福苑火鍋海鮮酒家 旺角

福苑火鍋海鮮酒家 評價 相片

不知所謂的侍應(光頭男人)，賤到爆，黑人憎，投訴冇人理，事原係我12人，叫佢換枱話冇枱，但全場只得幾張枱有人用，佢叫我自己加枱不突止，仲要自己搬，之後我吔因之前已落單，所以点都要食d，食物唔新鮮，湯底似水淡如冇味，埋得仲要收服務費，當然我吔唔会比啦，因為完全冇服務，福苑都接受我吔唔需要比加一服務費，以後都唔會去

靚女C介紹呢度食大閘蟹只係$38，而且海鮮好味又抵。

當造季節，一個月左右去咗3次，每次去啲大閘蟹每隻至少4.5兩仲要爆膏。

聖子$78有4隻鮮甜爽彈。

豉油蝦$78肉實淨超級惹味份量多。

龍蝦烏冬啲龍蝦幾鮮味。

蒸鮑魚、扇貝略細蒸得略過火。

炸嘢出色：炸鮮奶、炸生蠔、炸魷魚鬚、炸九肚魚全部冇過油又外皮鬆脆。

前菜小菜如海蜇青瓜、南瓜芋頭煲、京都骨、粗齋煲、片皮鴨、滷水鴨舌幾好。

腩仔唔熱唔脆可不試。

每次食海鮮小菜每人約$200內。

後嚟呢區亂亂哋，我哋就轉咗場去同集團嘅“金都國宴”lu。

同朋友在附近做完野上來食六點上到來無乜人兩個人坐張大抬叫咗隻片皮鴨兩食除了片皮外，就是京葱炒鴨肉睇住成隻鴨放在枱面上職員帶上手套一片片皮切都吾使五分鐘已經切好不過切得都好大片，皮痴住好多肉反而我覺得咁仲好，食落不單只有口感而且感覺吾會咁肥利D皮充滿光亮油脂十足食落口，D油由咀邊流出連同D粉皮夾蔥段再點D蠔油香口得來，而且彈性韌度十足十分有口感，應該話爽口京葱炒鴨肉，呢個就麻麻地一早預咗，基本鴨肉本身比較鞋所以食那些京葱仲香囗反而我喜歡直接斬件上可以食番鴨肉的原味可惜片皮鴨通常廚師把握燒烤程度大概八至九成熟每次切時鴨肉時頗為生所以兩食通常都要再次過爐鹿肉肉骨茶是連同一個媒氣爐上一路煲住一路食除了有多條鹿肉排骨藥材方面有紀子，當歸同紅棗所以當蓋打開時即刻聞到好香味份量都可以，肉質都夠淋味道就是一般燉湯D肉味不過最主要都係煲耐D飲果D湯，而肉就食咗少少另外朋友叫咗個紅燒豆腐炒小棠菜我食少許味道不過不失，沒有甚麼特別只不過食太多肉質食物加個菜清清地總結呢度的出品都幾好兩個人食咁多野，埋單三百三算是幾低，有機會再光顧

久不久都來這裡，今晚同個朋友嚟通常都選擇幾張精選特價紙今晚有成四五張，樣樣都想試叫咗一個鹿肉骨茶，粉絲蒸聖子皇龍躉兩味，翡翠炒球同清蒸頭腩鹿肉骨茶連一個火爐一齊上份量是好大煲的，加熱後即食有好香的藥材味，像當歸的香氣紅棗，及某些不知名藥材鹿肉有好多舊，像肉排的樣子蚊得好淋，聽講食鹿骨茶仲好補身龍躉兩味翠肉瓜正常地爽龍等球片有十多片，片片厚切圖片朋友已經食了兩片我先影的的確好大舊，魚肉好滑嫩亦好鮮味蒸頭腩同蒸聖子皇都好普通不作介紹不過都有影下相片給大家欣賞咁多様嘢，飯後送西瓜一碟埋單都係四百元有找，尾數當然吾找做貼士仲有得食鹿肉骨茶（本人從未試過）今晚都係第一次，而且十分好味今晚認真超哂值，我同朋友都話好兩個人食到好飽，我唸隋時加個菜夠三人食如果真的三個人平均埋單仲更低潻其實仲有多款孖寶餸亦好吸引，所以經常幫襯提外話見到九點後特價半條象拔蚌$150不過要食火鍋先可以選用，真係心思思想必找日試試，一路寫食評一路回味吧

放工同兩個同事食晚餐乳豬骨當小食堂食乳豬頭尾普通野冇乜特別沙巴龍躉兩條好鮮，有唸都足一斤條好滑鼓油調味好好，鮮甜味美龍蝦好爽，不過肉少咗D，上湯味道可以伊麵淋咗少少亦可以接受煎大連鮑魚，好爽好實而且鮮味十足呢間成日都有特價海鮮今晚每人不過一百七十元咁多野其他菜式都吾算貴，所以好多時收工都費事返屋企煮飯，直頭係度開餐仲低

福苑火鍋海鮮酒家餐單提供粵菜, 廣東, 火鍋, 點心, 酒樓等推介美食位於旺角區，餐廳座位數未知人均消費約$101-200，結賬可以用Visa,Master,現金,AE,銀聯。

您對於旺角餐廳「福苑火鍋海鮮酒家」有何 comment？

福苑火鍋海鮮酒家餐廳詳細資料：

• 福苑火鍋海鮮酒家地址:
  旺角西洋菜南街51號友誠商業中心2-3樓
  Fuk Yuen Hotpot Seafood Restaurant, 2/ F, Yau Shing Commercial Centre,51 Sai Yeung Choi Street, Mong Kok
• 福苑火鍋海鮮酒家電話:  
• 福苑火鍋海鮮酒家價錢: $101-200
• 分類: 粵菜, 廣東, 火鍋, 點心, 酒樓
• 座位: 未知
• 付款: Visa,Master,現金,AE,銀聯
• FB專頁: 福苑火鍋海鮮酒家 Facebook

更多福苑火鍋海鮮酒家相關資料:

• 福苑火鍋海鮮酒家分店
• Youtube
• Facebook
• Twitter
• Google