甜品革命 旺角

甜品革命 評價 相片

話說今日和友人一起到這間店，我叫了紅豆西米布甸，點知我食左一粒紅豆，發現味道是酸的，好似變壞左。

朋友試了一小口，也有同樣感覺，於是告訴店員。

店員拎番回廚房和師傅討論。

由廚房的小窗見到有幾個師傅都試食了幾口。

跟住店員拎番碗野出來話四個師傅都試過無問題，要我繼續食番。

朋友立即理論，師傅食過仲點可以俾番客人食?????!!!!!!!!!!佢地食得仲多過我地!!!!! 而且仲要係酸的!!!!!!!!!!!!!!!店員反而話番我朋友轉頭，話我地生事 !!算啦，諗住息事寧人，最多以後唔再來。

我放在桌上無食，錢照俾，但店員即然仲要在我背後講一句﹕「酸酸酸，人地都係晒啦! 得你話酸!」我已經咩都無計較，你食過叫我食番都忍你，點解仲可以咁話人!!!唉~~~~~~如此的食物和服務，以後都唔再幫襯!!!!!!!!!!!!

服務態度惡劣，即使食物變壞了亦毫無歉意，我點的是酥皮香蕉類甜品，上枱時焦黑色，入口更是苦澀帶酸，明明是焗焗憹了亦不肯更換，不知是伙記還是老闆，總之從未如此受氣過！

第一次寫食評都要獻給甜品革命旺角去完街諗住食糖水，經過甜品革命諗住未試過試下d新野，入到去環境一般，傳來陣陣臭味，可能開正係垃圾房附近的關係問佢有咩推介，話出名椰果子，咁叫一個試下，另外叫多個心太軟，但價錢$48相比起其他出名甜品鋪實在太貴，覺得不值這個價，侍應掛住傾計，還不停催我們落單 食物等左一會兒就到，唔算太耐，但賣相有點兒....不美觀，心太軟旁邊的生果可否切厚點，仲薄過張紙，刀功果然厲害，食落心太軟太甜，甜到有點兒喉嚨痛，椰果子燉蛋尚算正常，期間d烏蠅係咁飛黎飛去，簡直影響食慾，真係冇下次，請我都唔去

食完飯經過呢間甜品鋪..入面係冇中式糖水...除左芝麻糊湯圓~在坐8人...大家食完後都吾會選擇再食..我叫左明治栗子班'CAKE'..我都會預左有CREAM...但吾係預剩係食CREAM!!有2層班CAKE....2層都係CREAM...大佬點食呀...而栗子ONLY 4條吱係面..太多CREAM 喇!!!!樣樣野都好靚..但得個樣.....

今晚又路過此店，女朋友見門口話有焦糖布丁，想入去食。

入到去我同女朋友係坐埋o係一邊，唔係相對而坐，個 waitress 即刻講定話陣間多人就要掉返位，我心諗當時已經十點，唔計我地場內得四個客，而隔離一對男女都係坐埋o係一邊架喎，駛唔駛咁緊張先?!我地見個餐牌無焦糖布丁，就問個 waitress，佢就話原本係外賣至有，不過又話都俾我地叫，同埋叫我地再叫其他野食。

咁我地叫住一個試下先。

黎到個焦糖布丁，成個統一布丁咁o既樣，我真係睇唔出有咩分別，我自己去超級市場買唔駛收$20 咁貴呀，你係咁易都用火槍燒塊焦糖面呀，係咪慳皮+懶到咁呀?! 見到咁都唔想叫其他野，諗住食完走人算。

埋單個 waitress 仲要同我講話下次唔會咁賣俾我地，又講多次係外賣至有，仲要用好不屑o既態度"飛"張單o係檯面我想話下次我唔會用$20買個我唔駛$10都買到o既布丁啦 ，妳咁o既趕客服務態度，我唔會入黎添啦。

甜品革命餐單提供港式, 甜品, 糖水等推介美食位於旺角區，餐廳座位數40人均消費約$50以下，結賬可以用現金。

您對於旺角餐廳「甜品革命」有何 comment？

甜品革命餐廳詳細資料：

• 甜品革命地址:
  旺角豉油街15號萬利商業大廈地下1號舖
  Dessert Revolution, Shop1, G/ F,15 Soy Street, Mong Kok
• 甜品革命電話:  
• 甜品革命價錢: $50以下
• 分類: 港式, 甜品, 糖水
• 座位: 40
• 付款: 現金
• FB專頁: 甜品革命 Facebook

更多甜品革命相關資料:

• 甜品革命分店
• Youtube
• Facebook
• Twitter
• Google