紫荊海鮮酒家 旺角

紫荊海鮮酒家 評價 相片

今日Lunch time,我和公司的同事一起到這酒樓飲茶.今次是我第二次來這間酒樓,怕lunch time時間太緊迫,所以一早便訂了枱. 誰不知,他給了我最埋牆的枱,坐低便聞到一些"縮縮地"既味. 衞生方面,馬上給我減分.由於我地班同事都說,天氣開始凍,想食"煲仔飯",所以揀了三個煲仔飯. 有鳯爪排骨飯,咸魚肉餅飯,及滑雞飯,每一煲價錢是 $23.80.這三個中,最好味的是滑雞飯. 其他點心也是不過不失,和普通酒樓差不多. 但唯獨是碗仔翅,雖然是$4.80,但我班同事見到這碗仔翅樣子是這樣,個個笑住話"邊個叫既就要食哂佢". 而叫個果的是我. 唉,雖然是$4.80,但又真係幾難食. 街上的碗仔翅好味10倍.

噚晚去食自助火煱, 唔知係咪重係新年呢, 又唔送湯底, 又冇嘢飲, 啲嘢食就不過不失啦... ok的 蝦丸(好味, 要試吓), 肥牛, 竹笙, 生蝦不使試的 水餃, 豬生腸, 糖水服務 1個字 差都算幾貴, 又唔係太多嘢食, 下次唔會再去lu

同男朋友屋企人食團年飯,雖然係人地請我食,不過都要上來呢到講講...1.0的食物味道麻麻啦...隻雞唔多熟的...重有血水...2.乾淨嘛...我用個杯有洗唔乾淨既唇膏印...3.服務...態度就真係麻麻地,條路明明有小朋友係到都可以照叫人借借,唔可以行第二邊咩!?!?所以...唔好講自己比錢,下次都係請我都唔去了...

25/3(日) 7pm祭祖後的晚餐,選址於此,同樣乃最高領導人之意旨,皆因親戚們屬這區街坊.舉家9人被安頓於靠窗的大圓桌,環境企理,燈光通明,第一印象良好.經過一輪費煞思量鑽研陣容鼎陣,大包圍的菜牌後,點了六人套餐$528:鮑絲瑤柱羹,蟹肉竹笙扒豆苗,脆皮燒鵝,清蒸老虎斑,西蘭花珊瑚蚌象拔蚌,魚露焗海蝦,紅豆沙湯圓;另加數道菜色:片皮鴨$38,海味什菜煲$33,玉環瑤柱甫$38,芒果糯米糍$4.8,芒果布甸$4.8,椰汁西米糕$8,泰式馬豆糕$8,松子奶皇包$4.8.鮑絲瑤柱羹質感水汪汪;鮑絲,瑤柱,韭黃,筍絲索然無味,食味欠佳!蟹肉竹笙扒豆苗蟹肉頗鮮味,口感實在,竹笙軟滑,豆苗嫩口!脆皮燒鵝重量級份量,唯肉質偏嚡帶羶,味道不討好!清蒸老虎斑賣相雖不具睇頭,肉質倒鮮嫩滑溜!西蘭花珊瑚蚌象拔蚌雙蚌皆爽口鮮甜,西蘭花味道也可以.魚露焗海蝦全屬蝦蟆size,但肉地爽甜且惹味,兩小老表一手包辦!片皮鴨脂肪比例恰如其分,咬落算得上皮脆肉嫩;海味什菜煲珊瑚蚌,鮮魷,蝦仁,西蘭花,菜心,唐生菜等材料加入上湯同煮,配料新鮮,弊病是湯頭油份過重!玉環瑤柱甫五元硬幣般大小的瑤柱雖未夠極有咬口,以量取勝;花菇食味尚可,節瓜清甜而汁液澎湃.芒果糯米糍硬實得很,芒果味的餡料呈繃緊固體狀,恍如雪了一世紀!芒果布甸質地滑溜,唯芒果粒不多.椰汁西米糕,泰式馬豆糕凡庸的兩味!松子奶皇包包身未見鬆軟,奶黃亦然;不夠幼滑.紅豆沙湯圓紅豆沙略起沙,甜度過甚,沒餡湯圓味道質感單調沒驚喜!價格乃此店一大賣點,點至一抬菜才九百多元;平民化得很呢!侍應對街坊食客也友善有禮;求果腹多於食味的話,一試無妨!

紫荊海鮮酒家餐單提供粵菜, 廣東, 點心, 酒樓等推介美食位於旺角區，餐廳座位數未知人均消費約$51-100，結賬可以用Visa,Master,現金。

您對於旺角餐廳「紫荊海鮮酒家」有何 comment？

紫荊海鮮酒家餐廳詳細資料：

• 紫荊海鮮酒家地址:
  旺角上海街664號地下至1樓
  Bauhinia Seafood Restaurant, 664 Shanghai Street, Mong Kok
• 紫荊海鮮酒家電話:  
• 紫荊海鮮酒家價錢: $51-100
• 分類: 粵菜, 廣東, 點心, 酒樓
• 座位: 未知
• 付款: Visa,Master,現金
• FB專頁: 紫荊海鮮酒家 Facebook

更多紫荊海鮮酒家相關資料:

• 紫荊海鮮酒家分店
• Youtube
• Facebook
• Twitter
• Google