炭火燒 旺角

炭火燒 評價 相片

早兩三年前去，感覺良好！肉夠juciy，厚薄適中，但最近去過兩次，都發現大不如前。

原因：內薄太干，缺肉汁，米飯太硬。

份量縮水，我不清楚是否因價錢而節省成本。

我認為來貨貴、要維持生計，加價是沒問題！但將價就貨或減少份量，就是一種倒退！怪不得到晚餐高峰期，都只有二、三台客。

再這樣下去，駐定光榮消失。

平時都沒留意這裡上樓有幾間餐廳，我們進去時只有兩檯客人，直至我們吃完，還是維持三四檯客，看來人流頗少，即使只有一個侍應都能應付，而看到廚師們在聊天，頗悠閒。

環境寬敞安靜，是聊天好地方。

我點了海鮮手打烏冬，食物很快就到。

烏冬份量算多，吃完很飽肚，每條粗幼相同，有咬口，不錯！而海鮮則少了一點，有青口一隻，帶子一隻，魚片兩塊，魷魚兩圈，還有些粟米和海帶。

最喜歡的是湯底，呈奶白色，很鮮甜，又不油，喝了半碗。

另外有一隻天婦羅蝦和一小碟醃製辣大豆芽，炸蝦好脆，有蝦味，炸粉亦不厚。

BF點了牛肋骨定食，有兩件飯團，一碟五六件的牛肋骨，麵鼓湯，辣大豆芽。

我只試了牛肋骨，有點韌，難咬開，要整件入口慢慢咬，味道OK，但只能說並非我喜歡的口味。

以七十多元來說，份量較少，大食人士會不夠飽。

飲品買一送一，有五至六款可選，都不知哪一種好飲，就點了侍應稱最多人選擇的飲品，就是利賓納乳酸和青檸青蘋果。

飲品份量較少，好細杯，但味道不錯，夠濃。

利賓納乳酸的味道就是利賓納溝益力多，青檸青蘋果看到有蘋果渣，看來是用鮮蘋果攪伴而成的，個人較喜歡利賓納乳酸，不過兩杯飲品都太過甜了。

服務就只是斟茶，上檯收碟和埋單，都幾快手。

雖然只有一個侍應，很多時都是行行企企。

走時侍應和廚師都有說多謝和拜拜。

雖好食，但略貴亦份量少，不太抵食。

埋單好似有折？好像比我計出來的便宜了。

在旺角食飯一個不錯的地方!!!!!我地叫左1) 燒牛肉飯定食, d 牛肉好"林", 好有牛肉味. 好juicy!!! 正!!!!!2) 大蝦天婦羅烏冬定食, d 蝦好新鮮, 外面脆, 裹面既蝦又有蝦味道!! 好正呀!!!3) 燒帶子一份, 有兩大隻. 都係好新鮮,好正!!!!唔係好迫, 可以兩個人坐四個位. 不過, 鐵板燒就大煙左d.

女友人T就快生日,約o左尋晚(2972009 Wed)同佢食飯,佢如果出油尖旺,最好近地鐵站,咁就search啦.見旺角女人街呢o度有好多選擇,揀o左兩間畀佢揀,佢就揀日本o野食.我同佢先到,由於我男友要晏啲至到,我o地搵o左呢間o野先,講真,如果唔係上o黎Openrice搵同抄定地址同唔留心,都幾難搵到.上到去,我o地睇睇地方,T話OK,當時只有一枱客同唯一一個女侍應serve,咁我o地驚一陣人多,就話想book定位,咁廚師就先serve我o地,留定枱.之後我o地就行陣街.行完一陣買完o野就返上去先,依然得一個女侍應o係o度,我o地坐低後,先睇menu,女侍應冇畀水我o地,睇完一輪,T話口渴同諗係咪冇水供應,咁不如我o地order o野食同每杯$36.00,買一送一o既飲品先啦,咁o係搵女侍應時,見後面張枱o既客人有清水喎,咁我o地落order,順便叫女侍應畀幾杯水我o地啦.落完order,男友就o黎到喇,T同我都叫o左兩個定食同一啲小食,咁男友就揀佢o既定食.好快,飲品o黎到,T o既飲品叫芝麻開門,而我o既叫白雪飄香.睇見T o個杯有好多黑芝麻碎o係面,我冇興趣試.而我o個杯,係一杯杏仁飲品,有一粒粒o既杏仁碎,飲品夠冰凍,唔甜o岩o岩好.味道: 3分而男友就叫埋另外兩款,一杯係唔知椰子XX,另一杯係花生大少,我o地叫侍應分開上,先上前者.而我亦都冇試到.之後,T同我o既餐到o黎,我o既係$58.00炭燒豚肉眼定食,T o既係$58.00豬軟骨手打烏冬定食.T o既就只有一碟前菜同鳥冬;而我就有碗珍珠飯同麵豉湯.先食前菜,前菜係蓮藕豬肉,份量唔多,先食蓮藕,有啲酒味同辣辣地,蓮藕夠粉夠腍,而豬肉都係普普通通.麵豉湯同其他o既冇乜分別,內裡有海帶同炸豆腐皮,鹹淡適中啦.而T o既豬軟骨夠腍,但我食唔到軟骨部份,而味道就係啲湯味,T話啲烏冬好腍.而我o既炭燒豚肉眼,薄薄一片,驟眼望落,極似燒牛舌,攪到我都以為自己叫o左燒牛舌定食而T一試,即刻話好似豬肉乾o既味,好甜.我又試吓先,係喎,啲汁真係勁似果汁肉乾o既味,但佢唔係好乾,多汁同腍,都唔算太差.珍珠飯,飯粒分明,冇乜問題.味道: 3.1分之後,$42.00o既吉列蠔到o黎,一碟4件細細件,咬落去,粉漿唔厚,內裡o既蠔o岩o岩熟,亦保存到水份,唔乾身.而蠔味就唔係覺.味道: 3.5分$28.00一串o既汁燒帶子同$22.00一串o既燒牛舌同上.估唔到燒牛舌份量係咁少,而且比炭燒豚肉眼更薄.兩者都唔會燒得好乾,仍保留啲汁,而帶子食唔到鮮味.牛舌同樣有炭燒豚肉眼o個隻甜汁,但慶幸冇咁多,重食得出有牛肉味.味道: 汁燒帶子: 3分燒牛舌: 5分$22.00o既燒玉子,由於男友鍾意食玉子,見佢係燒o既,就試吓.佢先食,話好乾同太甜.到我食lu,都唔算吖,外面就乾乾地,內裡o既蛋好似漿埋一舊,真係名副其實o既甜蛋,因蛋味都幾濃,不過每人兩件都覺得漏.味道: 4.5分所有o野食得七七八八時,男友o既$52,00一口燒味噌鳥肉定食,要芝麻味噌(如果唔係睇佢menu日文寫味噌雞肉定食,都唔知係雞肉)仍未到,就催吓侍應,佢都check一check答我o地整o緊.不久都到o黎喇.原來佢o既飯係兩個燒飯糰,亦都跟有前菜同麵豉湯.睇佢賣相好似好吸引,我同T都試少少.飯糰,飯味充裕,但啲飯就漿埋一pat pat,口感唔係咁好,裡面都有極少量類似肉碎o既o野,不過整體都唔係咁好食.而燒雞亦都多汁,雞肉唔乾唔’o鞋’,口感唔差,味道亦唔錯,幾好.味道: 3 分最後o個杯花生大少亦都上埋,我又試一啖,又係有花生碎,一樣唔太甜.味道: 3 分睇返尋晚影o左o既menu,原來真係如yltree同羊家兄妹o既食評後,少o左好多o野,連伴碟菜絲都冇,唔通o衣o家真係咩o野都貴o左?服務:落單後,女侍應亦主動問係咪share食,佢就自動畀多三套餐具我o地.大致上冇乜問題o既,只係人多時都只得一個半侍應,踢晒腳囉.環境:雖然係細,但一啲都唔迫同坐得好舒服.埋單$334.00,但o衣o家計返應該係$354.00喎,唔通有折?味道總分係3.5分,由於其他o野搭夠,就可以畀個笑佢.

炭火燒之前都幫襯過幾次了, 係少數我會keep住去既旺角餐廳, 貪其氣氛不錯, 價錢相宜而且坐得幾舒服, 所以一直以來都有介紹朋友來。

尋晚約左朋友, 就想去不如再去試下, 點知入到去, waitress第一時間指左我同我朋友去同人地搭檯, 但我眼見最入面有兩張4人位無人坐, 又無放到reserved牌, 就要求坐入去。

咁好啦, 坐低之後, 個waitress已經將兩張2人檯分開, 我同我朋友都打左個突, 你間餐廳又未滿座, 為估要咁急要我搭檯同埋要分開兩張檯先?我記得以前幫襯, 都會主動俾杯茶你, 同埋都會好密幫你斟茶, 但宜家, 可能佢地好想你幫襯佢推介既買一送一飲品, 所以要主動問佢先俾兩杯水我地, 而且由始至終都無再斟俾我地。

野食方面, 睇返價錢都無變, 都係60幾蚊一個set, 但發現前菜少左, 以前叫一個set, 都會送3,4碟前菜, 有salad, 豬肉同埋kimchi等, 而且水準不錯的說, 但尋晚再試, 只係得返兩舊豆腐。

正菜方面, 叫左既係燒豬肉定食, 水準算係不過不失, 有點軟, 不算入味, 飯方面亦煮得好林, 無飯味, 加幾粒芝麻咁, 沒有什麼特別, 實在叫人失望。

我朋友叫的是炸蝦烏冬, 蝦來說, size有點細, 而且粉太厚, 炸得有點黑, 味道不夠, 而且太油了, 那張和紙都浸滿了油我不算是要求很高的人, 但對比之前幾次所幫襯既經驗, 嚴重地感覺水準正在每況愈下到一個接受不到的水平。

埋單$155,其實除左幫我地點菜, 拎兩杯水同埋食完之後立即來收左我地o的野之外, 完全無no service旺角有太多選擇, 炭火燒 已經失去當初我所欣賞他們的優點, 不會有下次了。

炭火燒餐單提供日本菜, 拉麵, 串燒, 串燒店等推介美食位於旺角區，餐廳座位數66人均消費約$51-100，結賬可以用Visa,現金。

您對於旺角餐廳「炭火燒」有何 comment？

炭火燒餐廳詳細資料：

• 炭火燒地址:
  旺角通菜街1A-1L號時尚廣場1樓
  炭火燒, 1/ F, Fashion Plaza,1 A-1 L Tung Choi Street, Mong Kok
• 炭火燒電話:  
• 炭火燒價錢: $51-100
• 分類: 日本菜, 拉麵, 串燒, 串燒店
• 座位: 66
• 付款: Visa,現金
• FB專頁: 炭火燒 Facebook

更多炭火燒相關資料:

• 炭火燒分店
• Youtube
• Facebook
• Twitter
• Google