金批，餅底脆水果新鮮，沒有本人最怕既美式過濃牛油味，唔heavy，滿意！

Ma Cuisine餐單提供法國菜, 自助餐, 私房菜等推介美食位於柴灣區，餐廳座位數32人均消費約$51-100，結賬可以用現金。

您對於柴灣餐廳「Ma Cuisine」有何 comment？

Ma Cuisine餐廳詳細資料：

• Ma Cuisine地址:
  柴灣新業街7號協興工業大廈3A
  Ma Cuisine, 3 A, Unison Industrial Building,7 Sun Yip Street, Chai Wan
• Ma Cuisine電話:  
• Ma Cuisine價錢: $51-100
• 分類: 法國菜, 自助餐, 私房菜
• 座位: 32
• 付款: 現金
• FB專頁: Ma Cuisine Facebook

更多Ma Cuisine相關資料:

• Ma Cuisine分店
• Youtube
• Facebook
• Twitter
• Google