私”私房菜 旺角

私”私房菜 評價 相片

第—次去還可以，所从有第二次。

但係環境似去飲禁嘈，想静少少食餐飯都難。

另外果个公關似的阿嬸走全埸搭訕，煩死！食物方面失望，訂了魚腩比下巴，雞整法味不够，红荳沙太甜，芝麻餅太油，数之不盡。

唉，又吾聴意見只social老闆，太吾掂。

食物和環境係私房菜賣点，呢间舖只重表面，吾領會怎留客，冇野講

因為呢間私房菜而令我第一次寫食評~因老公生日所以上openrice search到呢間新開嘅私房菜~雖然得兩個食評，但見到d comments都幾好~所以決定帶老公黎試下~早幾日book枱，店主Annie好有心一早whatapp confirm booking~知道我大肚又會因應我嘅需要而設計菜單，喺訂枱前早一兩日send張菜單confirm~咩都有商有量！！令你未食都覺得安心呀！核桃炒得好香脆，加埋杯茶，正！！！呢個姫松茸螺頭竹絲雞湯，不得不讚！！！清蒸龍躉，好多骨膠原家鄉炒飯芝麻餅呢餐生日飯我老公都好滿意~激讚！！！價錢都好合理！！最重要係店內無論店主同staff都好健談好好客！！！係一間好有誠意同質素嘅私房菜~下次一定會帶屋企人黎再encore

冬至剛過，聖誕臨近，XO仔與兩位因Openrice結下緣份o既好友K哥同契妹相約聚餐，實行一邊試食，一邊慶祝！正當大家為地點而懊惱時，小肥從老闆口中得知佢最近被邀請到旺角一家開業不久o既私房菜，其菜式都帶點fusion，相信好啱我地班年輕人口味。

因餐廳只接待預先訂座之食客，老闆更借出卡片，以便XO查問詳情；接過卡片後，先知原來店名正正就係多咗一個「私」字o既「私，私房菜」！上網查核過後，發覺餐廳於Openrice上未有食評，我地OR三人組就決定應老闆推介，一試「私，私房菜」。

負責訂位o既XO先以電話聯繫卡片上嗰位Annie姐姐。

傾咗兩句，知道細佬第一次幫襯，佢就好有耐性地解釋其工作不單只訂座留位，其實仲包括為客人寫菜單，價格一般為$380一位，另加一服務費。

因為食材有分季節，又要迎合食客不同需要，務求熟客再次光顧時又有新鮮感，Annie姐姐每次都會因應而調節，寫出不同菜單，再以whatsapp與客人確認。

既然係第一次幫襯，大家就由Annie姐姐作主！「私，私房菜」位於人流勁多o既旺角，XO仔真係估唔到收工坐地鐡，喺金鐘轉車要等成五班車。

旺角站內、站外更擠滿人群，相信出油麻地站應較為好行，不過舒適起見，建議大家都係選搭第二種交通工具方為上策。

有K哥帶路，餐廳並不難搵，大廈正門有條自動電梯，更覺顯眼。

上到十七樓，一出升降機即達餐室之正門。

步入玻璃大門，眼見天花、牆身、四周都擺放住雀籠、屏風、竹簾及雀鳥擺設，彷彿踏進雀鳥叢林，被一鼓隱藏住o既詩氣籠罩住咁。

餐廳一眼望哂，只有六張大小不同o既散座，五十個座位左右。

最大嗰張枱可坐十六人，如有所需，更可拉出玻璃屏風間出房間，增加私隱度；屏風與屏風間有門洞，天花並非密封，最緊要係開瓶費全免，而且不設最低消費，包場則另作商議。

小肥求知欲強，所以就襯契妹未到，店舖又未坐滿人時，向哥哥仔套料。

飯店名為「私，私房菜」，重點為「私」，可解作「私人飯堂」、「私房菜式」等。

正如其名，餐廳以私房菜方式經營，哥哥仔更詳盡講解私房菜o既演變過程，因為實在太精彩，希望XO仔在此簡短複述唔會有太多遺漏。

據悉，私房菜源於八十年代，同鄉們聚於家中享用家鄉餸，亦即「私房菜式」，後及連帶朋友一同分享，並開始將其商業化；九十年代，因市道唔好，餐飲業為減低成本，紛紛於樓上舖搞無飲食牌之私房菜，菜單必先預設且以人頭計；到咗二千年左右，因衛生問題，政府終立例管制私房菜，不許無牌經營。

現「私，私房菜」集有八十年代o既私房家鄉菜色及私人地方、九十年代o既樓上舖位及預設人頭計菜單、二千年後必須領取o既飲食牌照於一身，再連同老師傅新研製o既烹煮秘方重新演繹，聽完典故都已教人心動口郁！說畢，Gary哥哥隨即雙手送上滴骰竹簡卷軸。

竹面刻有「朱子家訓」o既卷軸內有乾坤，打開一看，原來係以毛筆手寫之菜單！入座不久，其實Gary哥哥已呈上熱茶及合桃小食，只係我地掛住傾計，未有機會食。

哈，契妹真係犀利，一咬就食得出帶有少少薑味o既合桃乃師傅鮮製而成，香脆醒胃。

未幾，餸菜亦非常有文化地續一上枱，食客無需擔心食物會因擺放太久而冷卻。

此外，細心o既Gary哥哥不時會為我地替換碗碟，服務周到得很。

為聖誕大餐打響頭炮o既「蟹子金錢百寶盒」，金黃色o既外皮香脆鬆化，毫不油膩，中層o既荔蓉軟滑且唔溜，盒心o既帶子濕潤軟嫩，加上鮮甜惹味o既蟹子同蟹粉調味，成功獲得我地三隻手指公！生拆鮮蟹肉釀蟹蓋：蟹季期間，廚房每日新鮮生拆蟹肉，煮製出不同菜式，當中以此味蟹蓋最受歡迎，Gary哥哥更自誇此乃全港最美味之蟹蓋；大家食完都有同感，當然係容佢張狂啦！蟹蓋面以微燶o既芝士薄層蓋頂，輕巧香脆。

蟹蓋餡更為一絕，蟹肉絲、雞肉絲、菇絲、芹菜絲、洋蔥粒、蘑菇粒等都切得非常幼細，當中最突出應為橙黃色o既蟹膏，盡顯食材豐富足料。

熱辣辣o既蟹蓋不但面層香脆，無需點上任何醬汁，每口都已經充滿蟹肉o既鮮甜味，又帶丁點兒咖哩辣味刺激味蕾，食完一大隻亦未有一絲滯感，個人覺得比米芝蓮三星食肆所造o既蟹蓋絕對有過之而無不及！姬松茸螺頭燉竹絲雞：雞湯燉足五小時，效果清甜，以其姬松茸菇味及螺頭之鮮甜味最為濃郁，足料火候夠，K哥話齋「又暖又補」！清酒煮鮑魚：鮑魚上枱第一刻，醇厚o既清酒香味撲鼻而來，喺無酒沾肚o既情況下，XO仔已經醉咗兩分，而清醒o既契妹則不斷讚賞菜式！有少少透明o既鮑魚啱啱熟，質感超級軟腍嫩滑，味道清甜香濃，而且白雪雪o既鮑魚身上並無任何內臟痕跡，美味又衛生，令人食得好放心！陳年花刁醉鴿：醉鴿深色o既外皮看似為滷水鴿，但入口一陣清醇o既花雕味卻表明自身為醉鴿。

契妹講得真係有道理，醉鴿一般酒味濃得黎會「kang」，如果真係用陳年花雕煮製理應猶如「私，私房菜」版一樣，只會覺得醇濃而不「kang」。

松鼠魚：熱辣辣o既松鼠魚肉質軟嫩，炸皮香脆，酸酸甜甜o既醬汁醒胃且稀杰適中，其實好唔錯，無奈魚隻屬三人份量，故比較細條，未能造出松鼠捲起之形態。

蟲草花杞子浸豆苗：青菜本不是小肥愛好食品，但眼見豆苗翠綠幼嫩，契妹同K哥又同聲大讚甜美，所以就姑且夾咗兩著，點知食落真係一啲青草味都冇，結果仲清埋隻碟添，好味程度不言而諭。

蟹粉稻庭烏冬：因為之前兩味鮮蟹菜式同為出色之選，大家都非常期待此道蟹粉烏冬。

雖然食到單尾，但係精彩程度無減，大大碟o既烏冬面上淋滿蟹粉芡汁，足料份量以令我地三人嘩嘩大叫。

食埋落口，仲差啲感動到想喊添，因烏冬麵條軟身而彈牙，猶如意粉之al dente狀態，芡汁香滑，蟹粉更加係鮮甜無比，係無可置而o既一百分！私房芝麻餅：甜品有二，一熱一冷，前者為師傅每日新鮮手搓之芝麻餅。

其餅皮香嫩軟熟，芝麻並烘得香脆，豆沙餡微甜且不嚡口，一人一小三角絕不膩口，值得一試！意大利雪糕：雪糕口味有三，分別為榴槤、豆腐及熱情果，我地三款叫齊。

XO所食o既熱情果味清甜醒胃，配上伴碟o既芒果爆珠更覺熱情洋溢，亦為聖誕聚餐劃上一個完美o既句號！晚餐到咗尾聲，人客亦走咗一大半，Annie姐姐又再上前道謝及閒聊。

講起先知原來餐廳共有四位合資人，佢先生同Gary係其中兩位，另外喺店內忙於招待客人o既Lauren亦為合資人之一。

Gary哥哥不但毫無架子，事事親力親為，每日更為食客手寫菜單，集百般武藝於一身，原來貴為店主之一，真係失覺哂！幸得公司老闆介紹，XO仔今年能夠與兩位食家好友於「私，私房菜」以中式聖誕大餐慶祝佳節，一邊品嚐佳餚美饌，同時又能從店主Gary哥哥身上學懂不少飲食心得及私房菜歷史，果真獲益良多！今時今日，可以$380加一享用一頓高質海鮮私房菜，欣賞到老師傅了得o既廚藝功夫，實屬難得的抵食，亦難怪網上雖未有一編食評，但全店滿座，更成功贏取小肥給予「良心食肆」之美譽！後記：感激K哥於飯局中送贈之聖誕朱古力，細佬當真驚喜萬分！

佳節當前，英雄與超人是時候相聚一刻大快朶頤。

大家都想試一些新店，看看水準如何。

雨傘褪下，旺角街頭再次暢旺起來。

之前OR的頭版經常呼籲大家續撐旺角小店，仮面與眾英雄當然願意出錢出力。

今次飯局就選址一間旺角新開的私房菜館。

旺角區雖然食肆眾多，但其實做私房菜的食店十根指頭已能數完。

食店就在信和中心旁邊的旺角新城。

旺角新城樓高廿多層，有食店及其它零售百貨店在此營業，出入都要靠電梯，故此人多的時候等候乘搭電梯可需要一段時間。

旺角新城樓層面積不大，食店雖然佔了整個樓層，但其實內籠只可容納五六十個座位左右。

當晚食店擺放了大，中，小枱各兩張，已差不多去到食店最大的待客量。

沒有瑰麗堂皇的裝修，食店隨負責人的個人喜好而佈置。

甫進食店，放眼盡是雀鳥跟鳥籠的掛飾及擺設，不知負責人是否喜以弄雀為樂，或是風水陣的特別安排.....餐前小吃是自家製琥珀合桃。

合桃炸得金黃脆口，令人忍不噤口很快把整碟扒光。

食店提供餐酒，不過暫時選擇不多。

食客可自攜餐酒，不需另收開瓶費用。

入坐不久，店方便遞上一精緻竹卷軸，英雄們還以為是甚麼失傳武林秘典。

打開一看，原來正是今晚宴會的菜單，原來食店有書法高手！其實該晚所有菜式在預訂座位時已一早跟店方溝通好。

以私房菜形式經營的食店，好處是較有彈性，菜色會隨季節改變，亦都可按客人的要求作出改動，一切有商有量。

我們這頓晚飯（每位 $380)便有機會嚐到一些較有特色的手功菜。

蟹蓋內釀滿漲卜卜的餡料，上面一層微焦的芝士，賣相相當不錯。

褪開薄薄的一層芝士，可以看見內裡豐富的用料。

一絲絲的蟹肉份量十分充足，內裡的蟹肉都是師父手拆鮮蟹製作，然後再混上咖哩及切得細碎的芹菜粒，菇粒，洋蔥粒及雞肉粒同焗。

每口都吃到鮮甜的蟹肉及微微的咖哩辣勁。

其他食材亦令成品口感更為豐富，且中和了滿滿蟹肉的飽滯感。

是一道很精采的菜色。

據師傅所說，這道湯用上五個小時炖製。

炖湯以姬松茸，螺頭及竹絲雞餚製。

先看看湯渣的份量便可估計到湯的味道會是多麼濃郁。

所有的食材精華都融入這碗湯內。

湯清而味濃，充分吸收了松茸及螺頭的鮮甜。

暖胃又滋補，很適合在這入冬的時間進用。

喝罷整個人立時精神了不少。

正統的松鼠魚，成品應該要看到蓬鬆如松鼠尾巴形狀的魚肉。

但要做到這樣的效果，便需要一尾較大的黃魚。

奈何今次用餐的人數太少，食方只能安排一尾較小的黃魚給我們，不能一展師傅的花刀功架，成品跟想像的松鼠魚有點落差。

撇除賣相，松鼠魚本身做得不錯。

魚肉經油炸後仍然保留鮮嫩度。

從魚身的熱度，可以知道食物差不多是離炸鑊後立即上桌，新鮮熱辣，火喉十足。

甜酸醬汁亦做得濃淡得宜，如果魚身可以炸得更脆口會更覺惹味。

要做出不油膩的炸物頗考功夫。

食店這道菜色做得稱職。

單看菜色名字並不會知道會吃到甚麼食材，就讓超一帶大家一探究竟。

用刀切開，原來炸物以荔茸，帶子及蟹粉作餡料製作。

荔茸本身固然做得軟滑，令人意外的是內裡的帶子一樣軟腍，好像跟荔茸融為一體那樣。

師傅十分掌握煮炸食物的時間，帶子仍能保持著剛熟未熟的軟嫩度。

整個寶盒外脆內軟，內裡的蟹粉固然能為寳盒帶來多一份鮮味，就連外面的蟹籽也是脆卜卜可口非常。

食品上桌時已聞到濃濃的酒香。

鮑魚雖然不算很大隻，但總算型態飽滿。

食店有供應刀叉給食客進食鮑魚。

與之前蟹子寶盒內的帶子一樣，鮑魚一點不會煮得過老，肉質鮮嫩彈牙，且吸收了清酒香氣。

師傅煮海鮮的功力十分深厚。

印象中醉鴿通常都是直接用清水煮熟再加入中式酒以調味。

這兒的醉鴿是先用鹵水煮過才再與花刁酒同煮，所以棕色的醉鴿既有鹵水味亦有酒香味，一鴿兩味。

豆苗用上湯泡煮後仍然嫩綠如新鮮蔬菜。

豆苗爽口鮮甜。

之前吃太多美食，是時候來點素菜幫助消化。

不知是否當造期已過，看不見蟹粉上黏有很多的蟹膏蟹黃。

但當看見整碟的烏冬上鋪滿厚厚的蟹粉，相信沒人會有太多的投訴。

烏冬本身彈牙烟靭，與香滑的蟹粉拌勻後更覺滑溜。

每口烏冬滿掛蟹肉鮮甜味，絕無冷場。

到了甜品時間，有一冷一熱的甜品恭候。

食店極力推薦的甜品。

驟看普通的甜品，但原來甚不簡單！芝麻餅皮是師傅自家親手搓製，餅皮口感軟綿似有還無，豆沙餅餡甜而不膩，真不是外邊輕易吃到的秘家製作。

此甜品一定要趁熱吃，不然口感會大打折扣。

有三種口味選擇，超一選了豆腐口味。

原先以為意大利雪糕應有gelato般的幼滑口感，但雪糕質地比想像中來得要硬及實，時間許可的話若能把它先在室溫待一會再進食口感應會更佳。

整頓晚飯水準上成。

能在旺角地區吃到如此價廉質高的中菜， 大家都喜出望外。

題外話:趁上菜的空檔時間跟負責人聊了一下，原來食店已開張了差不多五個月，先陣子佔旺時期亦真捱過不少苦頭，慶幸今晚座無虛席。

食店其實還有其他秘寶名菜（例如八寶鴨），不過十人以上飯局才能有機會一試。

有真功夫長線便一定可以站穩陣腳。

還望小店繼續發光發熱。

另外亦趁機瞭解一下食店名字的由來。

負責人說了一段古給我們聽。

根據自己的理解，"私房菜"是香港八十年代興起的飲食概念，大抵是一班朋友閒時在樓上舖舉辦的飯局，屬於小圈子活動。

當把 "私房菜" 看成一種跟 "圍村菜" ，"宮廷菜" 等概念差不多的稱呼時，食店的名字其實就很簡單只剩得一個字: "私"，本意就是希望食店能為食客帶來一種很personal很私人隨意的感覺。

訪間着實有太多掛羊頭賣狗肉的私房菜館。

食店將來開分店時可考慮把分店名字喚作 "真. 私房菜"。

普選都可以有真假之分，私房菜都要申明真偽，以免被人詬病貨不對辦。

您對於旺角餐廳「私”私房菜」有何comment？

私”私房菜餐廳詳細資料：

• 私”私房菜地址:
  旺角彌敦道594-596號旺角新城17樓
  Private Kitchen, 17/ F, Mongkok Metro,594-596 Nathan Road, Mong Kok
• 私”私房菜電話:  
• 私”私房菜價錢: $201-400
• 分類: 粵菜,廣東,私房菜,
• 座位: 60
• 付款: Visa,Master,現金,銀聯
• FB專頁: 私”私房菜 Facebook

更多私”私房菜相關資料:

• 私”私房菜分店
• Youtube
• Facebook
• Twitter
• Google