新龍園麵家 旺角

新龍園麵家 評價 相片

因為我係呢度既街坊.所以幾基上都係成日幫襯~雖然係老店.但經時間既磨練.質數始終都係下降左清湯無特別之處,腩湯明顯無從前咁濃郁,剩下只有味精同要用辣椒油去食....食完仲會好口喝~雲吞依然爽口有肉汁,但鮮味香味已不再牛腩亦時好時差,唔好彩既.真係食到D牙攝哂肉渣,牛什就無特別香料味,偶爾還會食到有雪味魚皮餃同凍肉鋪既無咩分別其他既我都無點食過.係鍾情呢幾樣整體黎講.以上堂食19蚊黎講.有呢個水準已經能夠接受今時今日香港地.仲想點丫...(另外一提.從前係由個伯伯企檔.而家變左個中佬...唔知係咪因為咁.而有所不同呢~)

旺角, 廣東道再出去, 的確只有區內居住的人民出入. 若你不是旺角人, 呢一帶正正就是遊人的盲點. 在繁華的旺角大都市既背後, 有著這一個住滿了收入不高家庭的古舊地區. 就在這些地區, 隱藏著不少美味的根源. 當日的我, 發現了地士道街, 而食友南瓜, 就發現了呢一條甘霖街, 上次來到, 試了一間好"佬"下的燒臘店. 是日再來, 不猶疑於另外的兩間好"佬"既茶餐廳了, 既然來了, 就朝拜一下這一間美味而又鮮為人知的好麵店.上次南瓜來了, 說這兒的豬手了得. 我本來是為了這個而來的, 但不太想狼狽地食到成咀汁同油, 而且店方亦極力地推介是日的牛腩. 於是, 我就改食此店一樣說是自家招牌的, "牛腩".這個, 是美味的爽腩, 肉質一絲一絲的, 爽嫩而入味, 爽嫩不肥而夠腍. 愛吃牛腩而且有研究的人, 通常都會尋找一個掛齒的感覺, 然而這個牛腩, 就具有這一種令人讚好的質素.好美味, 份量亦剛剛好, 好店的水準, 這兒完全擁有....遲些日子再訪這一區, 應該要訪訪渡船街的小店.......有空再報導.

新龍園是一間我最近很欣賞的麫店.如果你去到旺角, 又唔知食乜好, 真係要試試呢間麫店.我最推介既係牛腩伊麫, 其牛味濃, 香, 湯底亦是有心之作沒有味精, 伊麫軟硬度適中, 唔會過諗...我其實一直唔贊成食麫將湯飲掉, 但朋友一試之下大讚, 所以我都試左一啖, 從此, 食完麫之後都會飲埋湯!! ^^成日睇到雜誌話邊度d牛腩好食, 都試唔少, 但好多時都會失望而回.但呢間鋪仔總有令我食上癮既感覺.*順帶一提, 呢間店鋪食物既種類都唔少 (連單點黑柏頁, 鳯爪都有....), 應該總有一款岩你! ^^

旺角"九又四份三"的旅程尚未完結,地士道街之下,還有一條甘霖街.又是從未踏足之地帶.此條幽靜的街上,除了"水記"之外,還有一間照看也有廿幾年歷史的麵店"新龍園".個人覺得,老牌麵店能夠到今天依舊企得住,而且更在非旺區地帶,一定有個人之處.此店也是魚旦雲吞水餃麵為主,見到有豬鼻吃,坊間麵店絕少有此味吃.好奇之下想要個豬鼻麵.可惜賣光,唯有轉吃豬耳拼豬手麵,新龍園的豬手做得偏稔,連皮也稔到吃不出爽口的感覺,但是很重膠質,肉質頗厚,炆得入味,另外豬耳就爽脆可口.麵條尚算煙齦,沒有灼到過稔.下次再來,希望可吃到個豬鼻.

新龍園麵家餐單提供粉麵, 米線, 小食店等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「新龍園麵家」有何 comment？

新龍園麵家餐廳詳細資料：

• 新龍園麵家地址:
  旺角甘霖街39號地下
  新龍園麵家, G/ F,39 Kam Lam Street, Mong Kok
• 新龍園麵家電話:  
• 新龍園麵家價錢: $50以下
• 分類: 粉麵, 米線, 小食店
• 座位: 未知
• 付款: 現金
• FB專頁: 新龍園麵家 Facebook

更多新龍園麵家相關資料:

• 新龍園麵家分店
• Youtube
• Facebook
• Twitter
• Google