湯•米 旺角

湯•米 評價 相片

劉師奶同朋友去旺角食飯時，見到哩間新開的湯.米店是主打食台式臭臭鍋，加上見openrice他的評價都唔差，所以搵日平日dinner，就同朋友一齊去試下哩間台式臭臭鍋了。

台式臭臭鍋意思是類以港式邊爐，但d料就齊曬咁給你，有肉有菜，另外在枱門也有四款不同的醬料給你去食，有我最愛的沙茶醬,同埋都有生蒜醬,辣粉同埋豆辨醬，坐下時都感覺迫迫的，我同朋友點了一個臭臭鍋(牛肉)，一個韓式豬肉鍋，當中會包埋一份粉絲，飯同埋公仔麵，因為韓式鍋有麵,所以我們點了粉絲同飯，上到時，店員拿起個好熱的鍋，見個樣，真的好靚，擺盤ok~等一等他滾起時，熟左就食得了~~因為我同朋友點了中辣，我的臭臭鍋好重沙嗲or沙茶味~~我覺得可以再辣點，加埋粉絲，吸d湯真的好好味~~我朋友的韓式鍋，味道比較酸，但湯底無臭臭鍋咁香~~配料方面，韓式鍋就因為有公仔麵，加埋就公仔麵好食，臭臭鍋的豆腐是類以無炸的臭豆腐，真的好可口，加上有埋菜，感覺真的好健康，但我同朋友整體來說，都感覺唔錯，另外他都有埋d芝士類飲品，因為見op d人話馬馬地,所以就無嘗試，不過如果想談天，哩間店真的唔好選擇~因為都好多人，加上職員服務都比較忙，如果是慢食，就真的要考慮下，我建議食就台式臭臭鍋加公仔麵!!不過食物的價錢以100150蚊來說，都抵食的。

都可以一試~~

其實很久就對台式臭臭鍋有想試又不敢試的心態，前幾天天氣稍涼，終於說服到男朋友陪我一起吃這家湯·米。

一個店面裡有火鍋，亦有自己的台式飲品區，一入門口就是台式飲品區，可以單買飲料不堂食火鍋也可以。

湯底一共有9個，傳統台式臭臭鍋，到韓國泡菜、日式味增都有，亦可以選擇辣度。

我同男朋友一人一鍋，我叫了台式臭臭鍋（$108）；佢就叫咗沙茶牛肉鍋（$108），但兩個鍋底呈上嚟，其實老實說，顏色和味道上沒有太大分別，係純碎台式臭臭鍋的材料比較多。

一大個鍋湯連材料滿溢，加上粉絲，完全沒有多餘空間，以份量來說，是很大鍋的。

雖然湯底已經很足味，如果覺得不夠，還可以以店家推薦的一勺蒜蓉、兩勺醬油和三勺豆瓣醬調製蘸碟。

臭臭鍋和沙茶鍋味道超像，唯一區別是多了臭豆腐，豆腐鬆軟大塊，但和味道和「真」炸的臭豆腐有差距，一來不夠臭，二來沒有吸盡湯底。

而鍋的其他配料也很平常，如冬菇、高麗菜、雲耳等素菜，唯一稱得上是葷的，就是那份肥牛。

嚴格來說，論味道不是差的，尤其那個湯底是惹味的，辣得令人一直冒汗，但性價比完全不行，老實說鍋的所有材料和吉野家火鍋相差無幾（就是多了鴨血、臭豆腐、鵪鶉蛋這些），都是些價錢很便宜的食材，原本收$108，已經覺得不叫抵食，更甚是要加一服務費，變了差不多$130一鍋，但講緊服務上面，連水都沒有斟給我們，談何服務？（當然，我理解這是因為店家會希望客人點他們的飲料）所以如果論味道，OK不算差的，但如果論性價比實在很低。

早2日我同朋友走咗去食呢間台式火鍋🤣，話貴又唔算貴，但試一次就夠。

韓國泡菜鍋因為我哋想試小食，所以就叫咗個鍋share，入面d料都好多下，有粉絲，🐖，🌽...... 最重要都係泡菜，不過我覺得佢個湯底就普通，似雞粉加水溝開再加d泡菜入去煮，真係唔多掂，比我簡，我中意吉吉家多d😂😂，性價比唔算太高。

另外我哋仲叫咗2款小食，花枝丸同埋鹽酥雞扒，花枝丸比較好食😁，但30幾蚊得6粒，雞扒就略嫌唔夠味，試下無妨，但應該唔會再嚟🤪。

Soup and Rice is a Taiwanese restaurant that serves noodles in great soup, signature Taiwanese hotpot and bubble milk tea. When I first heard about this restaurant, it’s the Cheese Cap drinks that caught my attention. But surprisingly, the food was also very good indeed.This delicious Shacha Beef Pot made an awesome dinner for one. There were plenty of delicious beef, lots of veggies, mushroom, corn, meatball, etc. Cooked in the Shacha broth, the beef was so flavored even without any sauce. If you want a bit more, there are different types of sauce available on the dining table. The glass noodles that came with the set was definitely a highlight, especially after it soaked up all the yummy shacha broth. The Strawberry Drink with Cheese Cap I got was fantastic and definitely lives up to its fame. The cheese cap had a rich cheesy flavor, yet not too greasy nor stuffing. The strawberry drink was great in a way that it didn’t taste overly sweet or artificial. Oh you know, strawberry products could be tricky and taste like cough syrup sometimes.

今日去左剪頭髮，之後同好姊妹係旺角行行下見開左間「湯米」，是台式道地一人一鍋， 仲有各式台式飲品如芝士茶等～一人一鍋套餐價錢約hk$100左右，價錢唔貴，如果覺得唔夠食仲可以散點火鍋配料，或者其他串燒、小食等，套餐可以選擇粉絲或者飯， 辣度都可以自己選擇 ～我點咗香辣牛肉鍋～中辣，有牛肉、椰菜、娃娃菜、豆腐、豆角、黑木耳、炸薯仔、奄春蛋、粟米等等， 非常豐富，絕對足夠一個人食～我另外加咗12蚊將白飯升級為魯肉飯， 魯肉非常入味，唔會太肥 ， 反而白飯就麻麻地～朋友點咗招牌臭臭豆腐鍋配粉絲～中辣，臭豆腐、牛肉片、米血糕、鴨血、 油大腸、金菇等， 臭豆腐夠曬臭，正～唔夠湯仲可以加湯，火鍋配料亦都有好多 可以選擇， 仲有燒物，好似厚燒牛舌、燒茄子、鐵板韭菜等～之後點咗爆珠四季春、 芝士茶茶8號， 一邊食一人一鍋，一邊飲特色台式飲品， 一次過滿足兩個願望～

湯•米餐單提供台灣菜, 火鍋, 台式飲品, 粉麵, 米線等推介美食位於旺角區，餐廳座位數未知人均消費約$51-100，結賬可以用現金，Booking訂位可以電話致電 23273011 查詢。

您對於旺角餐廳「湯•米」有何 comment？

湯•米餐廳詳細資料：

• 湯•米地址:
  旺角豉油街60-104號鴻都大廈地下AB舖
  Soup and Rice, Shop A B, G/ F, Concord Building,60 Soy Street, Mong Kok
• 湯•米電話: 23273011
• 湯•米價錢: $51-100
• 分類: 台灣菜, 火鍋, 台式飲品, 粉麵, 米線
• 座位: 未知
• 付款: 現金
• FB專頁: 湯•米 Facebook

更多湯•米相關資料:

• 湯•米分店
• Youtube
• Facebook
• Twitter
• Google