海壽司 旺角

海壽司 評價 相片

最近真係食好多野～”又黎同人慶生喇～食左芥末章魚軍艦，好似無上次咁正．ｄ　紫菜都淋的三文魚炸蝦，正哎～！出現爭食既情況．．．．．．．三文魚刺身同埋甜蝦．大件．抵食．不過要快食．如果唔係好快就唔鮮哎喇．仲有一個沙律．唔食都罷．仲有炸蝦ｓｕｓｈｉ．成日出現比錯野既情況！！仲有．點解我唔係８蚊３件三文魚？２００蚊．生日快樂！！

琴日6點幾入去食，冇乜人! d staff服務態度不錯、對答有禮貌，但係佢地成日大聲傾計大聲笑有d討厭，話晒都開緊工架嗎! 坐bar枱，不過迴轉帶上的choice好少~三文魚sushi ( $8, 3件) : 唔細舊，三文魚ok，都幾肥美，雖然係8蚊3件，但我覺得同元x果2間差不多，唔會因為平而好難食!天婦罹蝦卷( $11, 3件) : ok啦，冇咩特別軟殼蟹卷( $15, 3件) : 唔得呀!d蟹好干好膿花蝦沙律sushi ( $15, 2件) : 幾得意，d蝦係好細細粒既加埋沙律醬岩晒夏天吃~加州反卷( $8, 3件) : 不過不失火灸三文魚sushi x 2 ( $8,2件) : 好味，燒得好均勻，但係就要等得耐d鰻魚sushi ( $18, 3件) : 腥，唔好食兔治雞籠雞軟骨串( $15,2串) : 賣相好核突呀!!! 佢好似硬張一條串燒分開2條上咁，成餐最衰係呢樣野，千萬不要點~七味豆腐( $11 ): 炸豆腐上加七味粉，豆腐好滑，比想像中好2人埋單130，食得好飽，7點食完飽到一整晚都冇再吃其他野!真係幾抵食! 不過食品質數參差，要求不高的話可以一試

想食壽司,同埋同朋友傾計and聚舊,所以揀左海壽司, 貪佢坐得耐d同埋唔駛等位.因為之前一日已經book左位, 所以一去到已經可以入座. order了以下食物:1) 三文魚壽司x32) 帶子壽司x23) 秋刀魚壽司x14) 螺片壽司x15) 清酒煮蜆6) 蟹子沙津7) 串燒8) 雜錦天婦羅9) 餃子10) 唔記得乜名o既薄餅首先, 所有壽司o既飯都係冇味兼好硬, 好易散. 壽司上o既所有刺身都唔新鮮, 亦比menu上o既相細好好好好多!!!!蟹子沙津不知所謂, 求其整d沙津醬上去就算, 毫無誠意!!清酒煮蜆味道ok, 但蜆肉好少. 雜錦天婦羅係我食過o既最差的一次, 只覺得好油, 冇香冇脆o既感覺. 餃子好普通, 但相其他菜式叫幾好. waitress姐姐話冇夏天串燒, 但串燒卻佔佔左menu o既半版篇幅......waitress姐姐又話今晚帶子售罄, 點知之後比我地發現迴轉壽司帶上出現帶子壽司, 後來waitress姐姐話係o岩o岩返貨.......真係天大o既笑話!!!仲有, 佢地話做promotion, 壽司2送1, 係十分取巧, 原來只限迴轉帶上o既壽司, 我地order哂menu o既野之後先知, 後來我地同個manager理論, 佢先話o係我地張單上比個折扣我地, 最後埋單8折後都要~$240, 一d都唔平, 仲要難食, 一定冇下次!!!!

好奇怪呢間食肆既哈哈笑竟然多過大喊包...上星期日同媽媽&細細妹諗住費事行就入去試下啦，講真D套餐就真係好平、好抵，但真係勁難食。

魚生極之唔新鮮，有雪味、但三文魚就可以，可能去貨快。

壽司D飯偏酸。

套餐燒牛肉飯D飯無味，牛肉太鞋，飯偏腍無飯味。

三文魚炒飯仲衰，成碟淡貿貿唔知想點。

我就一定唔會再幫襯。

見大家既評語不太差今日走左去試睇餐牌都覺得D價$ OK丫落左Order之後...坐bar "木台"等緊時睇下D師父整野丫傾計都ok既不過o係D客面前都唔駛老母前老母後掛?唔戴手套已經有問題仲要整整下走去拎電話叉座比人係咁意濕濕隻手又去整過D壽司野食只係普通雖然我相信好多壽司師父都係咁不過O係客面前都係咁既我就未見過喇幾好食幾抵食都好啦衛生唔掂點食呀?乾淨我想比0分可惜無得揀

海壽司餐單提供日本菜, 壽司, 刺身, 迴轉壽司店等推介美食位於旺角區，餐廳座位數未知人均消費約$51-100，結賬可以用現金。

您對於旺角餐廳「海壽司」有何 comment？

海壽司餐廳詳細資料：

• 海壽司地址:
  旺角亞皆老街36-38號龍飛大廈地下及1/F
  Susea, G/ F-1/ F,36-38 Argyle Street, Mong Kok
• 海壽司電話:  
• 海壽司價錢: $51-100
• 分類: 日本菜, 壽司, 刺身, 迴轉壽司店
• 座位: 未知
• 付款: 現金
• FB專頁: 海壽司 Facebook

更多海壽司相關資料:

• 海壽司分店
• Youtube
• Facebook
• Twitter
• Google