真‧章魚無雙 旺角

真‧章魚無雙 評價 相片

真·明太子拼黑松露章魚燒 $36（6粒）·店入邊有文宣嘅小黃店💛我哋喺1樓食完野 行咗陣街之後就上咗2樓 佢呢個章魚燒都幾多味 幾特別 鍾意佢+$2有得雙拼 咁就可以試多好多味😍😍佢入邊係真係有一舊都幾大舊嘅魷魚鬚都幾有誠意 不過我自己覺得佢有啲太多醬 雖然入味既 但係真係有啲太多 而且佢個章魚燒都幾多粉所以都幾飽🙊😂😂·📍真‧章魚無雙(旺角彌敦道688號旺角中心1期2樓SB02號舖)·#rbyeat#rby小黃店#rby旺角#rby日本菜

今次就來到旺中掃街啦😍 第一站就來到呢間食章魚燒 宜家冇得去日本旅行食 就起到過下口癮先🤪 每一個order都係即叫即整 新鮮熱辣🔥~~🐙 大阪風+明太子章魚燒 (8粒) $39呢間款式都幾多選擇 我就叫左雙拼 要加$2章魚燒都幾大粒 每一粒都好飽滿☺️ 表皮香脆 中間粉漿唔會太厚 仲食到粒粒章魚 質感好彈牙👍🏻大阪風味道正宗 有齊燒汁 沙律醬上面仲有好多木魚絲😋 明太子味好濃 上面鋪滿明太子醬😍 但略歉鹹左啲~~總結1）高質章魚燒 值得支持

首先, 之前幫襯過一次, 味道好, 大約等左10分鐘, 完全可以接受咁今日12:15去到, 未開, 合理, 因為google睇到係12:30先開, 最後12:40先開始落單, 唔緊要, 備料或者送貨可能會有d時間誤差, 12:43落完單, 叫左一個雙拼明太子同蟹膏八粒, 阿姐問係係度食定拎走, 我話拎走, 佢話要等34個字, 咁我都ok, 小問題終於叫單, 我係1號, 阿姐係分唔清乜嘢打乜嘢, 指住盒堂食ge比我, 我話我外賣wo(重複左3次), 咁最後佢比左一盒外賣ge比我, 我行到一半, 覺得咁細盒ge, 打開睇, 係一份單拼6粒, 行返轉頭, 問佢發生咩事, 當然係阿姐出錯啦, 結果要再等多5分鐘先有, 但阿姐係無講過唔好意思亦無解釋過咩事就算你係黃店, 我都唔會幫襯第三次

好耐冇食過章魚小丸子～ 對佢嘅印象仲停留緊123蚊6粒嘅階段😂 去到見到好多人排當然唔執輸一齊排埋😗 又唔錯喎～～🍡 真·大阪風章魚燒 $29/6pcs 章魚燒🐙熱辣辣整好，加上大量醬料，每粒章魚燒都食得出有章魚粒～ 佢外表有少少脆，一咬入去就食到粉漿撈章魚加醬料，好夾呀😙😙😙😙平時試新嘢我都比較保守會揀原味，但呢間試過後我絕對會想試吓其他味，黑松露同明太子都好想試🤤🤤🤤🤤🤤🤤🤤

提起一站式黃店集中地，葵芳有葵廣，觀塘有駱駝漆，深水埗有西九龍，旺角就當然係旺中啦。

今次幫襯呢間係食章魚燒，一共有十二種味道，分六粒裝同八粒裝兩隻 size，我一個人食，六粒夠哂數。

揀咗店家推介嘅 “真 • 蜜糖芥末章魚燒”，由於即叫即製，加上顧客人數多，所以要有心理準備，等嘅時間會比較耐，不過我會同你講，等係值得嘅，因為章魚燒好足料，好好食。

以前喺日式超市 food court 食嗰啲章魚燒係成嚿粉咁樣，入面啲章魚粒硬掘掘，似足擦紙膠😂；呢度嘅就軟身好多，用嘅係切咗頭嘅原隻八爪魚仔，味道較新鮮。

不過，食章魚燒最重要嘅，就肯定係個醬汁，我揀嘅蜜糖芥末醬，甜味辣味調配得宜，配埋木魚碎同海苔粉一齊食，滋味無窮😋，食下一粒食下一粒，唔夠幾分鐘，六粒就咁俾我 KO 哂🤗。

真‧章魚無雙餐單提供日本菜, 小食店等推介美食位於旺角區，餐廳座位數未知人均消費約$50以下，結賬可以用現金，Booking訂位可以電話致電 60564506 查詢。

您對於旺角餐廳「真‧章魚無雙」有何 comment？

真‧章魚無雙餐廳詳細資料：

• 真‧章魚無雙地址:
  旺角彌敦道688號旺角中心1期2樓SB02號舖
  真‧章魚無雙, Shop S B02,2/ F, Phase1, Argyle Centre,688 Nathan Road, Mong Kok
• 真‧章魚無雙電話: 60564506
• 真‧章魚無雙價錢: $50以下
• 分類: 日本菜, 小食店
• 座位: 未知
• 付款: 現金
• FB專頁: 真‧章魚無雙 Facebook

更多真‧章魚無雙相關資料:

• 真‧章魚無雙分店
• Youtube
• Facebook
• Twitter
• Google