豐石板燒專門店 旺角

豐石板燒專門店 評價 相片

比ig美食燒到，見到呢期好hit既石板燒，就同朋友搵到嚟試下，價錢由最平既美國肩胛肉眼$78，去到最貴既$248日本宮崎A4和牛肉眼，呢個價錢仲要唔洗加一，仲要白飯任裝、有麵豉湯、沙律任食，加$10仲要有枝大大枝既無糖冷泡茶，食完可以消下膩，絕對係值回票價😋🌟美國Prime 封門柳 $98🌟餐廳好細心，都會插一枝旗仔，去辨認客人order咗既邊一款肉，而店員都好熱心提醒，要先搽牛油落去石板燒，如果舊石唔夠熱可以換過另一塊，要讚一下👍🏻而封門柳食落肉質好軟腍，滑嫩而不韌，亦無多餘既油脂同筋😌🌟美國安格斯西冷 $128🌟西冷夠曬大塊😍側邊有一條油筋，當牛油用曬既時候，佢就係大派用場既時候，可以當油咁搽喺石板燒上，而西冷肉質就比較鮮嫩多汁，食落好juicy🤤🌟芝麻雞翼 $20🌟我哋怕唔夠食叫多兩款小食，雞翼炸至香脆可口，肉質嫩滑😋🌟香芋丸 $20🌟口感好煙韌，裡面既香芋泥餡奶香味相當香濃，質感順滑綿密，味道同外面既炸皮好夾，令人食完想食第二粒🤤整體嚟講，幾好玩既一餐😆自己燒自己食，生熟程度自己控制，唔夠食仲可以叫下小食，而且仲要係好食😋性質比好高既一餐💯

又比我發掘到旺角餐廳😋 列入左我愛店🥺比起港式扒房更加鍾意食石燒♡︎(°´ ˘ `°)/可以食返肉味 生熟又可以自己控制 又有自助吧😚我食過幾間黎講呢間嘅肉味真係top‼️❣️美國prime封門柳 $98另外仲有肩胛肉眼 西冷 牛小排呢d🐮呢款第二平已經好正😋 肉味好出*ˊᵕˋ)੭用牛油熱左下 煎到自己鐘意既生熟度🙆🏻‍♀️塊肉唔會太厚到好難熟 好易整🤣佢哋沙律用玻璃樽裝幾衛生 配麻醬 nice😚仲有大力推薦佢碗飯🍚 用珍珠米 一大煲都煮到粒粒分明😛❣️西班牙黑毛豬梅肉 $108放棄咗食豬腩🐷 呢款黑毛豬陣味好出(˶‾᷄ ⁻̫ ‾᷅˵)一路煎一路聞住🤤 而且肉質爽彈‼️配埋佢啲燒肉汁 豬扒汁 難得連啲汁都調得好😍Ps 呢間竟然有電動salt & pepper😂 好慳力😂❣️榴槤炸彈 $20放題會見到嘅 估唔到呢度都有得食 有流心😍❣️香芋丸 $20我同朋友都更鍾意呢個😛 甜d煙韌d🐷奉勸大家一定要着圍裙😂 好得意同小心彈到😛

白飯，麵豉湯，沙律，任裝！抵食💰食塊牛扒再食到飽最平都係$78！✨味道76分，服務不錯，環境方面有啲油煙味。

.🔸鵝肝多士($68)⭐️多士脆，搽左牛油好香，被厚厚既鵝肝咁蓋住，咬落啲油份咇出嚟，口感好豐富，配搭得好正！.上菜每塊牛扒都係一成熟，按照自己喜好煎幾熟。

🔸美國Prime肩胛肉眼($78/200g)肩胛肉眼口感比較紮實，牛味唔重。

🔸美國Prime封門柳 ($98/200g)⭐️封門柳咬落比較鬆軟，牛味較重。

.🔸榴槤炸彈 ($20/3pcs)啱啱炸起熱辣辣，外皮脆，夾住層黏糯嘅皮，中心係好香榴槤味既流心餡，做飯後甜品不錯。

.🔸自家製蜜桃烏龍冷泡茶($10)飲落有淡淡蜜桃香，冷泡茶既茶味唔會好濃好苦。

佢冇另外落糖，解渴又幾健康。

.🔷任食系列🔸沙律菜，分裝好一盒盒，可選沙律醬/芝麻醬/沙律醋。

🔸麵豉湯，好多豆腐同紫菜，味道剛好唔會太鹹。

🔸白飯，旁邊有啲味素，撈飯更加香口美味。

以半自助形式既石板燒套餐,點左一款心水肉類後就可以係自助區內無限追加沙律,麵豉湯及白飯.沙律菜放入雪櫃內以一罐罐玻璃裝好,乾淨衛生而且仍然keep到水份唔會乾爭爭.珍珠米飯唔會煮得過糊而且入口彈牙,加上飯素入口更香.美國prime肩胛肉眼餐廳先將牛扒煎香到大概3成熟再上枱,牛扒色澤光鮮,中間粉嫩既鮮肉唔會暗啞.肩胛肉眼肉味相對較為濃郁及突出,脂肪量較少但油花分佈均勻細緻散發出淡淡牛脂香.肉質香滑,瘦而幼嫩.美國prime封門柳同樣經預先煎香後上枱,中間雖然帶有肉筋但入口唔會過韌.作為牛橫隔膜肌肉,肉質相當軟腍得黎又唔會失去肉類既嚼勁.油花較少但肉味依然濃郁,輕輕加少少鹽同黑椒調味已經夠晒香.芝麻雞翼雞翼炸得好香脆而且一d都唔油膩,好有驚喜！雞翼面上仲加上芝麻粒增加香脆感.連雞翼尖既雞翼更香更惹味.雞翼醃得鹹香又無雪味,內裏雞肉仲好香而且唔會柴.藍青口青口肉充滿新鮮既海洋鹹味.石板既熱力夠,煎完牛排後就算隔左一陣再加上藍青口上石板煎仍然帶有熱力.加熱後既藍青口入口更香更creamy.

豐石板燒專門店主打石燒牛, 價錢大眾化, 而且套餐已包括一杯飲品, 仲可以無限添加沙律, 麫豉湯及白飯, 絕對保證可以食到飽! 餐廳將牛扒及石板分開上, 令顧客更容易控制燒牛扒嘅生熟情度, 好貼心, 值得一讚!美國Prime封門柳 (200G) $98封門柳肉質鬆軟, 油脂入口即融, 肉味濃郁, 好正呀!個人喜歡燒肉嘅中途加入岩鹽及黑椒作調味, 能夠品嘗得到牛扒最原始嘅味道!美國Prime肩胛肉眼 (200G) $78肩胛肉眼脂肪分佈平均, 味道濃厚, 而且美味多汁, 抵食呀!芝麻雞翼 (2隻) $20雞翼炸至雞皮脆卜卜, 雞肉保持嫩滑多汁, 正呀!藍青口 (5隻) $20係凍盤, 頗嫩滑!沙律新鮮爽甜, 仲有幾款沙律醬可以揀, 而且份量自己控制!麫豉湯麫豉湯內有海帶及豆腐粒, 有誠意!白飯白飯可自由添加飯素, 細心!自家製桂花烏龍冷泡茶 跟餐加$10烏龍茶甘潤, 帶有桂花嘅芬芳, 生津解渴!波子汽水

豐石板燒專門店餐單提供日本菜, 西式, 鐵板燒, 烤肉, 扒房等推介美食位於旺角區，餐廳座位數未知人均消費約$51-100，結賬可以用Visa,Master,現金,銀聯，Booking訂位可以電話致電 60961436 查詢。

您對於旺角餐廳「豐石板燒專門店」有何 comment？

豐石板燒專門店餐廳詳細資料：

• 豐石板燒專門店地址:
  旺角通菜街107號地舖
  Fungsteak, G/ F,107 Tung Choi Street, Mong Kok
• 豐石板燒專門店電話: 60961436
• 豐石板燒專門店價錢: $51-100
• 分類: 日本菜, 西式, 鐵板燒, 烤肉, 扒房
• 座位: 未知
• 付款: Visa,Master,現金,銀聯
• FB專頁: 豐石板燒專門店 Facebook

更多豐石板燒專門店相關資料:

• 豐石板燒專門店分店
• Youtube
• Facebook
• Twitter
• Google