阿爺八鮮鍋 旺角

阿爺八鮮鍋 評價 相片

朋友果日黎食完個邊爐，就介紹我地兩隻黎食私房菜，咁梗係打電話黎問下資料啦 !! 老闆話疫情咁...都想做多少少生意 !! 二人既私房菜都會做，只要俾個價佢，佢就會俾野你食，你講底唔食乜，佢地就會攪掂 !! 今次我地俾佢既價位係每人 500蚊 ~~ 好期待 !!我地上道黎都 OK，坐到都好疏落下，仲有房可以包添 !! 真係唔錯 ~~ 我地第一次黎，坐左係窗果邊卡位，唔錯 !! 侍應問我地想飲咩，我想飲茶，本來侍應姐姐話開普洱，但老闆好好 ~~ 叫佢開個大紅袍，因為同今晚既安排夾D !! 貼心到呢 ~~個杯好可愛 ~~ 入面有金魚 !! 呢道既紅袍好好飲 ~~ 大愛 !! 好似潮州既功夫茶，濃濃既 ~~ 我好鍾意 ! 飲完杯茶要開始等食，好期待，我地唔知大廚為我地準時左D乜 !! 一坐底我地先黎飲左個湯先，個湯好有屋企 FEEL，個豆腐好刀工，切到菊花咁 !! 豆味足 ~~ 正 ! 入面仲有雞脾菇、靈芝菇、冬菇同合掌瓜，唔記得問佢係咪素湯添，好甜好甜呀 !!!首先黎左個頭盤先，刺身拼盤，有章紅魚 / 灸燒章紅腩 / 炙燒三文魚腩，側邊配廚師既自制酸汁。

個章紅勁甜呀 !!! 又爽口 ~~ 呢個大驚喜呀 !! 老闆話條魚要夠新鮮先會咁甜 !! 而個腩位炙燒過，又係香到爆燈 !! D魚油好多，配酸汁岩岩好 ~~ 入口有即溶效果呀 !!!!!再黎係 芝士焗阿拉斯加蟹腳，一放落黎，我忍唔住 "嘩" 左一聲 !! 好驚喜呀 ~~ 呢個蟹腳好粗呀 !! 有兩隻手指闊，蟹肉好鮮甜，芝士又唔會好漏，正呀 !!之後就係 鮑魚炆鴨腳，個鮑魚好淋身，新鮮鮑都好入味，唔會柴 !! 我鍾意佢既鴨腳，勁入味之餘，皮又唔會爛哂，岩既我呢D食腳指既朋友 !! 哈哈 ~~ 個汁唔係我地一貫食既鮑汁，好唔同，我唔識去形容，等你話番我知 !! 但好味既 ~~再黎就係呢個好澎湃既 蟹肉花膠翅羹，入面都真係勁多料 !! 個湯好甜，充滿海鮮既味道，老闆叫我地放D醋落去，吊味，果然仲正 !! 我本來諗住佢個湯咁濃，唔應該落醋，我都係愛醋者 !! 大量放架 ~~ 哈哈 !!個花膠唔算細隻，仲幾大塊下，好淋，好漿住個咀 !! 大量蟹肉 ~~ 都係阿拉斯蟹道拆出黎，食完呢個我飽左 8成 ~~ 哈哈 !! 但呢個我唔捨得放棄佢呀 !! 正 ~~黎到呢道老闆行過都有同我地傾下計，問我地暫時鍾意咩，我答佢暫時大愛個蟹肉花膠，堅正 !! 叫我地試埋個炒飯再諗下邊樣最鍾意，佢話個炒飯都勁正，食完個炒飯再話佢知飽唔飽，唔飽出聲 !!個飯黎喇 !! 原來係 阿拉斯加蟹肉蛋白炒飯，勁呀 !! 個飯都真係好勁，粒粒分明 !! 味道好鮮，我自己覺得淡口左少少，可能我岩岩飲完個濃味既湯，個飯我地食完個底仲要冇油 !! 係咪好堅先 ?! 唔好睇我呢兩張相搵唔到蟹肉，個底堅多 ~ 唔係講笑 !! 仲要呢個份量唔細 ... 我真係食唔哂，隻佬幫我攪掂 !! 哈哈 ~~ Thanks 女士仲有個甜品，紅棗桂圓燉燕窩，嘩 !! 滋潤到爆燈 ~~ 一開出黎就聞到紅棗味勁濃，入口都有漿口既效果，又唔會好甜 !! 正呀 ~~ 同我埋左個靚尾 !! 今晚大滿足 ~~埋單仲驚喜，一千蚊唔駛 ~~ 有冇攪錯呀 !!

之前因為屋企人上車成功，決定嚟呢間阿爺八鮮鍋食海鮮火鍋放題慶祝下🥴兩小時任食，每位$338連加一，放題包羅萬有，包括是日精選燉湯廚師推介小食、時令刺身拼盤、花膠雞煲同海鮮火鍋，真係超級豐富！第一道上菜的是精選燉湯，但沒想到竟然係一碗足料嘅魚翅雞湯，魚翅份量仲多過喺酒樓平時食，真係超揼本呀！第二都上菜嘅係燒牛脷小食，雖然唔算好厚切但都幾大塊，肉質嫩滑而有咬口，味道挺好～時令刺身拼盤提供幾款刺身，包括有三文魚、油甘魚、活蝦同象拔蚌，刺身幾新鮮，唯一要彈既活蝦係未有挑蝦腸，呢個要改善啦～然後輪到雞煲，今次揀咗唔辣，雞肉份量適中，肉質新鮮嫩滑；調味亦啱啱好，平時最怕醬汁太鹹太油膩，加上，落咗好多芫茜令雞煲勁香，惹味十足！食完雞煲以為店員會加水直接當湯底，但原來呢度做法唔一樣，會直接幫客人換咗湯底，食客就唔需要怕太油膩，值得欣賞！海鮮拼盤份量多得驚人，有龍蝦仔一隻、花蟹一隻、鮑魚兩隻、帶子兩隻同活蝦兩隻，全部即叫即劏，確保新鮮！當日仲有魚蝦蟹遊戲玩，每一枱每一位食客都可以參與，結果當日我哋好好運咁贏咗一隻波士頓龍蝦，肉質鮮嫩彈牙，好耐都未試過食得咁開心！😻食完海鮮仲可以任叫火鍋配料，我哋叫咗安格斯肥牛，肉質超晒班，好食到令人叫完再叫😋最後店員突然向所有女食客送上一碗紅棗桂圓鮮奶燉燕窩，令人喜出望外！整體而言，唔使$400就可以食到咁嘅質素，我相信比坊間好多自助餐做得更出色，絕對物超所值，極力推介！另外，現時大家都十分注重餐廳嘅衛生狀況，呢度店員會喺客人用餐前用熱水高溫消毒所有食具，確保安全衛生，做法值得一讚！順帶一提，呢度除咗供應火鍋放題，仲提供訂房私房菜服務，有興趣嘅朋友可以一試😛

疫情急轉高峰期，今日突然想食雞煲但又唔想出街...上網搵吓有咩啱食啦！搵搵吓就搵到呢間可以外送雞煲打邊爐🍲真係好方便呀直送到府上！啱哂我哋大食懶😂😂阿爺八鮮鍋有9個唔同嘅餐任揀！我哋揀咗$388「繼續努力二人套餐」：🥢阿爺招牌雞煲（半隻）：有麻辣/唔辣！份量點止半隻，惹味好味更抵食😋🥢老雞赤肉燉花膠魚翅：花膠魚翅足2兩，多到食唔晒😆精華梗係留起仲可以煮膠原蛋白麵🤪我懷疑花膠受過輻射㗎...超大舊囉！🥢安格斯牛小排（半磅）：切得夠薄！牛味濃郁唔韌，淥兩三吓就食得👍🏽🥢泥鯭魚（2條）：第一次打邊爐食泥鯭，劏好晒淥一陣就食得，大大條啖啖肉好鮮味😋🥢黑豚肉：大大片，淥熟咗都仲好嫩滑！🥢真手打蟹籽蝦丸：口感同蝦滑一樣咁爽口彈牙🥢真手打黑松露墨魚丸：未食過咁彈嘅魚丸😲🥢噴汁潮州牛丸：重牛味，又多汁🤩🥢8吋長蟹柳：8吋長過對筷子🤣🤣最like佢點淥都唔會散🥢時令油麥菜 一份總結：懶人喜訊！抗疫潮流！阿爺有計！全部新鮮生out out送到你屋企🦞🦀🐟🦐下次唔想打邊爐，要試埋佢哋有私伙菜式可以order🤤🤤

係人都知道我鍾意打邊爐🍜 今次仲係任食海鮮火鍋😻😻 仲要估唔到任食嘅都有咁高質😋 平日都只係$338，任飲都只係加多$20，性價比真係超高！·☆ 是日精選燉湯菜膽雞翅燉湯🤩 舊翅真係好大塊，夠哂滋補養陰，味道清甜，男女老少都啱飲👍·☆ 廚師推介小食當日推介小食係麻辣燙，個辣湯汁望落火紅紅🌶 好似好辣咁，但實際食落唔係好辣，仲好易入口，不錯的。

·☆ Follow IG / like + share Facebook Page會送上一碟 黑松露炒象拔蚌， 當日因為怕浪費，所以無要到，但係我有like到facebook㗎~·☆ 刺身拼盤有三文魚、油甘魚、赤蝦及響螺肉四款，每款都好新鮮🤩 如果有多啲款就好啦😊·☆ 火膠雞煲叫咗小辣，以二人份量嚟講雞煲份量都唔少🤤 哩款雞煲好特別地，入面係連埋花膠一齊煮，花膠養顏，雞肉嫩滑，十分不俗呢👍·☆ 時令海鮮拼盤食完花膠雞煲，跟住就到任食邊爐啦🤗 首先店員會奉上一盤超級新鮮豐富既海鮮拼盤🤤🤤 海鮮拼盤包括🦂龍蝦、🐚扇貝、🦐大蝦、🐚鮑魚及🦀花蟹，淨係哩個海鮮盤本都已經足以令我心心眼😻😻 最正嘅係除左龍蝦同扇貝外，其他海鮮都係任叫任食🤩 而店員亦極力推介我地點海斑片及泥鯭🐟所有海鮮都非常新鮮，而且啖啖肉😋 真係夠哂瘋狂！另外其他火鍋配料都絕對唔輸蝕，好似安格斯牛肉、鮮蝦雲吞、手打鮮蝦滑鮮墨魚滑等等，都非常美味足料👍我地真係食到停唔到口，夠哂滿足❤·老實講，哩度淨係食海鮮都已經回曬本！你都千祈唔好錯過啦👍👍

今日帶屋企人黎食海鮮！海鮮勁生猛$318每位 + 20 有飲品任飲套餐包燉湯前菜小食（今日係牛柳粒） 刺身拼盤雞煲 火鍋湯底6款精選海鮮拼盤再加無限追加小食，某啲海鮮。

就連 生蠔、鮑魚賴尿蝦 、海蝦 、泥鰻 、生蠔、新鮮墨魚都有得任叫！松茸螺片湯好清甜足料 大大盅夠哂飲刺身都幾新鮮 每款一舊 岩岩好 唔會太多雞煲整得幾好食wo! 好出沙茶味 幾入味同埋好惹味～重頭戲 海鮮🦞樣樣都勁新鮮， 好生猛，隻隻都幾大隻。

一開頭佢黎左龍蝦、大蜆、鮑魚、海蝦先鮑魚仲係度縮下縮下， 唔係死既！ 湯底冇味精，食完個口都唔會好口渴咁 ，真係幾難得。

配料方面叫左即炸響鈴真係大大舊現炸 好脆好香！ 好索汁食一兩舊都好飽了 唔係出面果d勁細舊牛肉好靚 幾滑幾嫩既 牛根丸爆汁超正 好爽口蟹籽蝦滑丸都幾出色好彈牙～最後食埋個出前一丁 飽哂！ 飲品好多選擇 有apple juice, 蜜桃汁, 橙汁, 竹蓆茅根水、蜂蜜雪梨茶 細細枝 可以試足唔同味服務員態度都抵讚 好窩心！ 成日幫手換碟整海鮮 好熱心😝下次會帶親戚再黎食長腳蟹做優惠 45斤 $888 都好似好抵咁！ 呢度係我地追加既海鮮有瀨尿蝦添 勁小見我地食得唔多 不過都好滿足了

阿爺八鮮鍋餐單提供粵菜, 廣東, 港式, 火鍋, 海鮮, 名人店等推介美食位於旺角區，餐廳座位數未知人均消費約$201-400，結賬可以用Visa,Master,現金,銀聯,JCB,微信支付，Booking訂位可以電話致電 25278383 查詢。

您對於旺角餐廳「阿爺八鮮鍋」有何 comment？

阿爺八鮮鍋餐廳詳細資料：

• 阿爺八鮮鍋地址:
  旺角登打士街43H號登打士廣場3樓
  Grandpa's Porridge Shabu Shabu, 3/ F, Dundas Square,43 H Dundas Street, Mong Kok
• 阿爺八鮮鍋電話: 25278383
• 阿爺八鮮鍋價錢: $201-400
• 分類: 粵菜, 廣東, 港式, 火鍋, 海鮮, 名人店
• 座位: 未知
• 付款: Visa,Master,現金,銀聯,JCB,微信支付
• FB專頁: 阿爺八鮮鍋 Facebook

更多阿爺八鮮鍋相關資料:

• 阿爺八鮮鍋分店
• Youtube
• Facebook
• Twitter
• Google