大少燒味茶餐廳 東涌

大少燒味茶餐廳 評價 相片

最近成日都去東涌做嘢，lunch時間唔想喺東匯城挨貴飯，就黎到逸東邨搵嘢食，但呢度嘅選擇唔算多，漸漸地，我啲朋友每日一到lunchtime就話要黎呢間大少燒味飯呢度嘅燒味飯普遍都好大份，我每次都食唔曬一睇openrice嘅食評，竟然好多都話唔好食？但我哋每次黎到都大排長龍，超多街坊同熟客。

首先介紹，叉燒燒肉飯 (HK$58) 睇吓！啲燒味仲多過飯呀！而且好明顯見到燒肉分成三層：脆皮、肥肉、瘦肉，每塊都好大好豐滿嘅感覺！我覺得就咁食會鹹咗少少，點埋芥末就perfect啦！至於叉燒，如果冇特別要求就要睇師父手神啦，肥叉、半肥瘦 定 瘦叉 呢？每次都係一場賭博叉燒嘅味道都係偏鹹少少，用黎送飯食就啱曬啦～至於叉燒燒鵝米線 (HK$68) 燒味同湯粉會分開上。

叉燒依舊好食，但貴$10嘅燒鵝就令我失望了！加咗十蚊食燒鵝，但佢實在太多脂肪太肥，搞到我都唔係好敢食但之後見過朋友食又冇咁肥，睇黎食燒味真係好講運氣呀哈哈，下次再戰！

以前曾經食過大少燒味覺得幾好食，今日懶得煮飯所以買外賣返屋企食。

買咗燒味雙拼叉燒及乳豬，但味道大不如前極之難食。

叉燒又乾又硬， 極之難以咬開又哽喉，亦好薄。

乳豬亦係又瘦又咸，分量極少。

雙拼價錢約$60，但質素極差，去街市買好過，冇必要大家都係唔好試呢間燒味。

雖然大少嘅賣點係食燒味，不過亦都有小菜，逸東邨嚟嚟去嗰幾間茶餐廳，間間都不斷退步，雖然叫小菜跟例湯白飯，價錢唔平，但至少你要煮得好食先值回票價既款式係幾多嘅。

。

今次叫咗豆豉鯪魚油麥菜:呢條算係唔差，油麥菜依然青脆爽口，豆鼓鯪魚份量十足，不太鹹，但偏油，味道剛好。

跟住就係鼓椒炒蜆，圖片賣相幾好嫁，不過好多都唔開口，而且有啲得個殼，扣扣減減可能只係得十幾粒蜆肉仔。

。

不過味道係唔錯，成碟入邊得兩三隻死蜆，夠鑊氣！蜆肉滲透着青紅椒嘅味道，洋蔥甜而不辣，不過衰在配菜比主菜還多。

跟住就叫咗個魚香茄子煲，呢個咁嘅煲睇相都知咩料啦！魚香茄子最緊要走油，如果唔係出到嚟會變咗一pat野,唔入味之餘，賣相都唔會吸引佢仲夠膽死將啲豬肉碎馺熟咗再撈埋一齊，傻嘅都食得出啲豬肉係馺嫁啦，鞋颯颯白雪雪無味道，要魚香冇魚香！啲茄子仲要係臭嘅！有宿味，同佢講之後佢拎黎聞左下已經知咩料話叫我地換其他餸。

比個近鏡睇下，成六十蚊個餸你好意思hea 煮最後換咗中式牛柳，味道係唔差嘅，始終係條配好嘅醬汁，酸酸甜甜幾開胃，牛柳薄切容易咬，不過就炸得太耐，外面皮夠濃，同埋好油

今朝係大少茶餐廳食咗個breakfast，其實主要都係為咗去嘆一嘆我最喜愛嘅絲襪奶茶。

可惜今日ge絲襪奶茶有少許失色。

今日嘅奶茶飲起上嚟唔夠滑，仲要有少許茶渣。

而且茶味有少少偏重左，一向好鍾意飲大少茶餐廳嘅奶茶，所以今日一飲好明顯就分辨到。

希望下次再去可以飲得番真正嘅絲襪奶茶，唔駛轉飲茶走。

其次嘢食有仿鮑絲火腿通粉，通粉整得都幾爽口，最怕啲通粉整到好淰身。

煎蛋同腸仔就冇特別啦，甜餐包算有誠意，應該係有焗返熱嚟，但可惜欠缺左一樣野，牛油啊。

今日同媽子去東涌探朋友，話事話東涌發展得幾好，周圍都好多餐廳，咁今日探完朋友都差唔多晚飯時間，咁難得黎到東涌，緊係睇下嗰區有咩好野食，行去揾下，見到有間叫"大少茶餐廳",見有小炒，當然要試下，入到去坐低，有個紅髮哥哥仔招呼，佢介紹$98/條蒸東星班，咁屋企人又想試，米叫左，另外再叫左個小炒王，話梅骨。

個話梅骨先到，有讚有彈，讚既係冇落鬆肉粉，彈既係話梅味唔夠，之後再黎就係小炒王，好野味，魚最後到，好滑好大條，不過令我想番兜其中一個原因係個紅頭髮哥哥仔，服務+01...

大少燒味茶餐廳餐單提供港式, 燒臘, 茶餐廳, 冰室等推介美食位於東涌區，餐廳座位數未知人均消費約$50以下，結賬可以用現金，Booking訂位可以電話致電 29869333 查詢。

您對於東涌餐廳「大少燒味茶餐廳」有何 comment？

大少燒味茶餐廳餐廳詳細資料：

• 大少燒味茶餐廳地址:
  東涌逸東街8號逸東邨逸東街市99號舖
  Dai Siu Roast Cafe, Shop99, G/ F Market, Yat Tung Shopping Centre, Yat Tung Estate,8 Yat Tung Street, Tung Chung
• 大少燒味茶餐廳電話: 29869333
• 大少燒味茶餐廳價錢: $50以下
• 分類: 港式, 燒臘, 茶餐廳, 冰室
• 座位: 未知
• 付款: 現金
• FB專頁: 大少燒味茶餐廳 Facebook

更多大少燒味茶餐廳相關資料:

• 大少燒味茶餐廳分店
• Youtube
• Facebook
• Twitter
• Google