華昇餐廳 旺角

華昇餐廳 評價 相片

昨晚下班約了同事吃Dinner 經過，入去試下晚餐,發覺件牛扒仲有冰凍感覺，咬了一口便不敢再進食了。

餐湯果然不提也罷，餐飽更加不是熱烘烘的，將牛油搽上餐飽很費力,因為牛油很冰凍很硬,而餐飽又不能以熱力溶解牛油粒。

服務果真如上述多位食家所描述，幾位男服務員像在迪士尼遊玩一樣，餐具的擺放更像大排檔般,隨隨便便大力地放下，嚇得我倆女士花容失色，事後他們還時常偷看我倆受驚後的神情，細聲講大聲笑地手舞足蹈。

我看這餐廳可能是老闆很有錢了，不然就是開這餐廳來敗壞身家，莫非是駛黑錢的？

o係旺角行尼行去,諗住搵D平lunch食,見到佢個扒餐連飲品只係$25,加$3有餐湯,餐湯飲唔飲都罷啦.叫個牛扒餐,牛扒較薄,而且好韌,就算搵刀切都有D困難,麻麻地.個薯菜只有炸薯條而冇菜,唔通佢當o個D什錦豆係"菜"?Too bad......

我第一次去食野嬲到震,呢間就係我試過第一間態度超差既餐廳。

早前夜晚我同女友第一次幫襯,最初覺得門面裝修唔錯,價格亦OK 所以入去試試,點知坐低好耐,三個年青男侍應都完全沒有招呼我倆,至收銀的女士叫佢地拎兩杯水時,其中一個侍應拎住兩杯水周圍走,完全無意識亦唔問邊一張檯,最後要我揮手及收銀出聲先拎兩杯水過黎。

我女友order食物時,該較冇戴眼鏡、年青及矮小的侍應,佢用好不滿的眼光斜視我倆,直至我怒目而視相對,佢先至稍為收斂了些少,該侍應落了單後,竟沒有為我倆的檯鋪上餐紙及餐具,我亦即時提出問題但多名侍應竟像聽不到看不到,最後亦由果位收銀女士大聲命令下,另一名侍應先急忙補上。

稍後再由果位態度其差想撩交打的侍應上菜,佢將我女友的一碟菜大大力地扔落檯,我即時又怒目相向,但佢刻意唔望我,用輕挑態度離開。

我即時大聲向收銀女士投訴,收銀女士聽到後只有默默低頭,面帶歉意但不作回應,好似怕左呢班年青侍應咁,最後仲見呢位收銀女士同佢地打成一片,不停傾偈講無聊事,對餐廳內進餐中客人不屑一顧。

另外...我女友覺得佢食的中式餐,菜入口時仲有冰凍感,好似解凍及煮熟不足。

我離開埋單時收銀女士仲對我講:「多謝!下次再黎幫襯丫~」,我就回應:「下次請我都唔會再黎啦~」。

一間食肆做得佢咁差既服務態度及質素,唔好話咒佢就快執笠,可能隨時得罪惡人俾人教訓都有機會,須知旺角臥虎藏龍,唔好見客人斯文少少就咁先得0架!

此餐廳在群記隔鄰，有次見佢下午茶幾抵，又唔收加一，於是便和男友來一試。

跟男友分別要了吞拿魚三文治和西班牙奄列兩個下午茶餐。

三文治來到，個賣相仲肉酸過我公司樓下買分，幸而佢中間有少少生菜絲，味道尚可接受，但西班牙奄列完全唔係回事，個廚師只是在弄青椒條、洋蔥條、火腿條炒蛋，蕃茄和腸都冇，真懷疑廚師知不知道甚麼是西班牙奄列，定還是要問他知不知道甚麼是奄列。

進食期間，見到餐廳落場o既侍應o係隔離大大聲講笑，又有個細恅o左o係張卡位梳化上，完全漠視顧客的感受。

埋單離開時，男友說呢間餐廳多數做不長，我也有同感，除非他們改善廚師和侍應的服務態度。

華昇餐廳餐單提供港式, 茶餐廳, 冰室等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「華昇餐廳」有何 comment？

華昇餐廳餐廳詳細資料：

• 華昇餐廳地址:
  旺角通菜街112號地下
  華昇餐廳,  
• 華昇餐廳電話:  
• 華昇餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 華昇餐廳 Facebook

更多華昇餐廳相關資料:

• 華昇餐廳分店
• Youtube
• Facebook
• Twitter
• Google