海都車仔麵茶餐廳 旺角

海都車仔麵茶餐廳 評價 相片

一日一黃店旺角熟食中心良心店 朗豪坊去得多 原來朗豪坊過天橋酒店下面 就係熟食中心 價錢都幾平民 望到wolipay記錄入面有2間 良心店 呢日一次去試哂佢地2間啦（見到佢地 有個qr code for比朋友傾計）.⭐️沙嗲牛肉金菇粉絲煲$48 跟湯 +$5 油菜一出餐果下 個煲啫啫聲 望到都興奮👍🏻沙嗲牛肉煲 份量偏大👍🏻底下金菇同粉絲 仲多過碗飯 1.5人份量沙嗲汁 偏向小小杰身既沙嗲湯相比合發茶餐廳 沙嗲牛肉包既汁 冇咁濃😋但正因為咁 送飯都唔會過咸👍🏻而且落咗少少辣椒去炒 有小小bb辣香‼️最最最重要係 粉絲吸晒個汁 好味.⭐️三餸車仔麵$37香茅豬扒 牛筋 芝士腸 公仔麵 （我自己點得普通😅）👌🏻呢個就普通 偏向住家feel👎🏻豬扒整定 浸軟左 👌🏻芝士腸同公仔麵正常👌🏻牛筋煮得幾軟霖 起膠.⭐️凍阿華田😋夠凍 夠多粉 甜到啱啱好 粉溶哂 值得一讚其實只係好普通 但好多餐廳都沖到勁淡.湯係 南瓜雪耳陳皮湯？ 都ok 老火湯feel👌🏻.#hkfunfoodrecord窮遊香港#hkfunfoodrecord_旺角#hkfunfoodrecord黃店.#海都車仔麵茶餐廳 (旺角)地址：旺角上海街557號綜合大樓2樓4號舖.⭐️評分：味道：3.5/5 沙嗲煲4分 車仔麵2分環境：2/5 熟食中心 有冷氣 但環境一般 旁邊多怪叔叔服務：/5 熟食中心冇服務 但店員幾nice抵食：3.5/5 .#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkigshop #hkblogger #hktrip #hongkongtrip #香港旅行 #hkfoodies #hongkongfood #吃貨 #食評 #香港美食 #一日一黃店 #旺角美食#油麻地美食 #熟食中心 #沙嗲牛肉 #車仔麵

區內有團購幫襯小店，大家都知六點後無堂食D食肆好慘，咁就join個團購之餘又試下叫左兩個餐，一個芙蓉蛋飯一個干炒牛銀針粉，送兩個例湯，每個餐$43，再加多兩個小食麻辣牛肚同麻辣豬耳。

味道okay，above 我區內D茶記，最癲係個份量，兩個餐3個人食係一定夠，benchmark返我食量係一碗兩送譚仔無叫少米線。

小食夠入味又平，可摸耳叫係窮人教星？最後就搭單買左D小食可以當零食咁食，幫唔到手幫襯正餐嘅都可以買下D小食簡評就係，大食窮人味道又okay嘅救星

海都嘅廚房出品真係幾唔錯，各款飯類味道都係比較偏濃，夠哂惹味，而且櫃枱前仲有自助醬料區，可自行添加各類醬料，認真貼心！蝦醬通菜牛肉飯好惹味，因為蝦醬本身已經係好重味道，更加上一樣又係有用咗蒜頭及紅辣椒絲，非常香口，真係會令人不停大啖大啖咁食飯，通菜爽脆，雖然D菜係有少少已經變黑，但絕對可以接受，牛肉嫩滑(雖然我深知D牛肉一定係有用梳打粉醃過)，因為整個餐都只不過係$42元，所以算係咁啦例湯方面～雪耳木瓜煲豬骨，好清甜，而且D雪耳已經煲到起哂膠，證明D湯真係非常夠火喉，凍奶茶保持水準，甜度適中，完全唔使叫小甜，夠凍，奶嘅份量亦都唔會太多，合格！食品方面～涼瓜雞扒飯味道確實好正，有好重嘅豆豉味，又食到有蒜頭嘅香味，再加上又有少少嘅紅辣椒絲，成碟飯嘅味道真係既香又辣，白飯煲得好好，雞扒炸得非常香脆，而且塊雞扒係原件再切件，相當細心

味道正常，而且好抵食！$37大大碗份量超足！點左韮菜好似唔洗錢咁比一大札我，牛腩都炆得幾入味同夠淋～唔會攝牙縫！至於豆腐就正正常常。

本身想食米粉但無晒就轉左米線，米線都係一包包開出嚟個種，唔多軟或太硬個種。

湯底我就揀左腩汁，都幾濃味，但又唔係味精咁。

一碗真係多到食唔晒！仲包一杯野飲。

如果去到旺角諗唔到食咩，上去食碗車仔麵都係一個唔錯嘅選擇。

除左車仔麵佢仲有小菜個啲可以叫。

有機會都可以試下佢嘅煲仔小菜，叫餸食飯！

位於「上海街」「旺角綜合大樓」的二樓，有間「旺角熟食市場」，「旺角熟食市場」裡面有一間集港式茶餐廳粉麵飯，跟港式車仔麵食品於一身的港式食店，名稱叫做「海都車仔麵茶餐廳」。

食客光顧「海都車仔麵茶餐廳」，就好像光顧其他「旺角熟食市場」食店一樣，都需要先付款購票，然後等候食店廚房裡面的人製作食品，直至完成為止。

「海都車仔麵茶餐廳」沒有提供餐牌給食客參考，只是貼在餐廳門口旁邊，大大小小的價目表，價目表裡面好像已經列出餐廳所有食品，但是事實上還有很多食品項目，未有完整陳列出來。

光顧「海都車仔麵茶餐廳」的食客，或多或少都需要花多點觀察力和應變能力，花多點勇氣去詢問「海都車仔麵茶餐廳」裡面的看店店主，才點到自己想食的食品，「咖喱牛腩飯」就是最佳的例子之一。

除了「咖喱牛腩飯」之外，我另外點了一份小食食品，食品名稱叫做「口水雞卷」，「口水雞卷」所在的價目表相對於「咖喱牛腩飯」而言，就比較容易尋找了，就在食店門口的「消毒潔手液」旁邊。

「海都車仔麵茶餐廳」小食食品「口水雞卷」的跟餐價錢本身不算昂貴，一小碟份量的「口水雞卷」食品實際售價，只需要港幣二十元而已。

「口水雞卷」之所以被稱呼叫做「口水雞卷」，原因其實非常簡單，就是「口水雞卷」味道偏向有少許麻辣，辣得讓食客的舌頭味蕾感覺暫時被麻痹一會兒。

不過我自問還適應到「口水雞卷」雞肉裡面的麻辣味道，「口水雞卷」的辣味還未至於令我舌頭的味道完全麻痹，喝一口「忌廉」汽水就發現暫時中和「口水雞卷」裡面的麻辣味道。

至於「咖喱牛腩飯」裡面的辣味雖然也不差，但是一跟味道偏向麻辣的「口水雞卷」比較之下，「咖喱牛腩飯」裡面的辣味立刻變得有點弱，有點微不足道了。

不過慶幸「咖喱牛腩飯」裡面的「牛腩」口感軟腍程度，「海都車仔麵茶餐廳」廚房煮得尚算還可以接受，至少「牛腩」實際肉質裡面，仍然保留完整的牛肉紋理，但是我覺得「牛腩」實際口感可以再燜多一點。

海都車仔麵茶餐廳餐單提供港式, 茶餐廳, 冰室等推介美食位於旺角區，餐廳座位數未知人均消費約$50以下，結賬可以用現金，Booking訂位可以電話致電 34820569 查詢。

您對於旺角餐廳「海都車仔麵茶餐廳」有何 comment？

海都車仔麵茶餐廳餐廳詳細資料：

• 海都車仔麵茶餐廳地址:
  旺角上海街557號綜合大樓2樓4號舖
  海都車仔麵茶餐廳, Shop4,2/ F, Monk Kok Complex,557 Shanghai Street, Mong Kok
• 海都車仔麵茶餐廳電話: 34820569
• 海都車仔麵茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 海都車仔麵茶餐廳 Facebook

更多海都車仔麵茶餐廳相關資料:

• 海都車仔麵茶餐廳分店
• Youtube
• Facebook
• Twitter
• Google