意粉狂熱 旺角
最後更新:
意粉狂熱推介
將多國菜系特色融入意大利粉當中，口味選擇非常多，特別推介和風雜菌照燒雞蛋黃醬意粉。特設一人薄餅，方便獨享。
旺角意粉狂熱
| 餐廳分店 | 意粉狂熱 |
|---|---|
| 地區 | 旺角 |
| 電話訂位 | 25111937 |
| 餐單 Menu | 意大利菜, 薄餅 |
| 人氣指數 | 1389 |
| 價錢幾錢 | $101-200 |
意粉狂熱訂位位於旺角區，詳細地址是旺角彌敦道639號雅蘭中心2樓208號舖，餐廳寬敞座位數目共有83個。意粉狂熱幾錢？價錢優惠後人均消費大約$101-200埋單，早餐午餐晚餐意粉狂熱餐單包括有意大利菜, 薄餅等美食，付款方式有Visa,Master,AlipayHK,支付寶,現金,AE,銀聯,JCB付款，Booking網上訂位可以電話致電 25111937 查詢訂座。
意粉狂熱優惠
意粉狂熱 評價 相片
旺角不嬲熱鬧，咁啱係附近覓食，朋友話想食意粉，就揀咗哩間餐廳。
飽餐之後，覺得食物出品都好唔錯，環境裝修係清幽得嚟小清新，餐廳唔大，都適合三五知己傾偈食飯，加上位置就腳，有為餐廳加分。
餐廳係用電話落單，唔使掂到Menu，係呢個期間，特別重要，食客都會安心啲。
蒜香白酒汁海蜆意粉蒜頭味香得來又唔會太搶，加上白酒汁嘅香味，搭配得好和諧，而且海蜆都好鮮甜，同埋佢個汁收得啱啱好。
蒜味芝士雞翼（蒜味芥茉醬）而家先發現原來點左兩款蒜味嘅食物😂雞翼整得乾身又香口，點埋上面嘅芥末醬，真係非常惹味，我非常鍾意佢呢個醬😍焗珍寶大啡菇釀帶子大啡菇焗得好香，上面放咗帶子同埋一D蟹子，呢個搭配我係第一次食，我覺得又配搭得幾好，蟹子同啡菇嘅質感好唔同，口感好豐富。
瑪格麗特Pizza （配新鮮水牛芝士）Pizza烘得啱啱好，係薄身嘅Pizza，既有芝士嘅香味又開胃，唔錯唔錯。
蘋果益力多 & 抹茶梳打我覺得益力多嘅飲料搭配，真係無得輸，好開胃好好飲日本牛乳布甸 & 意大利芝士餅飽餐後再點左甜品，我點左布甸，奶香好濃又好滑。
食完之後覺得，喺旺角鬧市，環境又唔錯嘅餐廳，呢間算性價比好高了，如果行開旺角一時諗唔到食乜嘢，我覺得不妨一試。
一向都覺得PASTAHOLIC又平又好食, 今次同朋友黎發現不除左意粉之外, 其他野都一樣有質素。
太耐冇黎, 原來依度已經用緊手機點餐, 夠哂方便~溫泉蛋芝士卡邦尼意粉 $88黎到梗係點都要叫個PASTA, 佢實在太多款式, 款款都想試, 揀黎揀去最後都係回歸經典 卡邦尼! 溫泉蛋煮得岩岩好, 蛋黃同埋芝士香氣濃郁, 條條意粉都沾滿香氣~香烤香草羊架 $128本身見佢只係$128都冇抱太大期望, 點知驚喜往往就係依D時候出現, 鐵板上兩隻正常SIZE既羊架, 伴住好多薯角, 睇賣相感覺良好。
羊架切開原來係3成左右熟, 佢既鐵板KEEP住高溫, 切開後可以自己煎到自己中意既熟度, 直情好似食緊而家好興既STONE GRILL咁。
羊架軟腍, 香草同羊味比例恰到好處! 羊架底下仲鋪左D洋蔥絲, 煎香左夾黎食更惹味~ 依個價錢絕對抵食呀秘製炸雞 $48必食之選, 依度既烤雞即叫即炸, 皮脆肉嫩, 咬開會見到兩樣野: 一係煙, 二係肉汁! 記得擠埋檸檬汁食, 美味加倍~Handmade Milk Pudding $18滑嘟嘟奶味香濃, 面頭層CREAM將成個甜品昇華哂!Tiramisu $38Tiramisu幾軟滑, 酒味幾重, 好味!又平又好味! 會再幫襯!
今個星期日是我朋友的28歲生日，知道她是一個意「粉」，即是非常喜愛食意粉。
所以我就襯着她生日，找一個地方和她慶祝一下。
由於她是「意粉」的關係，所以我找的餐廳都是真的以意粉為主題，希望她會喜歡。
本身找到的都是大型連鎖餐廳，不過碰巧我前幾天行開旺角雅蘭中心借廁所時，被我發現了這間「Pastaholic」— 意粉狂迷，正合心意。
由於預早幾天訂座的關係，所以就不用walkin 等位，平日夜晚的門外都有很多食客在等候，幸好早有安排，不然未食就會被友人先話一餐。
Pastaholic 的餐牌五光十色，非常吸引，那就讓朋友揸主意吧，我就協助她在電話order。
➺ 1. 經典三式拼盆所謂經典三式，分別有秘製炸雞、脆炸薯角及意式薄切三文魚忌廉芝士卷切。
三式拼盆比起普通小食單點的更為划算，份量是非常充足，而且三種配搭亦是大眾合心意的。
出乎意料的是，炸雞和薯角比想像中弄得更為好食，熱辣辣的薯角內裡包含充分的薯蓉，炸雞亦能食得出內裡的水汁，並不乾口。
相比之下，三文魚忌廉芝士卷則較為失色，味道比較淡。
➺ 2. 香辣蕃茄濃汁煮青口一般而言，青口都算是海鮮類，價格亦不算格外便宜。
$58 的價錢，份量足夠供兩人享用，兼且味道亦做得一點都不馬虎，其香辣蕃茄濃湯，非常惹味，我和朋友直接拿匙羹飲了數口濃湯。
青口夾配這個湯底，非常匹配，青口的鮮味加上酸酸辣辣，非常開胃。
➺ 3. 美式辣肉腸披薩我就在眾多pizza 中選擇了辣肉腸的口味，美式蕃茄配上辣肉腸，酸酸甜甜的味道是非常吸引的，加上香脆的薄餅底，實是不錯。
➺ 4. 鮭魚菠菜忌廉意粉意粉就當然要由「意粉」揸主意，朋友思前想後，點出了三文魚菠菜忌廉意粉，我就額外加多$10 增大1.5倍意粉份量。
根據友人的評價，意粉好食是好食，但有一點想提醒的是，可能是我點了加大意粉的關係，意粉好像不夠creamy，吃起來比較乾身，如果在1.5倍的粉底，加多點忌廉就會更加好。
➺ 5. 香蕉朱古力披薩朋友生日，無論如何都要來一份甜品吧。
不過，這次比較特別的是，這份甜點又可以稱算是「鹹點」，原因是因為該披薩底是沿用剛才的pizza 底，所以吃落去toppings 的香蕉和朱古力就充滿香甜味，而披薩底就有鹹脆味，兩者互相呼應，感覺比較特別。
友人對於今餐生日飯非常滿意，原來「意粉狂熱」並不單止只有意粉好吃，其他食物亦不遑多讓，反而我會認為其他食物會蓋過意粉的風頭。
呢間意粉店係和民集團所開，進軍埋意大利西餐市場，係好多旺區都有分店，今次就去左旺角食餐廳有3款2人套餐選擇，岩哂小編呢Ｄ唔中意諗既人 小編就選左個$318既套餐，有齊湯, 沙律, 小食, pizza, 意粉, 甜品同飲品，好豐富又抵食餐湯有法式芝士洋蔥湯同特濃南瓜粟米忌廉湯而小編唔中意粟米同南瓜就選左洋蔥湯，個湯咸咸地，洋蔥香甜，法包吸滿洋蔥湯精華，飲落幾特別 再黎指定的雞肉凱撒沙律，好大份，沙律菜好新鮮，配埋酸酸甜甜既白醬同芝士，開胃又惹味不過就凍左少少小食就叫左蒜味芝士雞翼，雞肉炸得脆口，食落好鮮嫩多汁，配埋芝士醬好惹味 仲單點左小食牛油果法包多士，好香牛油果味，仲有好多爽口既大蝦，食落去法包卜卜脆，口感清新又豐富 意粉就叫左香草烤雞雜菌羅勒忌廉意粉，青醬意粉味道濃郁，配合羅勒令香味提升，仲有好多雜菌同雞肉，食落好豐富又creamy 明太子忌廉海老披薩，Pizza個餅底焗得好卜卜脆同鬆軟，加埋明太子同芝士醬好惹味，仲有好多大蝦相當豐富 甜品就叫左朱古力蛋糕，唔會太甜，食落都幾creamy 飲品叫左芒果黃香李煎茶，飲落好香芒果味，而且茶味幾醇，又可以減少食得咁豐富既飽滯感總括黎講：套餐都幾抵食，而且質素唔錯，不過就有限時，但上菜速度快左少少，食得會比較急
黎到旺角行街，想坐得舒服食餐晚飯，好友推薦和民集團旗下既Pastaholic，位於雅蘭中心2樓，夠哂方便～裝修整潔簡約，環境舒適。
可選擇各款套餐或單點意粉、焗飯、薄餅、小食、甜點等。
套餐都幾抵食，包湯、沙律、小食、意粉、薄餅、甜品及飲品共九個項目，都只係HK$318，性價比好高啊！特濃南瓜粟米忌廉湯口感滑順好creamy，味道香甜，南瓜味好香濃～法式芝士洋蔥湯芝士味道濃厚、麵包鬆脆，再飲一啖濃郁既洋葱湯，口感極之豐富～香草雞肉凱撒沙律香濃凱撒醬搭配新鮮爽脆生菜及軟嫩香草雞肉，再灑上巴馬臣芝士碎，惹味又吸引！蒜味芝士雞翼(蒜味芥末醬)雞翼嫩滑多汁，蒜味香濃，極邪惡！芝士煙肉帶子忌廉意粉帶子鮮甜、鹹香煙肉夠哂惹味，意粉煮得剛好，煙韌又彈牙，每條意粉都掛滿香濃忌廉汁，好高質！明太子忌廉芝士海老薄餅明太子帶點微辣，口味獨特，薄餅餅底鬆脆，蝦仁爽口彈牙～松葉蟹肉配芝士法包多士法包多士烤至香脆，配鮮甜松葉蟹肉，大滿足～餐飲點左橙汁同草莓荔枝綠茶(茶包)，熱水可以無限添加～是日甜品為口感順滑的提拉米蘇，很不錯呢~
意粉狂熱餐單提供意大利菜, 薄餅等推介美食位於旺角區，餐廳座位數83人均消費約$101-200，結賬可以用Visa,Master,AlipayHK,支付寶,現金,AE,銀聯,JCB，Booking訂位可以電話致電 25111937 查詢。
您對於旺角餐廳「意粉狂熱」有何 comment？
意粉狂熱餐廳詳細資料：
- 意粉狂熱地址: 旺角彌敦道639號雅蘭中心2樓208號舖 Pastaholic, Shop208,2/ F, Grand Tower,639 Nathan Road, Mong Kok
- 意粉狂熱電話: 25111937
- 意粉狂熱價錢: $101-200
- 分類: 意大利菜, 薄餅
- 座位: 83
- 付款: Visa,Master,AlipayHK,支付寶,現金,AE,銀聯,JCB
- FB專頁: 意粉狂熱 Facebook
更多意粉狂熱相關資料:
香港餐廳2026推介8月