嶼坊 東涌

嶼坊 評價 相片

職員好有禮貌，坐位唔駛點等就入坐。

但係今日座窗口位，以為無敵海景，點知變咗地盤景。

食物最好係燒牛肉，啱晒食肉獸。

雪糕自家製，但sorbet 佔4款，點咗青檸同熱情果，一試......嘩，好似外母讚我個仔.......好「酸」！

中午自助餐，食物種類一般，味道尚可，價錢偏高，無蠔，無長腳蟹。

除了清水，飲品只得餐後1柸咖啡或茶，服務尚可，但無任何接駁車，只得由東涌港鐵步行或的士，十分不便。

以價錢偏高，地點不便，食物唔特出，市區好多其它酒店選擇。

😱😱😱😱😱😱

本身好少寫comment, 但因為今次經驗唔多好，真係想分享下。

酒店位處開發區，雖然四周圍仲起緊樓，沙塵滾滾，但入到酒店都相當靚同乾淨。

新場人唔算好多，但最令人失望嘅係食物種類非常少，以呢個價錢來講，真係近年旱見。

例如：1. 海鮮類，只冇好基本既蝦、青口、非常多沙嘅螺，同好細隻冇乜肉嘅蜆。

2. 魚生類，只有三文魚同吞拿魚，每次order 只俾兩小件，食左一次都唔想再攞。

3. 印度類：咖喱類別得好碎嘅咖喱雞同咖喱豆，牛肉都冇4. 甜品類：旦糕類只有四款，賣相唔多好5. 中菜類：款式好少，非常基本，中湯只有蟲草花。

燒味類只有燒腩同雞，每次都只俾兩小粒，食到好似去乞咁，真係有 d 錯愕6. 冇自助飲品，要飲品要同侍應講，但feel 到order 嘅時候經理態度唔多友善，想問佢地攞個茶包要杯熱茶都可以話冇，想埋單又扮睇唔到，可能佢地expect 呢 d 嘢應該搵番樓面嘅女侍應啩總結：以$280 lunch buffet 黎講，真心中伏了。

其實佢地如果自己比較一下，東涌novel 或機場富豪、萬豪嘅buffet, 都會知道有非常大嘅分別，真心希望佢地遲 d 可以改善同進步。

東涌新酒店，餐廳在一樓，室內環境舒適，地方闊落，服務良好及人手都充足，有網站推廣。

8折，$280. （已連加一服務費），平日中午自助餐亦都算爆滿，食物質素及種類亦豐富，時間 12點 至 2點半，以價錢計是超值的， 嘆一個休閒中午，食甜品，雪糕，魚生，青口，蝦，燒牛肉，經已回本（當然食物款式，不要和 6，7百元晚餐比較，中午沒有蠔，龍蝦），唯離港鐵站有一段距離 （如果不熱，散步來亦很舒適），和酒店周圍仍有建築地盤。

政府計劃真奇怪，豪宅，酒店夾在中間，對到正就有公屋建築中。

。

（太多相片，點解Openrice 只限住12張）

未禁晚市及即將開幕之前已經book咗佢間扒房慶生，第四波來勢洶洶禁咗晚市就無望，無意中看到openrice佢的Lunch buffet 及Tea buffet都有8折，Lunch buffet好受歡迎，成個禮拜都冇位，唯有book Tea buffet試下。

食物種類不算多，計有沙律、cold cut、生果、燒味、粉面、蒸品、湯一款、甜品，就咁多，每樣都是幾款，飲品除了每人一杯餐茶之外，外面只有橙汁同🍉汁兩款，埋單每人折後$241，兩個人食完的金額都唔夠泊車優惠的限額，要600大元先free 兩個鐘，不過好彩都係$20/小時，所以算係咁！值得一提，有個商場仔在酒店後面，已經開咗4間食店，本來大堂有門直接可以穿過去，但是疫情原因lock咗門，要出酒店正門左邊行兩步推門入去穿過走廊就到.總括來講，環境係唔錯，現在少人就比較舒服，不過酒店隔離起緊居屋，估計入伙之後一定人山人海

嶼坊餐單提供多國菜, 自助餐, 酒店餐廳等推介美食位於東涌區，餐廳座位數170人均消費約$201-400，結賬可以用Visa,Master,AlipayHK,支付寶,現金,AE,銀聯,JCB,Apple,Pay,Google,Pay,微信支付，Booking訂位可以電話致電 25350021 查詢。

您對於東涌餐廳「嶼坊」有何 comment？

嶼坊餐廳詳細資料：

• 嶼坊地址:
  東涌怡東路9號香港東涌世茂喜來登酒店1樓
  Cafe Lantau, 1/ F, Sheraton Hong Kong Tung Chung,9 Yi Tung Road, Tung Chung
• 嶼坊電話: 25350021
• 嶼坊價錢: $201-400
• 分類: 多國菜, 自助餐, 酒店餐廳
• 座位: 170
• 付款: Visa,Master,AlipayHK,支付寶,現金,AE,銀聯,JCB,Apple,Pay,Google,Pay,微信支付
• FB專頁: 嶼坊 Facebook

更多嶼坊相關資料:

• 嶼坊分店
• Youtube
• Facebook
• Twitter
• Google