豪仔記生滾粥 旺角

豪仔記生滾粥 評價 相片

八月初五‧炎熱在附近踢完波，沒有什麼胃口，見這裡的門口寫著招牌蠔仔粥，就來試試吧。

這裡地方不大，但也有個大電視，給食客追看「家好月圓」。

蠔仔粥真的是生滾的，上檯也聞得到鮮味，加上蔥、芫茜及中芹，幾香。

熱辣滾燙，吃粥也要這個熱度。

蠔仔幾大粒，好肉，但吃起上來有點腥味，再吃幾口，已經不想多吃，因為感覺是不太新鮮，加上天時暑熱，小心一點好。

而吃到中段，也有不少的蠔殼，幾敗興的，亦是清理得不夠仔細的結果；也來一碟煎蛋角，蛋煎得不夠鬆，中間還包了一塊鯪魚餅，如果蛋是加了鉸碎的鯪魚來煎，效果會好好多，現在就只是薄蛋包著硬餅，很一般。

不過話說回來，16蚊一客，也是這樣子的了。

埋單44蚊，感覺麻麻。

(20/3/08)雖然枱面"痴立立",但一坐落,店員已端上滾水浸豌仔,比你洗洗,感覺周到。

在生滾粥column,選了蠔仔粥,來到既係潮州做法的「粥」。

唔緊要,好食就得喇!用上脹book book的珍珠蠔,最欣賞是佢加左魷魚釣味,與蠔仔味道非常匹配!還有炸菜、薑絲湯底也很好味。

鮮牛肉煲仔飯,加隻窩蛋$6(貴得離譜)。

窩蛋仲焗熟左...。

好多薑絲蔥絲、酒香,好驚喜~所以牛肉那part好滿意,但飯有點生骨,而且無煲仔味,美中不足。

上星期六原本要留係公司全日, 點知又話下星期先到我留守公司.....好野咁就即通知老闆啦等佢安排一吓半天既節目...我地買左4時多去睇戲, 所以我地中午就去左太子食野..原本想去食素/7喜點知lunch好多人, 最後我地行左去對面一間咩豪記生滾粥食野..叫左一個星州炒米同埋一個及第粥跟豉油王炒麵...原本無想過個粥會跟埋炒麵, 最後2個人只係完成左個粥同埋炒麵..成盒炒米要就打包...味道都係一般啦..如果食粥麵我都係比較喜歡去7喜多d

看見這裡開了一段日子，一直沒有試過；今晚有空，就決定來試試。

我們叫了白粥、煎蛋角、蒜茸白菜和椒鹽排骨。

煎蛋角 鯪魚肉做餡、雞蛋做外皮，有點像蛋包飯的感覺；可惜鯪魚肉比較硬、唔多好食；雞蛋煎得唔夠香和比較上薄，感覺只是好一般。

蒜茸白菜 想不到，今晚最好味的一樣菜，菜味幾鮮嫩。

椒鹽排骨 一上，看見這麼多辣椒，還以為好辣；原來都唔算好辣，但就好鹹，相信係廚師太手重，落多了很多鹽；排骨相信唔多新鮮，或者雪得太久，好硬又無味，非常唔要得的一味菜。

白粥 有點像潮洲粥，看落好像很綿，但食落口部份都幾硬，而粥內還有點炭屎，感覺唔多好。

價錢唔算貴，但食物水準好唔定，可以說：一試無妨！地方都幾細，椅背貼椅背，肥一點坐都幾辛苦。

去太子永合隆食燒肉, 已經留意到呢間豪仔記, 今日去花墟見到呢間分店, 就入去試下啦. 兩個人先來一碟細白灼豬什, 黎到覺得咁大碟既... 豬什質量唔錯, 沾棘椒豉油, 幾惹味. 再黎三十元的海鮮粥, 有兩件花蟹, 蝦, 魚, 粥底幾綿而且好有海鮮味. 再來的蠔仔粥, 起初以為佢係生滾, 點知黎到係潮州泡粥做法, 除左幾新鮮既蠔仔, 仲有冬菇絲和魷魚絲吊下味... 製作頗認真, 才廿六大元, 另外還有豉油皇炒米, 一大碟賣廿蚊.我最鐘意好食又抵食的食店, 裝修反而唔係好重要, 企企理理就得啦... 呢間店, 食物幾好, 街坊價錢又唔加一, 算係咁架啦...

豪仔記生滾粥餐單提供港式, 粥品, 中菜館等推介美食位於旺角區，餐廳座位數未知人均消費約$0，結賬可以用現金。

您對於旺角餐廳「豪仔記生滾粥」有何 comment？

豪仔記生滾粥餐廳詳細資料：

• 豪仔記生滾粥地址:
  旺角花園街2B號地下
  豪仔記生滾粥,  
• 豪仔記生滾粥電話:  
• 豪仔記生滾粥價錢: $0
• 分類: 港式, 粥品, 中菜館
• 座位: 未知
• 付款: 現金
• FB專頁: 豪仔記生滾粥 Facebook

更多豪仔記生滾粥相關資料:

• 豪仔記生滾粥分店
• Youtube
• Facebook
• Twitter
• Google