鼓堡音樂餐廳 旺角
地址: 旺角彌敦道731號地庫
最後更新:
鼓堡音樂餐廳推介
一間集Fine Dining、Live Music、酒吧於一身的音樂主題餐廳，店內置有專業燈光舞台，伴隨享受美酒佳餚，讓顧客有味覺聽覺視覺的多重享受。
旺角鼓堡音樂餐廳
| 餐廳分店 | 鼓堡音樂餐廳 |
|---|---|
| 地區 | 旺角 |
| 電話訂位 | 23921181 |
| 餐單 Menu | 西式, 多國菜, 酒, 酒吧 |
| 人氣指數 | 1377 |
| 價錢幾錢 | $101-200 |
鼓堡音樂餐廳訂位位於旺角區，詳細地址是旺角彌敦道731號地庫，餐廳寬敞座位數目共有70個。鼓堡音樂餐廳幾錢？價錢優惠後人均消費大約$101-200埋單，早餐午餐晚餐鼓堡音樂餐廳餐單包括有西式, 多國菜, 酒, 酒吧等美食，付款方式有Visa,Master,AlipayHK,支付寶,現金,PayMe付款，Booking網上訂位可以電話致電 23921181 查詢訂座。
鼓堡音樂餐廳優惠
鼓堡音樂餐廳 評價 相片
朋友包場搞生日會，食物，環境，氣氛都好好。
可以自己點歌聽同唱k，又有飛標玩。
佈置得好有音樂氣氛，是個打卡好地方。
特別推薦脆皮豬手，夏威夷pizza同埋炸物拼盤。
價錢合理，適合三五知己黎聚腳，交通方便。
下次會約埋班band 友黎夾band.
Lunch係OpenRice叫外賣自取，一落到餐廳，一個食客都冇，得廚師同一個冇戴口罩嘅阿叔(應該係廚師朋友或者員工)，但就滿室煙味。
唔知係邊個食煙？呢下感覺已經唔好。
然後廚師入去整我嘅食物。
我係一邊等嘅時候，望住個阿叔，仍然keep住唔戴返好個口罩，仲一路大大聲同入面廚師傾計，仲有時走入廚房。
我先忽然醒起啱啱見廚師好似都冇戴口罩....不過我又唔太肯定，驚自己記錯...Fine, 咁我唯有當佢入廚房點都會戴返個口罩先整野食啦，做飲食嘅...點知，攞我個餐出到黎，哈哈，真係冇戴口罩嘅。
我打咗個突，問，”你冇戴口罩架？”佢好理所當然咁答我，”室內喎”。
我: (???)....你整野食唔洗戴口罩架？廚師: 有，有戴我心諗，哦，即係你入廚房有戴口罩，一出黎就除返口罩。
咁嘅大話你都講得出。
然後我話我唔想要個餐，我想取消。
佢仲話，”你驚啊？” ”ok你咪自己取消囉”最後我係搵咗openrice cs 取消咗。
全程廚師一句sorry都無講過。
其實如果佢當下有認錯，你同我講話係唔記得戴口罩都好，我都應該會就咁算，當自己唔好彩，始終我明白疫情令餐飲業真係生意難做，我都唔想話取消你個訂單。
雖然我係攞自己的健康風險黎幫你。
最後提返你地，同埋所有餐飲業從業員，法例規定: 任何人身處任何餐飲處所內，除於在該處所內飲食時外，須一直佩戴口罩即係廚師同果位阿叔，你地犯咗法架希望大家唔好成日有僥倖心態，同埋唔好累人累己。
幾丁友喺旺角行完街，又唔想散住，想搵個地方hea吓咁～樓上cafe去得多，想飲吓酒朋友話出尖咀喎，攰攰哋又唔想特登搭車去，好在俾我search到附近就有間酒吧，haha～呢間酒吧都幾特別，喺地牢喎，估唔到喺正彌敦道都有地牢嘅酒吧？諗住落去望吓先啦，但有人見到有幾部掟飛鏢機即刻就話要坐低，ok fine～之前地牢酒吧俾我感覺焗促，但呢度ok喎，冇壓迫感，啱晒想hea吓嘅我哋～佢有佢掟鏢，我哋就叫嘢食嘢飲，想開心share食就叫咗個炸物大拼盤；蝦蝦蝦，有我最鍾意嘅炸蝦，其他仲有紫薯、雞翼、雞件、薯餅⋯全部熱辣辣即炸，唔係渣流灘食完就繼續hea陣，攞咗幾個骰盅玩game飲啤酒，本來攰攰哋變咗越玩越精神，全場最嘈係我哋，真係好Happy嘅一晚
呢間酒吧餐廳喺正彌敦道，門面都幾sharp醒；行樓梯落地庫，開始聽到音樂同埋霓虹光管，好似同地面嘅世界隔開咗咁，感覺有啲夢幻～餐廳座位都幾寬敞，如果之後限聚令再放寬，再多啲人一齊坐都唔會迫埋一齊。
除咗食嘢飲嘢，鍾意露兩手可以掟鏢、有自信嘅更可以點歌唱吓，自己圍內亦可以玩吓骰盅，夠晒放鬆。
先醫吓肚再慢慢吹水，我哋叫咗兩份香草秘製煎羊架。
調酒師過嚟推介我哋以Margarita Cocktail配搭羊架，我哋梗係信專業意見啦～羊架用個雀籠做裝飾又幾特別，手機要食先～賣相就吸引，食落肉質都不錯，香草嘅清香同羊架香濃肉味幾平衡～呢度嘅Margarita係特別只放半邊杯邊嘅鹽，配羊架食嘅話可以由冇鹽嗰邊去飲，唔怕遮到肉味之餘，Margarita嘅檸香仲同羊架嘅肉味同香草味幾match，果然係專業推介～食物同飲品水準都不錯，第時恢復返可以有live music，相信氣氛會更好更熱鬧～
星期五放工，大家都想鬆一鬆。
適逢限聚令放寛，就湊夠幾位同事一齊去酒吧餐廳，食嘢飲酒吹吓水。
大家都好耐冇去酒吧啦，即刻嚟一round cocktail先～落order時可以講明要輕啲或濃啲酒精。
我叫咗杯【Nothing】，鍾意佢口味清甜同鮮果嗰種fresh嘅感覺～我哋叫咗串燒大拼盤，原本對酒吧嘅食物冇乜期望，但食落拍得住啲串燒專門店喎。
每串都落咗適量孜然粉，食落幾香口。
我最鍾意係牛柳粒番茄串，牛柳粒肉味濃又軟腍，配勁juicy嘅酸甜番茄又幾夾；芝士丸入面就係半溶軟滑芝士，串燒蝦亦都夠鮮甜惹味。
不過腸仔就普通啲，我覺得師傅可以諗吓腸仔配菠蘿、蜜桃之類。
之後就到香焗豬手啦，食豬手最怕啲肉又乾又「鞋」。
呢度嘅豬手就外皮香脆肉質嫩滑，仲有個好正嘅蜜糖芥末醬，連減緊肥嘅同事都忍唔住話想食多幾件，最後仲叫多一盤，大家happy～希望疫情盡快過去，可以搵多啲人一齊再去，食多啲，玩夜啲啦～
鼓堡音樂餐廳餐單提供西式, 多國菜, 酒, 酒吧等推介美食位於旺角區，餐廳座位數70人均消費約$101-200，結賬可以用Visa,Master,AlipayHK,支付寶,現金,PayMe，Booking訂位可以電話致電 23921181 查詢。
您對於旺角餐廳「鼓堡音樂餐廳」有何 comment？
鼓堡音樂餐廳餐廳詳細資料：
- 鼓堡音樂餐廳地址: 旺角彌敦道731號地庫 The Live House, Basement,731 Nathan Road, Mong Kok
- 鼓堡音樂餐廳電話: 23921181
- 鼓堡音樂餐廳價錢: $101-200
- 分類: 西式, 多國菜, 酒, 酒吧
- 座位: 70
- 付款: Visa,Master,AlipayHK,支付寶,現金,PayMe
- FB專頁: 鼓堡音樂餐廳 Facebook
更多鼓堡音樂餐廳相關資料:
香港餐廳2026推介9月