瑪麗蓮美國餐廳 旺角

瑪麗蓮美國餐廳 評價 相片

今日去花墟買花，順便黎呢間西餐廳食個lunch先，以前係舊鋪食過好好味架！大約一點到係有位既，點左好耐無食既豬扒lunch set。

得一位廚師，所以都等左一陣先有嘢食。

新奧爾良蜜汁豬扒 $68賣相都唔錯，但呢個豬扒質素無以前咁好，over cook 左，令到豬扒唔夠嫩口，真係有d失望！薯蓉唔夠creamy但有薯仔味，都ok既，至於雜菜係炒，煮法好中式（crossover啊！）Lunch set $68包一杯熱，仲有湯。

以前覺得唔貴，今日食物水準無咁好，突然覺得呢餐唔平喎！

今日出咗嚟花墟度買年花行過見到呢間西餐廳細細間，但係逼滿人心諗一定係好嘢！Lunch set分咗是日精選午餐同呢間餐廳嘅經典菜色，精選午餐比較輕量d, 今日我就揀咗精選午餐中嘅三文魚茄蓉意粉！上枱熱辣辣，新鮮煮好！上面有一塊煙三文魚，下面嘅茄蓉意粉好好味，同我印象中普通西餐廳嘅茄蓉意粉好唔同！唔係一般開罐頭嘅茄蓉炒2下就上碟果d，呢個好味好多！意粉亦煮得啱啱好，唔會太淋唔會太硬！分量亦好夠！食完好滿足！跟餐仲包一杯餐飲，我今日叫咗杯咖啡，店主仲好細心等我食飽先上咖啡，保持咖啡嘅熱度！咖啡仲好香濃！☕️食飽即刻充滿力量😍下次嚟要試埋其他經典菜色先得！

今日lunch 特登由旺角行去太子花墟買開運竹，咁就有機會黎呢間西式餐廳食lunch，以前係太子返工，久唔久就黎食豬扒（好好味）。

好耐無黎過，今次多左精選午餐，有四款意粉可選揀，包一杯熱飲。

點左「海鮮忌廉意粉」$58第一時間試下d忌廉汁先，好creamy好滑好香吖！撈埋d意粉食真係一流，意粉唔會太淋或太硬，口感剛剛好。

海鮮有蜆，墨魚，係好新鮮又唔會”un”，再加左少少香草，真係好好味！至於餐茶我叫左熱檸茶，呢杯就麻麻地。

但呢度既咖啡聽聞係唔錯架，可惜我唔飲咖啡！

環境好    侍應有禮貌    食物質素好小店形式，有親切感！裝修不俗，有氣氛，係一間唔錯嘅西餐廳^_^侍應姐姐超級有禮貌👍🏻👍🏻會建議你食咩食物。

唔會強逼你叫啲貴嘅嘢食！！！就算叫一客意粉，佢都唔會黑你面😍而且食物質素非常好😋😋😋分量夠大😝如果一個女仔嚟食一客意粉，其實都已經足夠啦！而且味道非常好👍🏻連伴碟嘅西蘭花都係有味，好好味個隻！唔係就咁用水煮俾你😋😋😋而且意粉嘅軟硬度非常好仲有！竟然不用加一服務費

行過運動場道， 想据個扒， 來到太子本來都無咩期望， 點知又咁好彩比我搵到間出色小店! 經店員推介， 點左個周打蜆湯+豬鞍扒配焗薯，個湯夠濃，用足料，好多蜆肉， 可惜係細碗左d,如果可以真係想叫佢用個大d既碗裝比我，驚喜! 本來係牛魔王既我， 對豬扒真係無咩期望， 點知塊扒一來到， 份量十足(有圖有真相)，扒一d都唔鞋仲好juice!驚喜x2!舊焗薯都好好食， 唔會又dry又一吉落去又散，難得小店係配菜方面都咁認真， 驚喜x3!同場加影，店員幫埋隔離台唱埋生日歌，而家香港地有咁既服務實属難得👍👍 小店有如此水準， 服務和出品都咁出色， 一定會推介比身邊既朋友😊😊😊

瑪麗蓮美國餐廳餐單提供多國菜, 咖啡店等推介美食位於旺角區，餐廳座位數未知人均消費約$101-200，結賬可以用現金，Booking訂位可以電話致電 23081690 查詢。

您對於旺角餐廳「瑪麗蓮美國餐廳」有何 comment？

瑪麗蓮美國餐廳餐廳詳細資料：

• 瑪麗蓮美國餐廳地址:
  旺角通菜街238號地下A3號舖
  Marilyn Diner, Shop A3, G/ F,238 Tong Choi Street, Mong Kok
• 瑪麗蓮美國餐廳電話: 23081690
• 瑪麗蓮美國餐廳價錢: $101-200
• 分類: 多國菜, 咖啡店
• 座位: 未知
• 付款: 現金
• FB專頁: 瑪麗蓮美國餐廳 Facebook

更多瑪麗蓮美國餐廳相關資料:

• 瑪麗蓮美國餐廳分店
• Youtube
• Facebook
• Twitter
• Google