粉紅水門雞 (中海日升中心) 觀塘
最後更新:
粉紅水門雞 (中海日升中心)推介
同老公放工晏左成晚上8點幾，有點肚餓諗下食什麼好，駕車途經觀塘中日海升中心，附近都好多食市，最後被粉紅水門雞吸引，實在太掛住泰國嘅美食，一於試下啦！Menu黑板 $36 碟飯 海南雞飯，豬手飯。。。。。我地坐底見到 Menu唔多選擇，主打海南雞飯，豬手飯同咖喱牛腩飯，小食就有青木瓜絲沙律，甜品還有我地最愛芒果糯米飯，還有幾款飲品添。好香嘅香葉味，佢地嘅飯用上南薑香葉香料同煮，又香又有口感鬆軟粒粒分明，配埋啖啖肉海南雞，記得醮他們嘅醬汁，鹹鹹香辣，即時開晒胃，份量足夠，好出食滑同雞味！ 讚 講緊$36碟，那裡抓呢？平時普通餐廳平極都五六十蚊碟啦。青木瓜絲沙律 $12 小辣細細盒但好啱食前食它，惹味非常，清爽木瓜絲，花生，虾皮同少許泰辣汁，無比可口，簡簡單單泰國風味。正宗豬手飯 $36豬手膠質重大大件一點都不吝嗇，配埋醃菜同流心雞蛋，雖然無泰國過邊啲豬手咁諗滑，但老公極喜愛話較有嚼頭，連個點豬手嘅汁都好正，我鐘意魚露配酸酸辣辣，泰風味。值得讚嘅自家醬汁 偏綠點雞 偏黃點豬手 能提升雞同豬手嘅味道。凍香茅檸檬薏米水 $12飲一口已經嘗到香茅味，檸檬淡淡滲出，夏天好消暑同去水。熱嘅芒果黑白糯米飯 $18好糯嘅口感甜甜地 QQ兼糯糯感，配芒果椰汁好夾。大滿足
觀塘粉紅水門雞 (中海日升中心)
| 餐廳分店 | 粉紅水門雞 (中海日升中心) |
|---|---|
| 地區 | 觀塘 |
| 電話訂位 | 55011292 |
| 餐單 Menu | 泰國菜 |
| 人氣指數 | 963 |
| 價錢幾錢 | $50以下 |
粉紅水門雞 (中海日升中心)訂位位於觀塘區，詳細地址是觀塘駿業街56號中海日升中心地下N號舖，餐廳寬敞座位數目共有未知幾多個。粉紅水門雞 (中海日升中心)幾錢？價錢優惠後人均消費大約$50以下埋單，早餐午餐晚餐粉紅水門雞 (中海日升中心)餐單包括有泰國菜等美食，付款方式有現金付款，Booking網上訂位可以電話致電 55011292 查詢訂座。
粉紅水門雞 (中海日升中心)優惠
粉紅水門雞 (中海日升中心) 評價 相片
同老公放工晏左成晚上8點幾，有點肚餓諗下食什麼好，駕車途經觀塘中日海升中心，附近都好多食市，最後被粉紅水門雞吸引，實在太掛住泰國嘅美食，一於試下啦！Menu黑板 $36 碟飯 海南雞飯，豬手飯。
。
。
我地坐底見到 Menu唔多選擇，主打海南雞飯，豬手飯同咖喱牛腩飯，小食就有青木瓜絲沙律，甜品還有我地最愛芒果糯米飯，還有幾款飲品添。
好香嘅香葉味，佢地嘅飯用上南薑香葉香料同煮，又香又有口感鬆軟粒粒分明，配埋啖啖肉海南雞，記得醮他們嘅醬汁，鹹鹹香辣，即時開晒胃，份量足夠，好出食滑同雞味！ 讚 講緊$36碟，那裡抓呢？平時普通餐廳平極都五六十蚊碟啦。
青木瓜絲沙律 $12 小辣細細盒但好啱食前食它，惹味非常，清爽木瓜絲，花生，虾皮同少許泰辣汁，無比可口，簡簡單單泰國風味。
正宗豬手飯 $36豬手膠質重大大件一點都不吝嗇，配埋醃菜同流心雞蛋，雖然無泰國過邊啲豬手咁諗滑，但老公極喜愛話較有嚼頭，連個點豬手嘅汁都好正，我鐘意魚露配酸酸辣辣，泰風味。
值得讚嘅自家醬汁 偏綠點雞 偏黃點豬手 能提升雞同豬手嘅味道。
凍香茅檸檬薏米水 $12飲一口已經嘗到香茅味，檸檬淡淡滲出，夏天好消暑同去水。
熱嘅芒果黑白糯米飯 $18好糯嘅口感甜甜地 QQ兼糯糯感，配芒果椰汁好夾。
大滿足
由於喺附近返工，見到呢個舖位開咗間新餐廳，所以都想試試，從餐廳名嚟睇，就知道佢係食泰國嘅水門雞飯為主，啱晒我口味，所以值得一試從門面望入去，其實裝修冇乜特別，唔算話好吸引，不過我諗注重嘅主要都係嘢食呢個就係餐廳嘅餐牌全部，大家見到佢整體嘅選擇都唔多，不過都係果句，我諗佢最主要就係食水門雞飯，另外仲有兩款飯係俾大家揀嘅，同時亦都有一款前菜甜品俾大家作另類選擇，而飲品亦都有幾款俾大家揀重點係佢定價唔貴！點完餐之後，先嚟嘅係我哋嘅飲品，我叫咗呢個烏龍茶，佢係用一個高薪嘅膠樽入住，感覺好似幾特別，而且方便飲唔晒之後拎走，而我朋友叫呢個嘅係陳年金橘蜜，我朋友話佢呢個都幾好飲喎嘢食都嚟埋啦，你問我，喺呢度食嘅選擇，一定會揀返水門雞飯，因為係佢呢度嘅招牌菜，同時我亦都加咗一個沙律，佢係青木瓜沙律，而且大有小辣，都幾開胃，雖然佢嘅份量唔係好多，不過真係性價比好高，因為佢只係買10幾蚊一個講返個水門雞飯先，佢用咗油飯底，雖然大家見到雞件唔多，但係真係每件雞都非常好食，因為除咗口感非常好，佢真係一啲都唔韌，夠晒白滑，唔知真係以為自己食緊海南雞雖然佢嘅雞件唔多，但係整體來講，絕對夠飽，而且性價比幾高，因為呢個雞飯講緊只係30幾蚊，大家可以見到佢嘅雞件，唔係淨係肥膏，佢嘅肉係非常白滑，食落非常舒服，其實好食過喺泰國食嘅水門雞嗰啲雞件添，重點係因為佢夠晒滑！呢個飯另外仲跟咗呢個醬汁，呢個汁可以講係其中一個靈魂，佢嘅味道真係夠晒泰國，因為將你啲雞件點埋呢個醬汁食，完全係非常配合，大家鍾意食泰國菜嘅朋友，就知道呢個醬汁係咩嚟啦！又係嗰句啦，因為價錢都係10幾蚊一個嘅芒果糯米飯，所以都叫你試一試，如果以10幾蚊來講，佢嘅價錢絕對唔貴，而且性價比幾高，所以佢嘅份量亦都唔算多，但係正正因為咁，其實都好適合大家飯後加一個用來做甜品，所以就唔會覺得太飽佢呢個芒果糯米飯都幾特別，下面嘅芒果糯米飯，用上糯米及只糯米，所以有唔同嘅口感，同時亦都感覺好似特別啲，而上面嘅芒果都幾鮮甜，成個飯都係熱辣辣，唔係說動嘅，當然係唔會凍食啦，不過佢嘅熱度非常強勁，所以食起嚟都好特別，而且糯米又夠軟，所以食起嚟，味道非常強烈，而且每啖都有椰汁香味，確實係唔錯
觀塘友又要找地方吃午飯啦，最近注意到觀塘工業區開了一間泰國餐廳，就去試一試，發現這裡店子不大，餐牌就只有三款飯，還有一些小食和飲品等，雖然選擇不多，但品質卻不差，價錢還平到笑，只需$36，就可以吃個絕不欺場的泰式碟頭飯，再加$18，更可食埋非常懷念的芒果糯米飯，飽飽！小店位於駿業街，其實很容易去，於apm穿到世貿大樓，乘扶手電梯下去就是。
店子不大，也沒有冠冕堂皇的裝修，不過我覺得頭頂的七彩玻璃燈飾好靚，好吧，幫你拍一張。
大家請看點餐紙，就只有那麼的一小張，完。
沒有大菜，你想吃咖喱蟹、燒鱸魚，Sorry，餐廳都沒有，就只是那麼老實地，得三款飯和兩款小吃。
凍陳年柑橘蜜、凍香茅檸檬薏米水 $12@大熱天時，凍飲少不了。
飲品欄中較特別的是以上兩款，柑橘蜜酸咪咪好清新，薏米水則是溫和的甜味，我更喜歡。
青木瓜沙律 $12青木瓜沙律加了櫻花蝦，帶出獨特的香氣，青木瓜夠爽口，不過味道略鹹，美中不足。
正宗滷水豬手飯 $36雖然飯的選擇不多，但都是深受港人歡迎的口味，像泰式豬手飯，我去泰國時就常去Food Court吃，這裡做得不差，豬手很入味、夠腍身，豬皮帶點煙靭，伴碟是溏心蛋，底下還放滿了醃菜，很好伴飯，大滿足！粉紅水門雞飯 $36雞飯都很好，雞肉嫰滑，配以雞油飯，蘸一下辣汁吃，也是十分滋味。
不過提一提大家，碟頭飯價錢便宜，分量也偏小，女士是夠食的，如男士來到則不妨多加款甜品，美味又飽肚。
芒果糯米飯 $18唯一的甜品選擇是芒果糯米飯，用上了鴛鴦糯米，紅色有咬口，白色夠腍身，我較喜歡後者，配上香甜的芒果和椰汁，Yummy！這讓我更想念泰國了，希望早日可以過來旅遊吧！
呢間真係平靚正！1️⃣水門雞飯 竟然$36就得仲要質素唔錯～個雞係滑既～仲有兩個醬俾你掂個油飯又夠香.2️⃣正宗滷水豬手飯 $36相對水門雞飯就冇咁出色不過豬手都炆得幾霖係偏甜嘅滷水汁.3️⃣芒果糯米飯 $18個糯米飯仲係熱嘅所以好軟熟芒果如果可以甜啲就好加埋啲椰汁 不錯.4️⃣冷泡白桃烏龍茶 $8白桃味 唔夠出 但都好抵飲😂..總體 真係抵唔知D 即棄餐具又有泰國feel😂不過個匙羹有啲刮手👈🏻👈🏻👈🏻👈🏻👈🏻CP⭐️⭐️⭐️⭐️⭐️..粉紅水門雞(觀塘)觀塘駿業街56號中海日升中心地下N號舖
嚟到水門雞餐廳點可以唔試佢個水門雞飯我想講佢呢個飯真係好出色個雞夠滑啦又香然後嗰個飯超級香佢唔係普通嘅油飯而係加咗香茅係入邊 好少食到呢啲飯加分加分另外呢個就係我朋友叫嘅豬手飯個豬手飯啲肉好林 滷得好入味 我想講佢小食好平10零$20就可以解決到呢個青瓜沙律好清新之餘裏邊仲有啲花生🥜我覺得係幾出色呢個細細個嘅芒果糯米飯都係$18咋佢啲芒果好甜飯呢就會有紫米同埋糯米仲要係熱辣辣㗎 因為我食過好多間最多都係暖啦或者係凍嘅第一次食熱辣辣嘅 發現原來芒果糯米飯熱嘅係好好食㗎下次一定會再嚟食
粉紅水門雞 (中海日升中心)餐單提供泰國菜等推介美食位於觀塘區，餐廳座位數未知人均消費約$50以下，結賬可以用現金，Booking訂位可以電話致電 55011292 查詢。
您對於觀塘餐廳「粉紅水門雞 (中海日升中心)」有何 comment？
粉紅水門雞 (中海日升中心)餐廳詳細資料：
- 粉紅水門雞 (中海日升中心)地址: 觀塘駿業街56號中海日升中心地下N號舖 Chicken Rice in Pink (COS Centre), Shop N, G/ F, C O S Centre,56 Tsun Yip Street, Kwun Tong
- 粉紅水門雞 (中海日升中心)電話: 55011292
- 粉紅水門雞 (中海日升中心)價錢: $50以下
- 分類: 泰國菜
- 座位: 未知
- 付款: 現金
- FB專頁: 粉紅水門雞 (中海日升中心) Facebook
更多粉紅水門雞 (中海日升中心)相關資料:
香港餐廳2026推介9月