別府駅前料理 東涌

別府駅前料理 評價 相片

唔知係咪因為旅遊區,特別貴,因為對面商場係CITY GATE所以多遊客所以貴D?好普通既拉麵都收50幾,不過放LUNCH又唔知食咩好,唔小心行過又唔小心停低左就入左去嚕叫左個泡菜豬頸肉拉麵,湯食唔錯,個豬頸肉無味,相比其他區既黎得差..拉麵無咩咬口,埋單都56,真係唔係咁抵不過服務唔錯,搭救返啦!!

去昂坪 360 前，見這裡午市 4 人同行，一人免費優惠，就決定在此醫肚。

點了 3 個魚生飯和 1 個咖哩飯。

食物上桌慢。

魚生飯加了柚子醬油，但味道很淡。

這裡的侍應最愛給人臉色，接觸的 3、4個侍應，面對我們添水、催促上菜(因食物來得太慢)等要求，顯得不耐煩，眼看侍應多為年輕人，懇請餐廳嚴加訓練。

這是一間吃一次也嫌多的餐廳。

前晚同左女友去左呢間店食,本來想去金水,但太多人了,唯有選呢間,食左個中華冷麵,同魚生飯都仲可以,叫左d壽司就寅係唔得,因為d魚生唔新鮮同d飯太酸,同埋個形狀真係唔得,埋單一人要$120,其實唔算好,但真係冇計,成個東涌,如果想食壽司就係得兩三間,冇得你選擇.

同大埔C約埋班波友棄波取山 趁天氣晴朗 走入大嶼行棧道 天氣勁熱 預計4小時上到昂坪總算合理完成順便暢遊寶蓮寺市集心經簡林 完成旅程已六時多 大家急趕坐巴士回東涌開飯友人提議"別府" 見人不多即入坐點了如下:1一品pizza(芥末味) 冇乜料既 只有芥末味的批2燒帶子餅 幾彈牙有帶子粒 加沙拉醬 好惹味3豬軟骨拉麵(2 椒) 豬軟骨好少 湯係辣 但食得出落辣椒粉的效果4叉燒拉麵 (0椒) 湯味反而OK 叉燒薄薄得3片 5雪長蟹腳炒飯 炒得香口 可惜碟頭細 同埋冇幾粒蟹肉 搵笨 掛"蟹腳賣炒飯"6焗芝士蠔 味道OK 芝士汁算多7金龍卷 賣相唔錯 味OK 但蝦肉細小 飯又散8肉醬茄子茄子清甜同肉醬好MATCH 好惹味9海鮮冷麵 麵算彈牙也夠凍 惜料始終好少各人還點了特飲 因為之前太熱太渴 個個都勁讚杯O野 正.. 夠晒凍***尼間別府係比九龍分店水準差一截 師傅落料比較"手緊"

今晚因為係東涌UA買左飛去睇葉問2，所以同男朋友去返我地第一次見面嘅地方食野，就呢間【別府】諗返起都兩年前嘅事啦，今日重遊舊地...但係感覺依然好...今晚去到唔太爆滿，大約8成客左右，侍應安排我地坐係兩人枱~我同男朋友睇左一陣meau就好快決定到食d乜野（因為趕住睇戲，所以快d叫等佢快d黎）"麻辣腩肉拉麵"...湯底唔太辣，有麻辣嘅香料味，不過唔太重，味道都幾濃，除左麻辣味仲有豬骨味~麵嘅質地都唔錯，軟硬適中腩肉唔肥幾好，但係無乜味道配菜係用左椰菜加一d日本薑絲，效果幾好"麻辣餃子"...由於我比較鍾意食辣，所以又叫多一樣麻辣係列餃子裏面有豬肉碎同冬菇，辣辣地...好重香料味，雖然ok好食，但係唔太大特別"炸雞軟骨"...望落唔夠乾身，比較多油，但係味道都可以，唔加檸檬汁一樣ok"芝士焗雜菌"...呢個就好麻麻，唔夠熱...芝士亦都唔夠...無香味...雜菌有種苦澀味，不食也吧呢間別府已經去過好多次，但係食物嘅質數都仲係一般，希望再下一次去嘅時候會有新驚喜俾到我啦

別府駅前料理餐單提供日本菜等推介美食位於東涌區，餐廳座位數未知人均消費約$101-200，結賬可以用Visa,Master,現金,AE,銀聯。

您對於東涌餐廳「別府駅前料理」有何 comment？

別府駅前料理餐廳詳細資料：

• 別府駅前料理地址:
  東涌富東商場1樓101號舖
  Beppu Ekimae, Shop101,1/ F, Fu Tung Shopping Centre, Tung Chung
• 別府駅前料理電話:  
• 別府駅前料理價錢: $101-200
• 分類: 日本菜
• 座位: 未知
• 付款: Visa,Master,現金,AE,銀聯
• FB專頁: 別府駅前料理 Facebook

更多別府駅前料理相關資料:

• 別府駅前料理分店
• Youtube
• Facebook
• Twitter
• Google