螢壽司日本料理 旺角

螢壽司日本料理 評價 相片

在炮台山工作的我, 銅鑼灣是我常去食飯的其中一個熱門地區, 放工搭電車過去銅鑼灣最寫意, 早前去了螢壽司日本料理食晚飯.由於我不食魚生, 所以刺身一律不用預我, 我就選了其他啱自己的食品.串燒是其中我愛食的類型.串燒選擇也有不少, 最後揀了豚肉蘆筍, 牛舌和雞翼.豚肉蘆筍, 豚肉夠薄身, 所以夠腍身, 捲着蘆筍, 多了一份清新, 入口無咁單調.牛舌幾有咬口, 而鹽能帶出牛舌的味道, 所以更好味.雞翼外層燒到脆身, 略為硬了一點, 內裡的雞肉尚算嫩滑.接着, 點了雜綿天婦羅, 包括蝦, 南瓜, 茄子, 冬菇, 蕃薯.天婦羅炸粉夠薄身, 又夠鬆化. 不會蓋去了材料的口感.蝦幾大隻, 夠爽口. 各款蔬菜也幾甜.即使食了咁多天婦羅, 不會覺得個口好油.花膠雞絲濃湯手打烏冬.這是用個石鍋上枱, 所以能夠保持較長的熱度, 對於鍾意食熱野的我來講重要一環.剛才一口氣食了較濃味的串燒和天婦羅, 飲一口清甜的湯和較清的雞絲烏冬, 可以起中和作用.當中的材料相當豐富, 有雞絲, 花膠, 溏心蛋, 素翅, 木耳絲等…雞絲幾嫩滑, 而花膠本身較為淡味, 但兩者也吸收晒湯的精華, 非常好味.烏冬幾煙煙韌韌, 有點口感. 海膽芝士釀蟹蓋.上枱時已香味撲鼻.蟹蓋面放滿了芝士.內裡有帶子粒, 蟹柳絲, 入口有淡淡的芝士味, 全部都好夾, 海膽再濃一點更吸引.

今晚同老闆決定去食日本野做晚餐,朴葉蒲燒鰻魚飯鰻魚飯打開時噴出濃濃香煙。

鰻魚濃香肉嫩，鰻魚味道濃香，鰻魚汁香口惹味配上蛋絲白飯，好滿足！螢特選刺身盛，呢個係刺身拼盤真係好正啊！我覺得最好食就係牡丹蝦好大隻，入口膠質很豐好鮮甜海膽味香，味道不算太濃鮮，但仍有微微清香。

油甘魚大件而味清，新鮮入口爽口彈牙，吃出爽脆口感。

左口魚清香嫩滑啖啖肉好鮮甜，沾上柚子汁食落都幾夾幾特別。

今日又唔知食咩好 所以是但搵間野食入到去佢比左妤多張餐單我睇睇落好似好多野食咁但一望.....唔係雞扒就牛扒唔係牛扒就豬扒...咁我都諗左好耐先決定食咩我就叫左個照燒雞扒拼牛扒定食佢d雞扒都ok ge 但牛扒食落去就好粉(姐係感覺用粉整咁)d汁又少又唔夠味仲有叫左個什菜炒牛肉定食e個就好夠鑊氣好正！推介咁飲品就叫左熱檸蜜同蘋果綠荼熱檸蜜我鐘意 佢唔似出面戈d餐廳咁甜 我"吉"小小就好有檸檬味好正蘋果綠荼就不過不失啦總體黎講如果係為左醫肚ge就黎e間食啦為美食ge就.....(地方又窄)

旺角區食野, 只求醫飽肚好了@螢旺角女人街order 了 set dinner x2 , 兩個set 都好hea下可以選烏冬/ 拉麵 / 飯先有刺身, 眼見有4片都ok(沒拍相)蝦天羅有3隻, 個粉漿炸完都不好看岩岩掺掺的外表,蔬菜只有兩片炸矮瓜.....唔好睇, 但味道ok 架烏冬也只是市面上的, 不彈牙又有微酸的貨色 照燒雞套餐, 可附咖哩汁, 但好油=__=飯又不是珍珠米, 又乾身無飯香又不軟熟, 日本飺為何不是用細粒黏口的珍珠米?d小食如炸餃子,中華沙律等,也是極度hea用現成, 再加一件好細的照燒雞就給我端出來??最近外出吃到的餐廳很不滯是我要求高, 定是普遍都水準下降.....?? 是日每人消費 $80

三文魚亂切拉麵完全吾係豬骨湯味壽司飯超硬！比$100／人完全吾洗係度劣食

螢壽司日本料理餐單提供日本菜, 拉麵, 咖喱, 壽司, 刺身, 日式西餐等推介美食位於旺角區，餐廳座位數50人均消費約$51-100，結賬可以用Visa,Master,現金。

您對於旺角餐廳「螢壽司日本料理」有何 comment？

螢壽司日本料理餐廳詳細資料：

• 螢壽司日本料理地址:
  旺角通菜街2號鴻光大廈2號地舖
  Sushi Japanese Restaurant, G/ F,2 Tung Choi St, Mong Kok
• 螢壽司日本料理電話:  
• 螢壽司日本料理價錢: $51-100
• 分類: 日本菜, 拉麵, 咖喱, 壽司, 刺身, 日式西餐
• 座位: 50
• 付款: Visa,Master,現金
• FB專頁: 螢壽司日本料理 Facebook

更多螢壽司日本料理相關資料:

• 螢壽司日本料理分店
• Youtube
• Facebook
• Twitter
• Google