花園餐廳 (山東街) 旺角

花園餐廳 (山東街) 評價 相片

今日下午茶去到旺角嘅花園餐廳食。

.要左個蒜蓉雞扒跟意粉，再加忌廉湯、餐包同埋凍檸茶🥤仲有個黑椒牛扒意粉係朋友嘅🍝..首先忌廉湯就正常，餐包不錯，配上牛油，鹹香有味，可以一試。

.但雞扒意粉非常失望，首先雞扒無蒜蓉味，乜味都無，又偏油，意粉撈汁等於撈油，意粉偏硬無味，結果問左侍應比少少黑椒汁，黑椒汁偏重口味，比較辣。

最後又辣又油之下，放低左餐具停手唔食，幸好勝在大份，食左一半都夠飽肚。

.總括而言，非常失望

超多血水 肉質鬆散 好似霉左一樣 牛肉表面好似畀狗咬過咁 同朋友一齊食呢個餐 佢果份完全無如何問題本身唔想post出 但服務員姐姐態度讓我非常氣憤 我同佢講 舊肉好似霉霉地 是否解凍太耐 然後對我不理睬 然後我話可以撿台 佢話唔得閒 擺住先

好耐無食過花園餐廳，琴晚去咗食，環境極度差，員工感覺好邋遢，有個員工行過黎寫單已經聞到好臭，仲有個員工啲頭髮嗻到成塊面，感覺D頭髮會跌落去D餐度，廁所勁污糟，成間餐廳已經冇咩客，啲衛生都係咁差。

見到咁已經食得唔開胃，連我7歲小朋友都嫌棄話下次唔好再來食。

從來唔寫食評的我都忍唔住要上來分享下。

3Combo mixed grill 特色海陸空鐵板 $118有肉眼牛扒、香草燒乳鴿半隻同埋新鮮嘅大虎蝦🦐🥩牛扒嘅牛肉味新鮮同唔太韌，有啲似牛柳咁都幾嫩滑，燒乳鴿好大夠，啲肉好肥美外皮烤到脆脆地好香口，味道唔錯！但係隻大虎蝦相對普通，唔係太過入味同整體味道有啲淡，有少少失望白汁天使麵就分開上，天使麵煮得太耐口感麻麻地，但係成個餐嘅份量好大，性價比都勉強可以可能因為係平日嘅夜晚關係，店入面都相對忙碌，侍應好多時候會即刻收晒啲嘢暗示要走人，感覺唔良好

今日同屋企人一早去旺角附近行見到其他餐廳都未開門就食花園餐廳 （11點就開 真在太好了 唔洗等位就有得食 ）一入到餐廳 人唔算多 揀左個卡位坐 環境都算舒服 唔會太逼 午市套餐好抵食 $73据到扒 仲有餐湯 餐飲算係咁啦😌😌 我地叫左兩個鐵板餐 （一個美國西冷牛扒 一個肉眼牛扒）西冷牛扒 中晒伏 🥲 肉眼牛扒 係好食😋鐵板餐 （西冷牛扒）$73 個人不太建議再食呢個西冷牛扒已經叫左五成熟 但肉質仍然超鞋 超un 咬到牙都攰 牙力大挑戰 😑 鐵板餐 （肉眼牛扒）$73呢個肉眼牛扒 都係叫五成熟好明顯呢個好食好多 肉質夠juicy 軟滑 但都係多筋 不過平民價錢 呢個質素算唔錯😋😋👍🏻而胡椒汁味道不錯 仲有薯條及少量菜 份量十足 夠食 仲有剩服務態度👍🏻👍🏻 侍應好細心 送餐速度迅速 又會提我地要打開餐紙 避免啲汁彈到啲衫

花園餐廳 (山東街)餐單提供港式, 扒房等推介美食位於旺角區，餐廳座位數未知人均消費約$101-200，結賬可以用Visa,Master,AlipayHK,支付寶,現金,OpenRice,Pay，Booking訂位可以電話致電 27811831 查詢。

您對於旺角餐廳「花園餐廳 (山東街)」有何 comment？

花園餐廳 (山東街)餐廳詳細資料：

• 花園餐廳 (山東街)地址:
  旺角山東街38號2樓
  Sweetheart Garden Restaurant (Shanton Street), 2/ F,38 Shanton Street, Mong Kok
• 花園餐廳 (山東街)電話: 27811831
• 花園餐廳 (山東街)價錢: $101-200
• 分類: 港式, 扒房
• 座位: 未知
• 付款: Visa,Master,AlipayHK,支付寶,現金,OpenRice,Pay
• FB專頁: 花園餐廳 (山東街) Facebook

更多花園餐廳 (山東街)相關資料:

• 花園餐廳 (山東街)分店
• Youtube
• Facebook
• Twitter
• Google