食為先海鮮菜館 旺角

食為先海鮮菜館 評價 相片

前晚懶得回家煮飯, 與老爸, 老姊同友人一齊來左呢度約食晚飯. 四個人點了:粉葛鯪魚煲豬踭湯 唔夠火侯, 又唔見有鯪魚, 味道淡, 唔得!椒鹽九肚魚 都算香口, 味道一般.南乳齋煲 冇咩南乳味, 粉線多但太淋, 唔得.燒味拼盤 义燒較肥, 燒鴨又較韌, 一般而已.唔知乜野骨 甜甜地, 味道似士多啤利骨, 一般水準.份量仍然十足, 食到好飽!!飯後甜品仍是綠豆沙, 不過較稀又太甜. 整體比以前的水準退步了, 所以星期六晚市都唔滿, 有位剩.......

食過肥姐後，慢慢步向朗豪坊門口，等齊人之後開始搵飯食，漫無目的經過數間打冷鋪也不合意，一直走到食為先門前，一行五壯丁見餐牌價錢不貴，二話不說便決定入去用膳! 一坐底，見到每張臺都總有一個枝竹羊腩煲，當然要趁熱鬧來一個試試，再點了半隻風沙雞、煎蠔餅、中式牛柳、芥蘭炒牛肉等，慶之所至，但叫了大半打啤酒大家啤啤佢 ^__^ 一邊飲啤酒，一邊竟然談起金融海嘯問題，大家都好像為前途有點擔心，是成熟了嗎? 每人的選擇不同，走的路不同，或者，也不用為人工多寡太介懷了，堅持自己所想總會有出路吧回到正題，先評食物，枝竹羊腩煲內的枝竹煮得入味，羊腩也大大件絕對物有所值，天氣凍了，來個羊腩煲，碌碌跟煲的生菜，一邊點腐乳一點吹水，的確係過癮至極；風沙雞係樓面極力推介，佢話會比貴妃雞惹味 d，賣相還不賴，但此雞偏瘦，無肉食，加上炸皮同大量蒜茸(?)，惹味不來更是十分熱氣；煎蠔餅，只得其形而失其實，內裡的蠔絕不新鮮，味道更有點苦澀，水準亦不及廟街興記，有點失望；中式牛柳，芡汁味道不足，不但令洋蔥失色，連牛柳也失去其神髓，最弊係牛柳明顯事前以鬆肉粉加工，完全失去肉質應有的咬感；炒牛肉也有相同問題，幸芥蘭尚算當造，翠綠又甚為爽脆!埋單 $430，或者味道沒有什麼特別之處，幸服務、環境都不錯，最重要係酒水非常便宜 ($10 3 罐獅威啤)，算是一個適合朋友吹水"圍威喂"的開飯點吧 ^^

懷舊菜焗魚腸現今在許多食肆都沒有供應，是它炮製過程複雜？還是這輩食客怕它膽固醇高不健康而不受歡迎？我就對它情有獨鍾，吃得津津有味，每次來到食為先，總要柯打一道，不吃不舒服，吃不完就索性打包回家吃！論這類舊式中式食肆，真是買少見少了，七八十年代盛行的醉瓊樓和泉章居等都走下坡，食為先也免不了同樣命運，可幸它仍在女人街裡默默地生存，為我等食客延續美味的小菜風情。

也要一提的，它們的檯布很雪白光鮮，給人很衛生的感覺。

這晚兩人叫了二人套餐，一百七十八元，有兩盅海底榔燉三寶，材料當然有海底椰，還有花菰、雞腳和瘦肉等，加上水煮莧菜，燒雞半隻，豉汁倉魚等；莧菜因不是下油炒，所以不肥膩，適中；燒雞皮雖脆嫩香口，但不敢吃了，吃它的肉吧，雞的肉質亦鮮美，略嫌稍鹹，但仍可口；倉魚有點過熟，不過現在盛夏之際，食物處理方面也不宜太隨便，反而過熟感覺會安全一些；此外，當然還有我的最愛－－家鄉焗魚腸，這道魚腸，製法看似簡單，實際上在家中就不會烹調，因為工序也多，而且做得不容易像酒家廚師的質素，所以都選擇在外吃，反正只需二十八元，超值喇！兩個大男人，每人一碗白飯似乎不夠，本想再添白飯，朋友說道不如試試這裡的蠔仔粥，也好，轉轉口味，亦喜歡蠔仔粥裡面的配料如莞茜和冬菜等，加上適量的胡椒粉，是最好不過的配搭，可是．．．，蠔仔的size絕不“蠔仔”，是蠔爸爸或是蠔媽媽了！另外，冬菜嚼不開，失敗！還幸，整體的味道尚算不錯，我還是欣賞它的鮮味。

飯後還來了起沙的綠豆糖水，中和了飯菜的濃郁味道，人生到此，夫復何求？原來睡一頓甜美的覺和三五知己吃一頓美味的佐膳同樣幸福無比，你又領會多少呢？

同女友黎到.....見到$18一盅的老火湯叫了一盅比自己飲....暖肚.....我女友唔飲湯的,..所以我叫左個花生雞腳湯嘩........正......叫左個中式牛柳....幾好味...牛柳夠晒林.......叫埋個菜遠炒花枝片......嘩....d菜心大大棵.....超新鮮......正......叫埋個...bb鴿...每枱既人....人人都有一隻....我都唔叫未走寶嘩......bb鴿都係$23一隻........超好味.....正...........

尋日同屋企人行旺角.....行下行下....鬼死咁肚餓...諗緊唔知食咩好既時候....因為媽咪鍾意食小菜既關係.....於是一諗就諗到呢度....(食為先)呢度係我最中意既餐廳之一....原因係我中意食呢度既豉汁蒸倉魚......我地5個人叫左1個$88蚊2碟餸....有南乳燒雞半隻及豉汁蒸倉魚.....叫左XO醬西芹花枝片.....都幾辣架......仲有$28一隻大大隻既賴尿蝦...叫左5隻用黎椒鹽........仲有叫左碟牛肉炒菜心....小小油左D..不過美味......食完送上....每人一碗既綠豆沙.......可惜我唔食....不過家姐佢地異口同聲話.....好正......

食為先海鮮菜館餐單提供粵菜, 廣東, 海鮮, 點心, 中菜館, 酒樓等推介美食位於旺角區，餐廳座位數150人均消費約$51-100，結賬可以用Visa,Master,現金。

您對於旺角餐廳「食為先海鮮菜館」有何 comment？

食為先海鮮菜館餐廳詳細資料：

• 食為先海鮮菜館地址:
  旺角通菜街20號達明大廈1-3樓
  Sik Wai Sin Restaurant, 1-3 Floor,20 Tong Choi Street, Mong Kok
• 食為先海鮮菜館電話:  
• 食為先海鮮菜館價錢: $51-100
• 分類: 粵菜, 廣東, 海鮮, 點心, 中菜館, 酒樓
• 座位: 150
• 付款: Visa,Master,現金
• FB專頁: 食為先海鮮菜館 Facebook

更多食為先海鮮菜館相關資料:

• 食為先海鮮菜館分店
• Youtube
• Facebook
• Twitter
• Google