藤 旺角

藤 評價 相片

小店大概有10個位置，枱底有勾放袋，壽司師傅同店主員全部都係後生仔，服務唔錯。

裝修光鮮簡潔，店鋪望落幾乾淨衛生。

食完之後，今星期見佢做緊⚡️$1手卷優惠⚡️，完美miss左...✨味道82分，服務78分，環境78分。

.🔸Sushi Téng($328)⭐️廚師推介sushi set，可愛小擺設，童真少女心💕有8件廚師發辦壽司，湯，料理，甜品。

🍣先講壽司，有牡丹蝦，帶子，鯖魚，火炙銀鱈魚，火炙左口魚邊，中吞拿魚腩，加拿大海膽，油甘魚。

魚生新鮮甜美，特別鍾意食左口魚邊壽司，魚油非常豐富，好濃郁又甘香，好正。

仲有中吞拿魚腩壽司都好肥美，入口香。

🐙御料理係軟煮八爪魚，咬落好軟熟，唔係彈牙口感。

🍮甜品方面，水信玄餅晶瑩剔透似啫喱，下面有黑糖糖漿。

🐻熊仔餅後面凹位，可以盛住甜甜嘅紅豆一齊食。

🥣野菜豆乳湯，飲落好濃厚，入面有好多洋蔥同菜。

.🔸三文魚腩刺身($58/3切)⭐️🔸三文魚刺身($48/3切)三文魚腩當然更可口，入口油潤，肥美厚切。

.🔸軟殼蟹手卷($48)好大隻足料，又好香脆。

.🔸中吞拿魚腩壽司($48)⭐️一開始食過返尋味，要嗌多兩件。

.🔸三文魚親子丼($98)有三文魚，火炙三文魚，好多三文魚籽，火炙三文魚，出咗啲油，入口柔滑，正。

.🔸庭之鶯 特選OToro梅酒($58)⭐️有位女店員推介，見到入面有啲梅果肉，飲落易入口，甜甜地，好香梅味。

喺旺角返工都有成十年,今年街道上嘅舖頭變化絕對係最大嘅一年！不過少左連鎖店舖,多返d小店,作為香港市民其實係幾開心架！今日放工又去公司附近覓食,發現呢間開左只有一個月嘅日本料理！店內設計雖簡約但卻有滿滿嘅和式感！店內座位唔多,望落應該只有10個位左右！但竟然勁有食omakase嘅感覺😍除左可以一邊望住料理人處理食材,佢地亦會同客人傾偈,十分親切,不過因為本人比較慢熱,老公更是孤獨型,所以都沒有太多交談😂🌿藤 & Teng $328<寿司8貫 御料理 吸物 甜品>呢個絕對係打卡必叫啊😍首先登場嘅係野菜豆乳湯呢個湯望落去外表冇乜特別,但係一飲我就瞬間震驚了！點解可以咁好飲😍偷聽到(因為係同緊隔離枱講😂)個湯係用北海道牛奶+椰菜+腐皮煮成的！壽司分別有加拿大海膽、甜蝦、大拖羅、北寄貝、池魚、松葉蟹、金目鯛&油甘魚！佢地嘅壽司飯全部都已經調左味,所以我都無額外去點醬油,食材亦都夠哂新鮮👍🏻另外亦配有一款熟食,係已煮熟嘅八爪魚,質地好柔軟而且味道超濃郁啊😍兩款甜品分別有熊熊脆餅配紅豆蓉及水信玄餅！味道不會太甜,甜品為晚餐劃上完美句號！🌿藤の特上魚生丼 $108配料分別有甜蝦、三文魚、象拔蚌、三文魚籽、加拿大海膽& 蟹肉蟹膏,食材新鮮,CP值很高呢！🌿吉列炸蠔 $38一客有4件,外層鬆脆,內裡也不會太乾！🌿自製玉子燒 $28 🌿鰻魚壽司 $18🌿北海道帶子壽司 $18鰻魚勁大塊😍玉子燒亦非常軟綿！🌿炸吉列蝦反卷 $38炸蝦鬆脆,配上沙律醬,面頭有勁多蟹籽🤩🌿手卷店舖做緊優惠,惠顧滿$80,就可以加$1換購手卷😍內有加拿大海膽、三文魚籽&碎蔥吞拿魚！總括黎講,呢間CP值係非常高,絕對值得回頭再食😊暫時新開張就唔算太多人,不過我相信以呢個質素,不久將來一定會經常爆滿！

今晚第一次試下新開嘅立食🍣店，收工收得晏就為有外賣自取。

我去拎時門囗位小姐話因為有熟食，所以幫我分開左2袋，怕影響D🍣🍣，真係真心覺得細心😄。

今晚叫左好多嘢食藤之特上魚生丼～魚生幾新鮮，份量一啲都唔少，外觀一睇就好吸引。

藤之上壽司盛合～有三文魚，油甘魚（依件D魚有啲散,味都 ok) ，甜蝦，北海道帶子（好味）,火炙左囗魚 (👍🏻👍🏻), 海膽。

鰻魚壽司～一件$18蚊，真係好底食，件鰻魚幾大片，仲要好滑，無骨好厚肉，真係覺得自已叫太少🤦🏻‍♀️。

吉列蝦反卷～睇相以為唔大件，但完全諗錯晒！需然係一隻蝦嘅長度，但真係唔少卷😆，食時炸蝦仲暖同脆卜卜，條蝦尾炸到食埋都得，又多飛魚籽，$38蚊有依個量真係唔少嘢😆。

炸蠔（4pcs) ～蠔Size 唔算好大，但一啲都唔厚粉，啲蠔一啲都唔苦，外皮好脆，鍾意食炸物嘅朋友真係要試下。

蟹肉蟹膏手卷～真係俾其他店多好多蟹肉，一啲都唔咸，加埋紫菜同有小小味嘅壽司飯，一條真係唔夠😆。

仲有外賣筷子set 都好靚😍今餐真係好驚喜，好少見有味飯，真係連豉油都唔洗，再加上每件魚生都唔細件，價錢合理，真心覺得都底食👍🏻👍🏻👍🏻。

絕對會回頭👍🏻👍🏻

早排食完尖沙咀嗰間omakase 嗰日經過旺角見到有間新開嘅壽司店🔍見到同一個師傅 先知原來係分店嚟 真係有緣 所以又去食多次🤣.📌藤&Teng $328呢個set打卡真係一流 同其他逐件逐件上嘅omakase好唔同👀首先有壽司8貫:深海池魚,牡丹蝦,鯛魚,帶子,油甘魚,火炙金目鯛,火炙銀鱈雪,甜蝦😎個人好鍾意深海池魚同金目鯛💓湯係野菜豆乳湯🥛同媽咪都覺得超好飲 勁重豆香味 仲有少少魚嘅鮮甜味‼️仲有兩片熟八爪魚片 不過個人覺得調味濃咗少少🐙最後係甜品🍮有櫻花女玄餅 底下係黑糖水🌸隔離仲有隻好可愛嘅啤啤熊窩夫配香甜嘅紅豆蓉🐻‍❄️食完真係好滿足🥰.📌壽司火炙三文魚壽司 $9熟蝦壽司 $12鰻魚壽司 $18油甘魚壽司 $18火炙三文魚腩壽司 $28火炙金木鯛壽司 $48火炙中吞拿魚腩壽司 $48火炙大吞拿魚腩壽司 $58仲另外order咗呢幾款壽司😋全部魚生都勁厚切好厚肉 又夠鮮味😍.📌吉列炸蝦 $38炸皮超級脆 我地放到食晒啲壽司先食都冇淋到🍤個炸粉好香吉列嘅味 唔係普通嗰啲炸漿😎雖然蝦唔算好大隻 但真心幾好食👍🏻.📌明太子雞翼 $28呢款都好抵食 $30唔洗有兩大隻脹卜卜嘅雞中翼🤑啖啖肉 仲釀滿明太子 辣辣地 好開胃🤤.📌野菜豆乳湯 $38媽咪另外都自己嗌咗個湯 真係必試呢個💯雖然淨係得娃娃菜同洋蔥絲🧅但個味絕對有驚喜🥳

之前 行過幾次想試，但突然又不見他開門。

今晚終於有機會嘗試，平常我也不會 立食，怕腳攰。

而且通常都以為只有平價壽司才做立食，想不到這一間壽司令人喜出望外。

首先見推介北海道海膽壽司，果然紫菜爽脆海膽大件肥美，舌尖上感覺得到新鮮海膽上的凹凸紋。

接下來吃了自己最喜歡的鯖魚， 他們用了赤醋作為壽司飯， 由於只有我們一枱客， 自己也懶得看到手機order的餐牌，直接就請師傅介紹壽司給我們吃， 接下來我們分別吃了油甘魚，池魚，深海池魚，火灼吞拿魚腩 。

師傅特別介紹我們吃了新鮮的赤貝， 左口魚邊， 三文魚子，全部都材料新鮮手工精細。

同在我以前吃過的廚師發辦的餐廳不遑多讓。

最後還送了我們他們秘製蔬菜豆乳湯，大滿足。

期待下次去時會有椅坐。

藤餐單提供日本菜等推介美食位於旺角區，餐廳座位數10人均消費約$51-100，結賬可以用Visa,Master,AlipayHK,支付寶,現金,八達通,AE,Apple,Pay，Booking訂位可以電話致電 39053288 查詢。

您對於旺角餐廳「藤」有何 comment？

藤餐廳詳細資料：

• 藤地址:
  旺角廣華街1號仁安大廈地下24A號舖
  Sushi Téng, Shop24 A, G/ F, Yan On Building,1 Kwong Wa Street, Mong Kok
• 藤電話: 39053288
• 藤價錢: $51-100
• 分類: 日本菜
• 座位: 10
• 付款: Visa,Master,AlipayHK,支付寶,現金,八達通,AE,Apple,Pay
• FB專頁: 藤 Facebook

更多藤相關資料:

• 藤分店
• Youtube
• Facebook
• Twitter
• Google