養心殿台式養生鍋 旺角

養心殿台式養生鍋 評價 相片

已經幫襯過好多次養心殿，其實佢價錢唔算平，所以每次我哋都係趁晚上9:30後有七折先至去。

今次叫咗麻辣湯底拼酸菜白肉鍋，我真係好鍾意食佢個麻辣 夠晒味。

其實佢嘅選擇都有好多 所有配料都算唔錯 我個人最推介嘅係佢哋嘅手打牛肉 肉質好而且好重牛味，另外鬼馬油炸鬼都係我嘅至愛，始終唔係間間火鍋店都有得食。

是咁的今次聚會呢有朋友推介咗喺養心殿打邊爐，其實我哋都聽過養心殿火鍋好多次但是一路之價錢有啲貴所以一路冇嘗試。

不過今次朋友教我哋話八點半之後呢，有折扣優惠所以我哋就作咗嘗試。

入到去間店面好懷舊風格，個感覺好特別好似入咗古代的皇宮咁，我哋嗌咗個麻辣鍋因為可以免費添加鴨血然後再嗌咗好多其他配料其實都唔算太貴，咁多樣配料裏面我最鍾意佢嘅黑松露餃。

另外佢嘅肥牛都非常之好食，我哋仲嗌咗個冰菜㖭不過冰菜就有啲貴列要成七十幾蚊一個。

但係整體嚟講佢嘅食物同服務係非常之高分，最後我都係最鍾意佢嘅麻辣鍋因為有得免費添加鴨血，無限添加。

奧爾加得閒鍾意同三五知己去打邊爐，今次去左間CP值高既「養生殿」刷一餐！喜歡個種無人可以打擾到既格局，至愛養生中藥系列既湯底！今次仲唔食得開心又養生？一黎就叫左個鴛鴦火鍋，一邊枸杞烏雞中藥材湯底，另一面就紅棗桂圓辣味鍋，真係可以自己揀養生mode定滋味mode!鮮美既肥牛，一再encore!!!後面既羊雖然唔係奧爾加杯茶，但連湯底滾又真係幾好食！手打魚滑同埋牛丸，口感彈牙又好正！響鈴，滾一秒就食得嫁啦！

成班朋友去咗養心殿打邊爐，我之前都好期待呢度打邊爐㗎啦，因為佢係出名，呢度呢啲嘢好好食同環境幾好，而且呢仲可以免費無限街鴨血，不過要係叫麻辣湯底先至可以免費加鴨血。

我哋幾個當然都唔執輸梗係嗌咗個麻辣鍋啦，然後在雙拼多個美人鍋。

我哋再單叫咗幾樣嘢食，我哋叫咗肥牛啦，同埋冰菜，仲有一啲水餃。

啲服務員都幾好，而且我亦都差唔多都會主動行埋嚟，問我哋使唔使免費加鴨血。

整體個感覺好大方。

最後埋單我哋平均一人都係二百幾蚊，但係我哋全部都好飽所以價錢都好抵。

男朋友最近出左bonus所以就同小妹去左我地之前都幾中意食嘅台式養生邊爐! 由於7點前賣單有半價優惠所以我地就book左5點鐘食!😋🤣自家制沖繩黑糖烏梅汁烏梅汁酸酸甜甜幾開胃, 一大jar仲可以飲到10杯左右😋寧神養生鍋拼麻辣鍋（少辣🌶）🍲麻辣鍋幾夠辣, 入面仲有嫩滑鴨血, 寧神鍋主要係用左好多唔同嘅藥材同魚🐟煲成嘅滋補湯底, 湯底好濃郁仲可以飲得😊 E到嘅火鍋基本上唔洗沾醬, 因為食材新鮮, 湯底味濃, 所以淥一淥已經好夠味!😋追加鴨血（免費）鴨血味道濃郁, 質感軟嫩細緻, 口感滑溜😊萵荀清爽脆口農場野菌🍄味道正常, 不過不失日本牡蠣蠔味濃郁, 鮮甜味美, 推介!👍🏻活九孔活九孔肉質厚實而且非常爽脆, 口感彈牙有嚼勁!蟶子皇蟶子皇肉嫩而肥, 色白味鮮, 非常爽甜!極上雪花肥牛🐂牛肉味道濃郁, 雪花均勻, 肥瘦適中, 口感鮮嫩老油條熱辣辣嘅鮮炸老油條味道唔錯, 而且炸得好脆, 可以自行選擇淥又得唔淥就咁食都得, 不過比起以往, 明顯退步左!鹽酥蚵仔份量幾多, 蚵仔味道濃郁, 酥脆可口!總結:食物質素高, 食材新鮮, 環境舒服, 店員服務態度良好! 😊👍🏻

養心殿台式養生鍋餐單提供台灣菜, 火鍋等推介美食位於旺角區，餐廳座位數150人均消費約$201-400，結賬可以用AlipayHK,支付寶,現金，Booking訂位可以電話致電 23233123 查詢。

您對於旺角餐廳「養心殿台式養生鍋」有何 comment？

養心殿台式養生鍋餐廳詳細資料：

• 養心殿台式養生鍋地址:
  旺角彌敦道607號新興大廈1樓106-112號舖
  養心殿台式養生鍋, Shop106-112,1/ F, Sun Hing Building,607 Nathan Road, Mong Kok
• 養心殿台式養生鍋電話: 23233123
• 養心殿台式養生鍋價錢: $201-400
• 分類: 台灣菜, 火鍋
• 座位: 150
• 付款: AlipayHK,支付寶,現金
• FB專頁: 養心殿台式養生鍋 Facebook

更多養心殿台式養生鍋相關資料:

• 養心殿台式養生鍋分店
• Youtube
• Facebook
• Twitter
• Google