心夜來潮 旺角
地址: 旺角西洋菜南街138號福苑2樓
最後更新:
心夜來潮推介
以潮州小吃為主的小店，餐牌上雖然只有十多款食物，但大都是很少聽過的風味小吃，如手工捻面猴、菜茶、潮式生醃海鮮及小米餃等。
旺角心夜來潮
| 餐廳分店 | 心夜來潮 |
|---|---|
| 地區 | 旺角 |
| 電話訂位 | 沒有電話提供 |
| 餐單 Menu | 潮州菜, 海鮮, 粉麵, 米線, 粥品, 小食店 |
| 人氣指數 | 1333 |
| 價錢幾錢 | $51-100 |
心夜來潮訂位位於旺角區，詳細地址是旺角西洋菜南街138號福苑2樓，餐廳寬敞座位數目共有100個。心夜來潮幾錢？價錢優惠後人均消費大約$51-100埋單，早餐午餐晚餐心夜來潮餐單包括有潮州菜, 海鮮, 粉麵, 米線, 粥品, 小食店等美食，付款方式有Visa,Master,AlipayHK,支付寶,現金,銀聯付款。
心夜來潮優惠
心夜來潮 評價 相片
作為一個潮州人出街食潮州嘢係非常之普通嘅一件事今日黎到呢間食晒字嘅心夜來潮就叫佢幾味招牌潮洲菜黎試一試黎到嘅時候都係六點半左右未算係好多客人胡椒豬肚湯係平時喺屋企都會食到嘅湯屋企煮嘅時候會落咸菜佢就用左白蘿蔔感覺冇咁熱氣同埋更加入味胡椒味亦都好夠食返幾味鹵味就梗架啦因為只係兩個人黎食只係叫左個雙拼豬耳同豆腐份量都唔錯呀見到menu幅相就忍唔住要叫嘅炒飯黑松露味好夠但係咸蛋黃略嫌少左少少（但咸蛋白係多嘅）最後係熱氣之最嘅蠔餅！食蠔餅最驚成舊粉食落口佢就唔會喇啖啖都有蠔咁制十分足料嘅一味餸！
今日行經旺角，枱頭一望天開始黑，望反落黎見到「心夜來潮」！記得中學時期有位朋友係潮州人，成日放學去佢屋企hea~丫姨總會好熱情甘整啲炒粉面黎食，好懷念！好！就會一會你啦！一打開餐牌，尋尋覓覓見到個潮州炒米粉！呢個梗係一定叫啦！潮州嘢無理由唔叫滷水鵝！跟住重叫左個白果豬肚湯！整多碟辣酒煮花螺！叫完野食無耐好快上齊哂野食！正～！先講我最期待嘅潮州炒米粉！真係好有同學媽咪既味道！加入左魷魚同蝦米兩個潮州大特色落米粉炒！而且炒得好乾身香口！一流～～辣酒煮花螺連煲仔上！大煲到！我地兩個人食到。
第一次覺得食下酒菜會食飽😂🤣白果豬肚湯，一上黎即刻整啖湯飲下先！👍🏻👍🏻！整返個隱藏食法！加入去辣酒煮花螺個煲到滾兩滾～～～～又多樣野送酒！例牌滷水鵝！鵝片一啲都唔會過肥！點埋白雲鳳爪個隻酸醋汁。
一舊接一舊。
K!O!今晚碟碟都甘大碟！肥哂！夠「潮」！I like it！
深夜來潮，總會有時侯係好想打下冷食下小炒。
打冷首選緊係蠔餅 $86份量好夠，蠔仔都好多。
最緊要係炸到成個都脆卜卜！連中間位都脆唔係腍架😋醬滷鵝腸 $58每條腸都肥嘟嘟，每啖都食緊一堆脂肪咁，不過夠邪惡夠爽，碟底有成堆芽菜平衡返～茄子豆角醬炒豬頸肉 $88一上枱已經好香，好夠鑊氣，茄子腍腍地好入味，豆角仲保持到爽脆！豬頸肉冇得彈呀，每一舊都大大舊，入口油脂爆發，配白飯一流！泰椒啫娃娃菜 $68好似好少會係食娃娃菜煲，平時都係通菜呀芥蘭咁，點知原來娃娃菜先係大佬級呀！每條菜都索哂辣汁，直程好似打邊爐咁，依個大推！砂鍋卜卜蜆煲 $168一上枱心諗，點食得哂呀！！每一隻蜆都好大，同我地認知既卜卜蜆好唔同，而且幾乎冇乜冇開殼既蜆！除咗蜆仲有好多粉絲係底，同埋粟米、金菇、蔥、等等嘅蔬菜，好抵食！不過重點係個湯，個湯十分清甜，當全餐都係比較重口味，油膩感十足，飲返碗清湯即刻解晒漏，又可以再食過！呢度位置好就腳方便，而且裝修同座位都舒適，同一般打冷店係比較麻甩嘅形象好唔同，唯一唔好係當晚冷氣比較大。
但當你深夜突然想食個蠔餅，炒個蜆，依到係不二之選。
小豬，將去法國比賽。
她說，想吃炸蠔餅。
這夜，咱倆，去旺角 心夜來潮。
長方形的木枱木凳，襯以中式燈籠，以及饒富中國風的擺設，挺有特色的﹗圖文並茂的餐牌，教人看得垂涎三尺，目不暇給﹗全新系列 啫王之王，除了數款常見的啫煲外，還有甚麼「農家火焰魚」、「火焰燘鴨煲」等，挺有氣勢的菜式。
牙籤木盒，刻有少數民族的圖案。
趁年輕，就要盡情任性。
鹹蛋黃寶寶寶$98，一碟三味。
鮮魷、銀魚和雞軟骨沾上鹹蛋黃薄漿炸至金黃香脆，伙酒吃一流也﹗可惜，我等不是杜康之輩，只能以茶代酒了﹗傳統鴨蛋煎蠔烙$86，甫見賣相，已然知道必然脆卜卜了﹗傳統潮州餐廳多選用鴨蛋煎蠔烙，相比雞蛋，煎出來的蠔烙色澤較為金黃，味道也更為濃郁。
咬一口，表層邊沿極其酥脆香口，內裏盡是鮮嫩的蠔仔。
踏入秋天，餐廳也推出煲你新品。
她說，想吃豉汁啫白鱔$168。
一煲的啫白鱔，份量著實不少，還有不少的支竹﹗支竹煮得十分入味，啖啖肉的白鱔肉質鮮爽嫩且彈牙，教人回味不已﹗
旺角區有好多唔同種類食肆但同媽媽食晚餐，都係要選擇番中菜穩陣D今晚決定同佢試試潮州菜式雖然只是閒日，但晚飯時段已經坐滿哂人好彩我地比較早到食得潮州菜當然要食鹵水點左份醬鹵六小碟有豬耳仔、豬大腸、豬腩肉、豆腐、紅腸同豬脷，可以一次過可試哂唔同口味而白果胡椒豬肚湯，豬肚食都出好新鮮，口感爽口有淡淡鮮味，而且胡椒味好濃郁飲完有暖胃既效果另外點選了黑松露鹹蛋啫煲飯用上啫煲，可保持飯既熱度而且炒飯粒粒分明而黑松露鹹蛋更加令炒飯十分香口十分惹味薑酒啫芥蘭芥蘭新鮮，只用上較嫩滑既部份食落唔會有渣, 非常好味薑酒更令芥蘭香氣撲鼻而呢度餸菜比較大份，抵食，下次可以再來
心夜來潮餐單提供潮州菜, 海鮮, 粉麵, 米線, 粥品, 小食店等推介美食位於旺角區，餐廳座位數100人均消費約$51-100，結賬可以用Visa,Master,AlipayHK,支付寶,現金,銀聯。
您對於旺角餐廳「心夜來潮」有何 comment？
心夜來潮餐廳詳細資料：
- 心夜來潮地址: 旺角西洋菜南街138號福苑2樓 心夜來潮, 2/ F, Fortune Crest,138 Sai Yeung Choi Street South, Mong Kok
- 心夜來潮電話:
- 心夜來潮價錢: $51-100
- 分類: 潮州菜, 海鮮, 粉麵, 米線, 粥品, 小食店
- 座位: 100
- 付款: Visa,Master,AlipayHK,支付寶,現金,銀聯
- FB專頁: 心夜來潮 Facebook
更多心夜來潮相關資料:
香港餐廳2026推介7月