滿江紅小甜甜 旺角

滿江紅小甜甜 評價 相片

🙆🏻‍♀️我好enjoy食辣野，最鍾意食到條利麻麻地興興地，再飲凍野落去既感覺！如果你都係，咁川菜就岩晒你！而且小甜甜開到咁夜，你地夜晚想食宵夜都唔洗怕無野食啦！😋小甜甜推介之選👍🏼🌶麻辣魚卜煲：呢個真係大讚，好嫩滑完全唔覺得dry。

🌶麻辣炸子雞：D雞炸得又脆又香口，送酒真係一流！🌶花椒炒肥腸：食落一啲都唔覺得肥膩，同d乾辣椒一齊食，食唔停口嫁！另外仲點左原味焗蜆、辣酒煮花螺、麻辣魚春煲，同埋酸菜魚！喂！開始麻啦條利，飲啖椰子鮮奶先🥥，夠晒解辣！📮旺角登打士街3234A歐美廣場UG層🕰 MonSun: 12:0003:00📞23840102

今日做完嘢經過附近好想飲湯，但晚上好多時間其他食店都關左門，於是就去附近呢間食辣野為主嘅餐廳試一次，點左個天麻魚頭湯同埋鴛鴦雞煲（田雞+雞）。

因為佢哋滿晒人冇位所以就外賣返屋企食。

返到屋企即刻食，天麻魚頭湯味道湯料唔夠濃郁而且太過咸，重鹽味冇乜藥材味。

而佢哋個田雞加雞煲直情唔合格，田雞食落去有一浸浸腥味，又話係鴛鴦雞煲，但裏便幾乎搵唔到有雞肉，9成以上全部都係田雞肉🤦🏻‍♀️，同朋友兩個人一致覺得唔好食，咁就浪費咗冇食到。

宵夜熱點小甜甜－平時食開灣仔店，今次出旺角突然想食辣嘢就決定嚟試試～強烈推薦麻辣生蠔煲，每隻生蠔都脹卜卜，煮完都唔會縮晒水；麻辣湯底味道恰到好處，配料有青瓜、薯仔、白蘿蔔，煮到腍晒索晒辣汁好鬼正👍🏻原味焗蜆份量多，食晒成兜都冇沙，用青辣椒、蒜、酒、胡椒、鹽調味，味道唔濃烈但突顯蜆肉嘅鮮甜，連湯汁食一隻接一隻轉眼就清晒😋雞絲鵝腸就有啲失望，鵝腸肥膏太多，有啲咬唔爛嘅感覺，少咗爽脆嘅口感，麻辣汁亦唔夠，同灣仔店出品嘅有啲差距。

蒜茸炒萵筍絲爽甜；風沙雞翼熱氣但香口；高力豆沙就好似中式嘅梳乎厘，不過豆沙餡好重陳皮味我地就唔太鍾意。

最後介紹埋依杯西瓜奶－以前從來冇諗過西瓜同奶可以溝埋，喺小甜甜試過之後就返唔到轉頭，特別天氣熱辣辣又食完辣嘢，飲番杯即刻消暑解辣🍉

兩公婆好耐冇食過，專登去食，結果超級失望同埋嬲，全煲麻辣魚春魚卜煲同麻辣雞煲都係青瓜同薯仔，啲雞係好老，魚春魚卜煲食都未食一揭開全部都係薯仔，究竟我係食薯仔定係食如春？個味有變晒已經唔再好食，以後唔會再食！

今日突然間好想食辣野，咁岩係旺角，即刻search附近有乜辣野食，最後揀左小甜甜。

地方都唔細，人都唔少。

因為我地都比較餓，所以兩個人都比夠叫得多野。

首先叫左個小食酥炸雲吞食，皮唔厚仲炸得好香脆，好好味。

再黎個麻辣魚春魚卜煲同金菇肥牛麻辣燙，全部辣椒浮哂面，夠哂辣勁過癮，餸飯一流，只係魚卜煲再多啲魚卜就更加好。

最後食埋麻辣豬手麵，麵底都爽口，而且份量都好大，加埋個豬手都好入味，又唔會好硬，但係就唔算好辣，再辣啲更加好，今餐勁滿足。

滿江紅小甜甜餐單提供川菜, 四川, 火鍋等推介美食位於旺角區，餐廳座位數130人均消費約$101-200，結賬可以用AlipayHK,支付寶,現金，Booking訂位可以電話致電 23840102 查詢。

您對於旺角餐廳「滿江紅小甜甜」有何 comment？

滿江紅小甜甜餐廳詳細資料：

• 滿江紅小甜甜地址:
  旺角登打士街32-34A歐美廣場UG層
  滿江紅小甜甜, U G/ F, Omega Plaza,32-34 A Dundas Street, Mong Kok
• 滿江紅小甜甜電話: 23840102
• 滿江紅小甜甜價錢: $101-200
• 分類: 川菜, 四川, 火鍋
• 座位: 130
• 付款: AlipayHK,支付寶,現金
• FB專頁: 滿江紅小甜甜 Facebook

更多滿江紅小甜甜相關資料:

• 滿江紅小甜甜分店
• Youtube
• Facebook
• Twitter
• Google