正冬火鍋料理 旺角

正冬火鍋料理 評價 相片

買咗兩盒午市外賣飯，$30一盒收錢嗰個阿嬸好似欠咗佢咁，然後比張單我$62.5首先係$60兩個飯，然後每一個飯另外加多$1外賣盒，再有$0.5膠袋，然後佢收咗我$63，然後隔離嘅男人買飯係冇收膠袋錢，我上前對質，佢話呢個係政府規定，然後我話點解你唔收隔離呢個男人膠袋錢，佢話俾佢外賣嘅膠袋係唔同，咁我就話我要佢嗰隻膠袋，就唔使收我錢，仲有點解$62.5會收咗$63，個收銀員阿嬸馬上發難，俾返$1我，然後等我嘅外賣等咗半個鐘，返到屋企佢連餐具都冇俾，然後打電話俾佢同個經理講，個經理問返我轉頭咁你想點，唔啱咪過返嚟俾返你囉。

真係好想講呢間野啲員工質素真係垃圾

初次到訪，十多人聚餐，預訂左2隻龍蝦，1條鱆紅魚，2隻象拔蚌做刺身，刺身正常水準新鮮，火鍋食材新鮮，椒鹽骨腩及龍蝦粥有驚喜。

宵夜時段，火鍋食材另外七折，回頭率高，值得推介。

今晚又出動由於天氣終於開始涼浸浸，所以目的地係 「正冬」火鍋料理。

餐牌一打開就俾佢地個「三層牛㙮」吸引咗，果然一試難忘尤其最底層的雪花肥牛，片片厚度相約，但頂層的「方牛粒」較厚所以最佳方法係放於火鍋爐旁慢熱灼 正👍另外一定要叫的係其獨步的「梅菜豬肉丸」，口感甜甜地女生好愛的，仲有脆口炸魚皮、兩食脆響鈴(可當小食或火鍋灼熱食)，我當然最鍾意係「小食」食法啦。

而其他火鍋食品、配料、蔬菜同樣新鮮，連菜類「上枱造型」也「新鮮」哈。

值得一提我地係好辣之徙，佢地兜子天椒辣度係「小中辣」程度以上，唔辣得嘅重手咗都幾大件事!

同屋企人去飲茶，十點多去到，都比較多人，要搭台，原來平日11:30前都是早茶時間，有多款特價點心，其中虾餃及粉果最及引。

虾餃 $14.8比正常酒樓少左一隻，只有三隻，其實計返都無點平過，不過虾餃都算皮薄多虾，味道不錯。

潮州粉果 $3.8又係少咁隻，只有兩隻，但皮較厚，餡料味道一般。

叉燒腸粉 $14.8腸粉不夠滑，粉醬太厚身，叉燒好多肥油，味道一般。

總括而言，點心不算貴，但款式不多，食物質素中等，味道一般。

今晚一班朋友聚會，我地一行10人，去左正冬火鍋！ 原來太子有2間正冬火鍋，仲要好近，我今次去係太子道西果間。

我地叫左3款刺身包括澳洲龍蝦刺身、活鱆魚刺身同埋象拔蚌刺身！龍蝦刺身同象拔蚌刺身好新鮮👍🏽，師傅刀工好得👍🏽！首先講講調味料，豉油、辣椒、蒜蓉好差品質！蒜蓉一d都吾香！落哂成兜都冇蒜蓉味！豉油味似喊水味！好差！👎🏾👎🏾👎🏾👎🏾首先講講湯底，真的麻麻地。

響頭一轉我飲左一口湯，好淡味，嘩！仲有味精味！我地叫左好多打邊爐野食， 包括澳洲A3和牛，手切鮮牛肉，白鱔片，水餃，鮮蝦雲吞，雞腰，水魷魚，芝士腸，黑柏葉，貢丸，手唧墨魚麵，海中蝦，午餐肉，響玲及雜菜。

澳洲A3和牛，普通貨式，冇特別，亦完全吾會有入口即溶既feel。

所有既打邊爐食物都好普通，最好味係響玲，可能係炸過既關係！熟食就食左椒鹽豆腐、鳳爪、炸魚。

椒鹽豆腐香噴噴，炸魚又乾又硬！環境方面，冷氣吾足，打起邊爐嚟個人係熱(3月）！場內好焗！

正冬火鍋料理餐單提供港式, 火鍋, 中菜館等推介美食位於旺角區，餐廳座位數未知人均消費約$101-200，結賬可以用Visa,Master,現金，Booking訂位可以電話致電 23923610 查詢。

您對於旺角餐廳「正冬火鍋料理」有何 comment？

正冬火鍋料理餐廳詳細資料：

• 正冬火鍋料理地址:
  旺角太子道西103-107號地下
  Winter Steam Pot Restaurant, G/ F.,103-107 Prince Edward Road West, Mong Kok
• 正冬火鍋料理電話: 23923610
• 正冬火鍋料理價錢: $101-200
• 分類: 港式, 火鍋, 中菜館
• 座位: 未知
• 付款: Visa,Master,現金
• FB專頁: 正冬火鍋料理 Facebook

更多正冬火鍋料理相關資料:

• 正冬火鍋料理分店
• Youtube
• Facebook
• Twitter
• Google