海睿日本料理 東涌

海睿日本料理 評價 相片

返工中午嚟到呢間日本餐廳食飯，呢間日本餐廳食物唔貴 但係啲嘢食真係幾好食每一次食正餐之前都有前菜，我叫咗個壽喜燒牛肉鍋，個湯好好飲，而且好多豆腐，牛肉都好多，冇記錯價錢都係大概$60至$70左右。

食完之後，點完仲會攞雪米糍出黎，因為呢一間已經係第二次幫襯，兩次都係唔同味，有芒果味雲呢拿味同埋荔枝味。

同埋呢一間店仲有得儲分，儲到去咁上下分，可以換更加多嘢食，而且唔難儲到，所以更加有期待儲完之後換壽司食。

Happy Friday 食好少少🍻放工去左東涌搵野食行行下見到間日本菜，晚市有8折優惠(老公最愛食日本菜)入到舖內，環境乾淨，客人人數不多除了魚生外，餐廳有好多熱食供應咖哩吉列炸蝦飯 (套餐)有湯 有前菜 有沙律 但沒有包飲品正常，沒有特別，似現成咖哩軟殼蟹天婦羅 $58好耐冇食軟殼蟹天婦羅，係好味既串燒雞翼 $38其中一串中間折位好似未熟透麻煩店員再燒一燒服務態度挺好（竹）雜錦壽司拼盤 $188普通，沒有驚喜魚生尚算生鮮埋單後，員工遞上2粒糯米糍，雪到勁硬，冇乜可能可以即刻食到😅如果沒有discount，性價比較低

平日唔係瞓晏覺，就係跑步🏃🏻‍♀️，少有同朋友或者同事出去食午飯|(￣3￣)|今日舊同事兼朋友話要過嚟CityGate食飯，因為佢好想行吓outlet買吓嘢，而另一友人又話join，結果就鬼咁遠咁行咗去食日本嘢。

去到，門面乾淨，但冇咩人，完全唔使等位。

我個識食朋友推介我哋食蟹宝魚生飯($148)，但因為尋日我食咗蟹宴，今日完全唔想食蟹同魚生，結果就叫咗個雜錦天婦羅🍤($108)。

前菜，好味，講真，好味過個主菜。

個湯同飯都好熱。

天婦羅有啲失色。

啲粉雖然唔厚，但係有啲硬。

除咗隻冬菇好味啲之外，我真係覺得好一般。

會比多一次機會佢，蟹宝魚生飯 ╮(╯▽╰)╭

We come here quite often, it’s nice to sit in the garden area when the weather allows. The lunch sets are good quality and excellent value. The Sapporo beer is perfect and served in an iced glass.it’s one of the better restaurants in the TC area particularly if you want to avoid the sterile shopping centre environment!

出開東涌行outlet，去左食日本野慶祝生日。

刺身夠厚夠大件，都幾鮮甜，一共六款每款2件😋我最愛的三文魚籽壽司🍣口感好正！兩件都自己食曬😂推薦芝士山芋雞肉棒，點蛋黃食，芝士唔漏，裡面有啲應該係雞軟骨嘅野，口感幾特別👍🏿嫌牛油果唔夠多，但食落口感都算豐富，味道不過不失啦。

對哩4件炸豆腐最失望😞好淡，無味...最後叫左個定食，都係中規中矩，偏甜。

牛肉都係一般般。

整體黎講偏貴，但食物質素就還好吧。

室外座位幾有氣氛，岩同朋友黎飲下清酒🍶*晚市做緊8折優惠

海睿日本料理餐單提供日本菜, 爐端燒, 壽司, 刺身, 居酒屋等推介美食位於東涌區，餐廳座位數未知人均消費約$201-400，結賬可以用Visa,Master,現金,銀聯，Booking訂位可以電話致電 23112688 查詢。

您對於東涌餐廳「海睿日本料理」有何 comment？

海睿日本料理餐廳詳細資料：

• 海睿日本料理地址:
  東涌東涌海濱路8號海堤灣畔商場地下H號舖
  KAIE Japanese Restaurant, Shop H, G/ F, Seaview Crescent,8 Tung Chung Waterfront Road, Tung Chung
• 海睿日本料理電話: 23112688
• 海睿日本料理價錢: $201-400
• 分類: 日本菜, 爐端燒, 壽司, 刺身, 居酒屋
• 座位: 未知
• 付款: Visa,Master,現金,銀聯
• FB專頁: 海睿日本料理 Facebook

更多海睿日本料理相關資料:

• 海睿日本料理分店
• Youtube
• Facebook
• Twitter
• Google